بالله تكفون ابا مساعدة لاني تعبت من دي الكلمة ... تعرفوا كيف لما الوحدة فجاة تجيها فكرة خطيرة ومرة حلوة كدا من باب التغير وتجي تبي تعمليها وتنافشيها مع امك وابوكي ويقولولك ماله داعي ... اوضح لكم بالتفصيل !!! غرفة نوم امي ما اتغيرت من يوم سكنت في البيت للحين فاقترح على امي انها تقنع ابوي يجبلها وحدة جديدة بدل ماهي كدا قديمة ومخلعة وحالتها حالة .. تقولي ليش احنا ناقلين من الفلة وبعدين اجيب وحدة جديدة !!! والغذر هادا صار له اكتر من اربع سنين انا اسمعه كل ماقلنا نبا نغير في البيت بابا يقول ما له داعي احنا مو جالسين في دا البيت ( ترا البيت ملك لنا وتصميم وبنا بابا) وانا صراحة تعبت من البيت كبير وفاضي مافي عفش مافيه غرفة مرتبة الواحد يقدر يستقبل الناس فيه ... والله تعبت نفسي كدا امسك البيت وكل شي فيه اوديه الحراج ابيعه باي سعر واجيب عفش جديد وارتب البيت مرة مقهورة ...
طيب ممكن بتقولوا خلاص اصبري لما ننقل طيب لما اجي ارتب العفش اللي في البيت اصلا ماما توقف لي زي الشواكة اقولها يا ماما تغير نعمل شكل جديد لا مافي نفس شكل البيت زي ماهوا حتى مرة افتكر انها عصبت عليا انا واختي وخلت بابا يضربنا لاننا غيرنا ترتيب غرفتنا :(
بالله قولوا لي كيف اغير رايها واخليها تقتنع ؟؟ المشكله هي بنفسها تقول انا ماقدر اعزم الناس لانه ماعندي عفش ولما اقولها طب ليش مانجيب ؟؟ تقولي لا اصله احنا هننقل !!! كيف ؟؟ كيف ؟؟ ماعرف بالله ساعدوني ايش اعمل !! اسكت واصبر لين اتزوج وافتك واعمل بيتي على مزاجي ولا ايش اعمل >< اناااا تعبببتتت ><
DyaN @dyan
عضوة جديدة
يلزم عليك تسجيل الدخول أولًا لكتابة تعليق.
لحظه هدوء
•
ياحياتي خلي ابوكي يقنعها
الصفحة الأخيرة