حبيباتي صبايا حواء .. والله انا محتاجالكم كتير حتى لو إني أفضفض لأنه ضاقت بي الأرض بما رحبت وحاسة بخنــقة شديـــــة جدا .. تعبت والله :( .. انا بنت مخطوبة لي أخت أصغر مني وعايشة مع بابا وماما واختي ( خريجة اداب لغة عربية ) من شهرين تقريبا أختي اتعرفت على بنت انجليزية اصلها من جزر موريشيوس جات مصر عشان تتعلم لغة عربية, البنت مسلمة لكن غير ملتزمة يعني مثلا لبسها غير لبس المصريين يعني ممكن كات ووممكن ميكروجيب وكتر خيرها بتلبس تحتها شراب شفاف !!! المهم عشان مطولش عليكم اختي اقترحت اقتراح انه نستضيف البنت عندنا بالبيت لانه بتدفع 4 الاف جنيه فى الشهر, طبعا صدمنا من اقتراحها وبابا وماما رفضوا تماما, بعد كده بدات تجيب البنت دي على البيت عندنا عشان تديها دروس لغة عربية بالمجان وبدأت البنت زيارتها لينا وبعد الغدا تبدا اختي معاها درس اللغة العربية وبقت البنت تسهر عندنا كتييييير لحد 2 بالليل واحنا اساسا فى مصر دلوقتي فى حظر تجوال من 2 صباحا لــ 5 صباحا والبنت ساكنة فى حي مدينة نصر لوحدها فى شقة مفروشة تبعد عننا ساعة الاربع تقريبا فبقيت مش عارفه اعمل ايه لانه الوقت اتاخر وهي لا على بالها ومكملة السهرة مع اختي, خطيبي قالي قوللها انه فى حظر واحرجيها قوليلها يا تباتي معانا الليلة دي ( عزومة مركبية على قولة المصريين او هات ايدك والحقني على قولة اهل الشام) يا نوصلك لانه النزول بعد كده خطر والبلد حاليا من آمان خالص, البنت رفضت وقالت المرة الجاية لانه لازم اجيب حاجات من البيت, بابا تطوع ونزل وصلها هو واختي ورجعوا الساعة 3 صباحا وطبعا كسروا حظر التجوال, الزيارة اللى بعدها سهرت برضو سألت اختي هاتنزل امتي قالتلي هاتبات معانا قلتها استأذتني ماما قالتي عادي مش هتقول حاجه وطبعا البينت بتسهر ماما وبابا بيبقوا عندهم شغل الصبح بيناموا بدري , انا دخلت نمت وانا قلقانة جدا عمري ما حد غريب جيه نام معايا فى غرفتي !!!!!! المهم اتضايقت وقلت ليلة وهتعدي بس طبعا خايفة وقلقانه ماجاليش نوم اصلا, تاني يوم قلت لماما ازاى واحدة غريبة منعرفش عنها غير اسمها تبات معانا فى البيت !!!!!!!!!!1 قالتلي اختك فرضت علينا امر واقع هنعمل ايه, انا قلتلهم فى البيت انه انا مش مجبره استضيف حد غريب فى غرفتي معرفش عنه حاجه سيدنا الرسول صلى الله عليه وسلم قال " لا تصاحب الا مؤمن ولا يأكل طعامك الا تقى " يأكل طعامك يعني يدخل بيتك واشترط التقوى لانه البيت خصوصيات وغرفة النوم خصوصية اكبر, المهم اختى قالتلي كده بتحرجيني اقولها ايه لو جات وباتت اقولها امشي قلتها وانا مالي انتي حطيطي نفسك فى الموقف ده, اذا بتجيبيها تاني وتسهر لاخر الليل وتبات انا هاضطر اقفل بابا غرفتي ومفوتش حد عليها لانه من حقي وقوليها انه اختي فى الصيف بتلبس براحتها وهي نايمة ومبتبكسف حد يشوفها رد مقنع واهلا بيها فى اي وقت ما عدا " البيــات " بدات تزعق وعصبية غرررررررريبة وتغلط فينا انا وماما وبابا وتوصفنا بالتخلف وعدم الكرم وعدم الانسانية قلتها ولا هغير رأي واذا مصممة تجيبيها ناموا بره على الكنب ( بحاول اضغط عليها ) وبعدين مرة راحت اختي عندها واتاخرت كتيييير لغاية الساعة واحدة ماجاتش اتصلت بيها هاتجنن قالتي كان فى حد قافل على العربية فى البارك واتاخرنا لغاية ما صاحب العربية جيه فتحلنا الطريق وقالتلي انه جايباها معاها تبات عندنا, قلتلها براحتك ودخلت غرفتي خرجت لبس البيت بتاع اختي بره عشان تغير لما تيجي وقفلت الباب من الداخل ونمت وطبعا اتضايقت جدا من تصرفي بس حسيت انه محتاجه استخدم الحزم , صحيت لقيتها مشيت واختي مش طايقاني وسباب واهانات وشتيمة لاني احرجتها ونيمت الضيفة على الكنبة !!!!! الغريب موقف بابا وماما كمان موافقنها, وبيقولو مسكينة فى بلد غريب , وانا والله ماحدش يتهمني بالقسوة انا اساسا شهرتي فى العيلة الطيبة من كتر ما بحب الناس بس كمان ومش بدعي بفضل الله عندي حدس عالي والبنت انا مرتحتلهاش ولا لنظراتها ولا تعليقاتها تصوروا مرة علقت على صورة خطوبتي اللى معلقنها على الحائط فى الريسبشن وفى غرفة نومي وتقول لاختي هي ليها حاطه صورها كده فى كل مكان فى البيت !!!!!!!! خطيبي لما قلتله قالى ماهي الخطة الجاية هاتشيل صورك وتحط صوره هيا !!!!!!, بس بعد كده حصل حاجات غريبة فى بيتنا عصبيــــــــــــة على اتفه الاسباب ومشـــــــاكل مع بابا ومع ماما وبابا وماما مع بعض وانا واختي واختي وبابا واختي وماما وانا وماما , صحيح كل البيوت فيها مشاكل بس احنا مش بالعادة بيحصل كل المشاكل دي عندنا وعصبية وصرااااااخ امر بجد غرييييييب وبدات تحصل لامي مشاكل فى شغلها وبابا مخاصمني انا واختي !!!!!!!!! وانا خطيبي نتخانق, ومرة كان خطيبي جاي عندنا وهو فى الطريق قامت خناااااقة كبيرة بقينا احنا الا 4 بنزعق فى بعض وماما لاول مرة فى حياتها عايزة تسيب البيت وتنزل !!!!!!!! ولما هدينا ماما كلمت خطيبي قالتله فى مشاكل فى البيت بتعتذرله عشان مش هنقدر نقابله وكلنا بوزنا شبرين وبرضو على اتفه الاسباب وبسبب انه انا رافضة بيات البنت فى البيت ولاول مرة ماما وبابا جم فى صفي لاني سأله اصحابهم قالولهم مينفعش طبعا حد غريب يبات معاكم خصوصا انكم متعرفوهاش يعني لو حصلها حاجة او تكون هي عاملة حاجه انتم هاتلبسوها, فوافقوني رأي واختي بدات تزعق وتصرخ كالعادة كلنا صممنا على رأينا انه بيات مرفوض, بعدها بإسبوع جات البنت تاني واتاخرت للساعة 2 ونص وجات اختي تستأذني انه تبات قلتها اتكلمنا وطولنا فى الموضوع ده وقلنا لاأأأأأأأأأأأ شتمتني وخرجت من الغرفة وهي بتدعي عليا اني اشوف ايام سودا فى حياتي :( الله يسامحها , ونزلت البنت سالتها هتروح ازاى مفيش مواصلات دلوقتي ومصحيتيش بابا لسه يوصلها قالتي واحد صاحبها جيه يوصلها !!!!!!!!!!!! انا اتجننت طبعا وقلت لازم الصبح اشوف حل مع ماما وبابا هتوصل لحد سمعتنا واحنا بنتين لأأأأأأأأأأأأ وألف لأأأأأأأأأأأأ , المهم صحيت يوم الجمعة الصبح بكلم ماما فى الموضوع بقولها ازاى واحد صاحبها يجي ياخدها من تحت بيتنا قالتى اخررررررررررسي انتى لا ترحمي ولا تسيبي رحمة ربنا تنزل اومال تروح لوحدها !!!!!!!!! مانتي مرضيتيش تبيتيها , وطلعت انه الحق عليا !!!!!!!!!! وبدأ المشاكل اختي تدعي عليا وتهين فيا وتشتمني على مراى ومسمع من بابا وماما ولما اقول تصرفاتها تبقى بعيد عننا , يعني مؤدبة براحتها مش مؤدبة براحتها بس بعيد عننا اتهموني بأني بقذفها بالباطل !!!!!!!1 واختي تعرف انها عادي وفري جدا مع الشباب وبتسلم على اصحابها الشباب بالاحضان والبوس !!!!!!!!!!! وفضلت اختي تتعصب وتقول امتي تتجوز وتسيب البيت عشان نشم نفسنا امتي اخلص منك ربنا يبعدك عني , انا ملقتش ماما وبابا بيرضوا قمت دخلت اخدت لبسي فى شنطة ولبست وقلتلهم انا هاريحكم مني خالص ونزلت محدش سأل فيا !!!!!! كلمت بنت خالي ورحتلها وقعدت هناك يوم وكلمت خطيبي حكيتله قالي انا شايف انه انتي عندك حق من الاول ومستغرب موقف اهلك جدا ولازم نلاقي حل واتفقنا على خطة انا وهو انه نقول لبابا وماما انه احنا انفصلنا بسبب انه انا بقالى شهر عصبية من مشاكل البيت بسبب البنت الاجنبية دي وان هو خلاص زهق ومش مرتاح وهاننفصل وقالى هقفل الموبايل عشان اذا اتصلوا بيا يصدقوا واحنا الاتنين بدأنا ننفذ الخطة واحنا مضايقين جدا اننا بنكذب بس مضطرين عشان بابا وماما يفوقوا وياخدوا موقف وفعلا اتصلت قلتلهم ارتاحوا دعوات اختي عليا صابتني وخطيبي قرر ينفصل عني اتصلوا بيه اعرفه امتى هننهي الموضوع رسمي ماما اتخضيت وقلقت جدا اتصلت على موبايله لقيته مغلق على الارضى مرضش على التليفون وصدقوووووا وبدات الخطة تنجح الحمد لله واختي كلمتني واعتذرتللللللي كتييييييييييير جدا وقالت انا مكنتش اعرف انه الموضوع هايوصل لكده , وفضلت قلقانه جدا وتقول اكيد البنت دي حسدتك لانها بتعلق كتير عليكي انتي وخطيبك وعلى اهتمامه بيكي ولما بتشوف الورد اللى جايبهولك بيتفضل تبصله كتييييييير ومرة قاتلي انه انتوا البنات والسيدات العرب محظوظين والنساء الغربيات بيحسدوكم على اهتمام رجالكم بيكم لانه فى الغرب ده مش موجود الا نادرا , وبس وانا قررت ارجع البيت تاني يوم, وفعلا نفسيتي انت الحمد لله بدأت ترتاح, الا وقسم بالله وانا مقربة على البيت وقبل ما اوصل الا ونفسيتي تتعب تاني واول ما دخلت البيت نوبة بكـــــــــــــــــــــــــــــــاء حـــــــــــــــــــــادة جدا وبدون سبب وكان خطيبي جايلنا اليوم ده بعد ما فهمتهم اننا اتصالحنا وانه كان سوء فهم وعصبية وخلاص, ولما هديت قمت وغسلت وشي وغيرت ملابسي عشان استعد وبعد ما جهزت وبلبس الحجاب خالي اتصل بمامتي بيعاتبها ازاى هيه مش واخده موقف هيا وبابا وازاى هنت عليها انزل من البيت عشان عشان تدافع عن نفسها قالتلي هي عصبية وعايزة تتحكم فينا وتمشي كلمتها انه البنت متجيش وانا لقيت امي بتبالغ عشان بقى موقفها وحش فلقيت نفسي دخلت فى نوبة بكــــــــــــاء شديدة امي قفلت التليفون وجات تهديني وتقرأ عليا المعوذات وايدها على رأسي وبدات تحس انه فى حاجة مش مريحة بتحصلنا بكاء من غير سبب وعصبية وصراخ على اتفه الامور وكان بابا نزل فى مشوار اتاخر اتصلت بيه قالها مش طايق ارجع البيت بتمشى بالعربية فى الشوارع !!!!!!!!!! اختي انصدمت وتذكرت حاجة كانت البنت دي قالتهالها مرة انه فى ولد مصري اتعرفت عليه ووعدها انه هايرتبط بيها وبعدها بفترة بعد عنها سالت عليه قريبه قالها كان بيضحك عليكي استحاله يتجوزك عشان انتي اجنبية وعاداتك غيرنا , البنت وهي بتحكي لاختي قالتلها " هالعنه " !!!!!!!!!!!!! سالتها يعني ايه قالتها اعرف ناس باكستانيين فى لندن بيعملوا سحر !!!!!!!!! والله يا صبايا مصدقتش اللى بسمعه :( كنت اقرأ قصص كتير هنا فى المنتدى عن السحر وكنت بقول يمكن منتشر بره لكن فى مصر لأ الحمد لله , ماتخيلتش ابدا انه ممكن تيجي واحدة تقبل حياتنا بالشكل ده !!!!!!!!!!!!!!! الغريب انه اختي رجعت فى كلامها وقالت مش هاعرفها بس لما كنت انا وخطبيبي ممثلين اننا هننفصل واول ما الامور اتصلحت قالت لااااااااا هاتيجي البيت بس هاتعد فى الليفينج وهاقفل الباب وليقكم عليا ماتشوفوش وشها ابدا !!!!!!!!!!! لكن ابدا مش هاقطع علاقتي بيها عشان لو ربنا كتبلي اكمل دراستير بره تساعدني لانها عارفه لندن شبر شبر !!!!!!!!!! والمشكــــــــلة برضو مخلصتش, لأ وزاد اني بدأت اقتنع انه فى سحر معمول لأني قرأت الأعراض لقيتها اغلبها موجوده مشاكل وعصبية على اتفه الاسباب وبيحصل تقريب يوميا ونعاس وتثاؤب عند قراءة القرآن وكسل فى الحفظ وانا فعلا بقالى اليوم يبقى ثالث اسبوع ليا منقطعه عن معهد القرآن اللى بحفظ فيه واليوم امتحان ومروحتش لاني بقالي شهر تقريبا بمسك المصحف بالعافية وبكسل شديد فى معاد الحفظ فمحفظتش كويس واختي قالتلي انا انا قلت للبنت انه انتي اللى رافضة انها تبات فى البيت وماما وبابا موافقين, فالبنت قالتها يبقى هي مش عايزاني ادخل غرفتها !!!
انا عارفه يا بنات اني طولت عليكم وكتيييييييييييير بس قسما بالله غصب عني انا من الهم بقالي 3 ايام بنام ساعتين بس وبأرق كل عشر دقايق اصحى ونفسي مسدودة عن الاكل اخر حاجة كالتها كانت فطار امبارح عند خالي :(
ادعولي يا بنات ربنا يفرج همي ويبعد عني الشر وعن اختي لاني الاسبوه اللى فات شفت فى منامي انه اختي بها حشرات رأس فظيعة ومقززززززة :o فى رأسها من الامام وانا بحاول اطلعها وهي تحاول تبعدني :(
سامحوني على الإطالة بس كنت محتاجة افضفض لأني اختنقت خااااااااااااااالص , متنسونيش من الدعاء
حفيدة جويرية @hfyd_goyry
عضوة فعالة
يلزم عليك تسجيل الدخول أولًا لكتابة تعليق.
منوور وصلت
•
الله فهمته ان اختك متعلقه فيها سبحان الله مع انك تقولين انها مو محتشمه وامك وش لون رضت فيها انها تبات عندكم المثل يقول الباب الي يجي معه الريح سده واستريح اذا جت عندكم لاتفتحون الباب خلوها تطق لين تمل كم من مره وبتمل وترتحون منها الله يكفيكم شرها وش لون تعرفت اختك عليها
الله فهمته ان اختك متعلقه فيها سبحان الله مع انك تقولين انها مو محتشمه وامك وش لون رضت فيها انها تبات عندكم المثل يقول الباب الي يجي معه الريح سده واستريح اذا جت عندكم لاتفتحون الباب خلوها تطق لين تمل كم من مره وبتمل وترتحون منها الله يكفيكم شرها وش لون تعرفت اختك عليهاالله فهمته ان اختك متعلقه فيها سبحان الله مع انك تقولين انها مو محتشمه وامك وش لون رضت فيها انها...
اختي مرجحة انها ممكن تكون عينها وحشة وبتحسدنا وبتقول بيكفينا نقرأ الاذكار لكن مش هقطع علاقتي بيها لاني لو ربنا كتبلي وكملت دراستي بره هاتستضيفني عندها يبقى ليا حد اعرفه من لندن يساعدني اذا سافرت !!!!!!!! اصلا عايشة الوهم :( واختي اتعرفت عليها من واحدة صحبتها نفس تخصصها كانت بتدرس للبنت فى معهد تعليم اللغة العربية للاجانب
الف شكر حبيبتي على اهتمامك وردت .. ادعيلي :(
الف شكر حبيبتي على اهتمامك وردت .. ادعيلي :(
الله يفرجها معاكي ياحبيبتي
ان شاء الله البنت هذي ربنا يصرفها ويصرف شرها عنكم
امين يارب
طمنيني عليكي
ان شاء الله البنت هذي ربنا يصرفها ويصرف شرها عنكم
امين يارب
طمنيني عليكي
الله يفرجها معاكي ياحبيبتي ان شاء الله البنت هذي ربنا يصرفها ويصرف شرها عنكم امين يارب طمنيني عليكيالله يفرجها معاكي ياحبيبتي ان شاء الله البنت هذي ربنا يصرفها ويصرف شرها عنكم امين يارب طمنيني...
آمين يا رب العالمين :( , الف شكر حبيبتي والله يسجيب منك
الله يعينكم ويسعادكم وترتاحون من هذه البنت وشرها أنا ارى يا أختي انك تجلسين مع اختك
وتتكلمين معها بهدوء وبمنطق تقتنع فية وفهميها اننا مسلمين وهذه مو عاداتنا وتقاليدنا
وان من الغلط نمشي في الغلط علشان نحقق اهدافنا وقولي لها اذا كنتي شايلة هم السكن لما تطلعي
لندن فيه حلول كثيره غير السكن مع هالبنت وفميها ان من ترك شي لله عوضه الله خيرا منه
ولااااااااا تتكلمين معاها وانتي تحذرين وتخوفين ومعصبة وما خذة دور الاخت الكبيرة
لانها بتعاند زيادة لا تكلم معها من القلب وببساطة وحسسيه انك أكثر من أخت
وبالاخير اذا انتهيتي من كل كلامك وفضفضتي كل شي
ونصحتي خلاص اتركيها تاخذ قرارها بنفسها وتتحمل النتائج ولا تخسرين امك وابوك واختك علشان اي احد
وتتكلمين معها بهدوء وبمنطق تقتنع فية وفهميها اننا مسلمين وهذه مو عاداتنا وتقاليدنا
وان من الغلط نمشي في الغلط علشان نحقق اهدافنا وقولي لها اذا كنتي شايلة هم السكن لما تطلعي
لندن فيه حلول كثيره غير السكن مع هالبنت وفميها ان من ترك شي لله عوضه الله خيرا منه
ولااااااااا تتكلمين معاها وانتي تحذرين وتخوفين ومعصبة وما خذة دور الاخت الكبيرة
لانها بتعاند زيادة لا تكلم معها من القلب وببساطة وحسسيه انك أكثر من أخت
وبالاخير اذا انتهيتي من كل كلامك وفضفضتي كل شي
ونصحتي خلاص اتركيها تاخذ قرارها بنفسها وتتحمل النتائج ولا تخسرين امك وابوك واختك علشان اي احد
الصفحة الأخيرة