المجروحه هذا تقسيمي لمهر احد الاخوات ان شاءالله يفيدك
للاسف تخفيضاااااااااااااات سيتي ماكس انتهت بس اسعارهم ترا اصلا حبيوه لا تاخذي الابعض البجايم منهم والباقي خوذيه من سوق اليمامه بغرب الرياض فيه بناطيل جتز شورت جنز وغيرها وقمصان بعشرين وثلاثين وفساتين قصيره روعه ب40
بعدها لا تنسين تمرين البديعه فيه محل مره رايق عنده تيورات تصلح عرايس روووووووووووووووووووووووووووووووووعه من جد روعه
مايحضرني اسمه اسعار 400 لونزلتي جاكيت ماله داعي حاطه مع اطقم وفيه 300 وشوي وميتين بس وش تيورات روعه

هذاا ردي لا احد الاخوووووووووووووووات قلبو دعواتك ان الله يوفقني مع زوجي ويزقنا حياه سعيده

اضحك واعيش مهرك ثلاثين خلاص خليك على الثلاثين وخلي العشر احتياط ممكن ماتمشي الامور على كيفك
اقولك اول شي خوذي الذهب لا تكثرين طقمينواحد من خمسه اواقل بشوي واحد بالفين اواقل بعد انتي قولي للمحل ابي طقوم بالسعر الفلاني وهوبيعرف ويطلعلك شي حلو وعلى قد فلوسك وخوذي واذا تبين تنزلين نزلي مثلا تنزلين من الطقم اسواره الي تشوفينه (حبيبتي مدري انتم من الناس الي ينقدون اهل الزوج وجماعتكم على الي ماتاخذ ذهب ثقيل اوعادي اذا لزم ذهب كثير قولي عشان اتغير الحسبه شوي ) يعني نقول الذهب معه قميص اول ليله مع طقم الحمام عشر الاف طقم اول ليله لا تاخذين غالي فيه بالهرم بلازا بسعر مناسب
هذي عشر الاف ليلة الزواج احجزي الكوافيره نقول 3000اقصى حد اكيد السعر اقل +فستان الزواج خوذي من اسواق مكه لوبتفصلين 2000لو جاهز 500 نفترض انك فصلتي لاني بقسم على الحد الاعلى موالادنى
مع الجزمه الله يكرمك واذا لابد الكوشه شوفي اسواق مكه تحت سئلت محل يقول حنا عندنا تبدء الاسعار من خمس ميه حلووو+مسكه هم بسواق مكه لقيت اشياء حلوه ورخيصه فيه المسكه الورد الدائري ب60ريال وفيه الي بكرستال واشياء حلوه اممم وش بقي من ليلة الزواج ان شاءالله ذكرت كل شي بيكون المبلغ نقول سبع الاف اكثرزدت اشوي
صار 17الف
نجي للعطور والمكياج العطور حطي لها الفين وخمس ميه خوذي عطرين شرقيات من العربيه قبل لايروح التخفيض خوذي الفراشة
+واي عطر ثاني يعجبك وخوذي البخور الي شكله هرمي بتطلعين بربع ميه وشوي
عطور فرنسيه خوذي ثلاثه نقول واحد ب400او ثنين سعرهن تحت الميتين شوفي باسنجر الحجم الصغير مع عطر ثاني
نقول بتطلعين بالف وخمس ميه ومع الشرقيه الف وخمس ميه
روحي للماجد خوذي لك مفرش العروس ب60 مع لوشن ندى مدري بكم مع دخون الماجد ومبثوث الماج واحد منهم وخوذي عود مسقى بخمسين اوي يغنيك عن العودوخوذي مسك بخاخ ابيض لان مسك عبدالصمد غالي لا تنسين تاخذين منه عطور الفواحه بعشر ريال وحلوااات ومعمول العروسه خوذي لك كم حبه بتطلع لك بثلاثين اواربعين كل واحد بعشره
بعدها روحي لااجمل خوذي طقم دروبس الي يجي بودره ولوشن وعطر وطقم سكر فايس الي يشبه عطلار اليتن اظن الطقم بميه وربعين وخوذي من بودي شوب او نكتار او زهور الريف مجموعه بحدود ميتين وخمسين تكون الاساسيات
نقول خلصنا من العطور المكياج خلي له الفين اتوقع تكفي
امم نقووول 22الف زودت شوي
بعدين قمصان النوم روحي للهرم بلازا روعه ب 20اواقل خوذي لك قميصين من نعومي طوووال لزم اول ايام العرس
نقول بتدفعين اربع ميه على قمصان النوم
بجايم مابين شورتات وبرمودا وطويل نوعي مابين ساتان اوقطن شوفي اسواق اليمامه بغرب الرياض روعه عندهم فساتين قصيره روعه ب30وربعين شوفي بعد سيتي ماكس ورد تاغ والهرم وسوق اليمامه
نقول بتدفعين على القمصان والبجايم والبناطيل الجنز والخام والشورتات الجنز ووغيره الف وخمس ميه لواخذتي من المحلات الي
نقول الى الان ثلاث وعشرين الف وخمس ميه
وش بقى اهى ملابس الطلعه الهم كله هذي حطي لها اربع الاف اتوقع اقل بس انتي ودبرتك ههه صاروا سبع وعشرين الف الالفين الباقيات خوذي جزم اساسيه مع طقمين طقمي لها وخوذي لك كم شنطه
اعتقد اني نسيت التصوير بليلة الزواج خوذي تصوير فوتغارفي بس لا تاخذين فديوالااذا انك تشوفينه ضروري كمان مسك الطهاره السائل الاسود اسمه دم الغزال من عبدالصمد القرشي ونسينا الي بتخلينه لشغلات الصيدله والمرطبات وفواحه وشموع وجلال الصلاه ومفرش اذا عندكم لزم بس مايبي لها ترا مبلغ كبير ماعدا المفرش هو الي شوي غالي او بليلة ا ان شاءالله اني قدرتك افيدك الافاده الكامله حول نص ساعه اواكثر اكتب لا اكثر هههه

موفقه ودعواتك العشره الي كانت عندك كملي فيها الناقص دعوواتك

انا مااعرف كم مهرك بس اظن 30 الف بتكفيك باذن الله....عشره الاف ليوم العرس فستان ب5000 اذا تفصيل وتلا خذي اجار اوفر لك والفين مكياج وتسريحه ليوم الزواج وثلاثه الاف الكوشه ---------------------------------وعشره الاف تجهيز كامل الف ملابس داخليه وبجايم وقمصان روحي للهرم والا سيتي ماكس تاخذين كميه واسعارها روعه والف مكياج خوذي من سيتي بلازا ماركاته ريميل ونيفيا وريفلون وبرجوا واسعارها بطله والف للعطور خوذي واحد فرنسي فخم مثل كلوي والا بربري بودي وخذي لك كم واحد من اجمل وسيد جنيد والف شنط وجزم والف عربون مصوره يبقى خمسع الاف لملابس فستاتين وتيورات وبناطيل ولاتكثيرين يمكن يتغير جسمك وماعاد تلبسينها ---------------------------------------------- وعشره الاف للذهب مع الشبكه اللي عندك خوذي طقم وسط وطقم صغير ابيض واذا تبي تزيدين والا تنقصين شوفي كيف ميزانيتك واحتاجك واي سوال انا حاضره ربي يتمم لك على خير

ريف ..مشكووووووورة يالغالية الله يجزاك خييير يااارب ويفرج عليك دنيا وآخرة ماقصرتي بيض الله وجهك تعبتك معاي الله يجعلها في موازين حسناتك
بما ان عندك خبرة بالليزر وش أفضل مكان لليزر لأني ناوية بس اشيل بالبكيني والإبط الباقي اذا أمكن بعد الزواج
احترت من كثر ماقريت عنها ماعرفت وش استقر عليه

أم رواف .. مشكووووووورة يالغلا ماقصرتي الله يسعدك ويحرم وجهك عن النار ويفرجها عليك يارب

طيب يا أخواتي سواء اللي ساعدوني بردودهم واللي ماردوا حابة معلومات أكثر عن مراكز الليزر عشان اثبت على واحد مضمون
وخاصة ان حدودي بالمحلات وأي مكان بين شرق الرياض للشمال تقريباً ولي رغبة اروح لأسواق مكه بس شوي عندي معاناة في المواصلات لازم احد من أهلي والكل لاهي وعلى حسب الفضوة أقدر اخلص أموري
وبالنسبة بعد للكوافيرات محتارة في كذا اسم احترت ,, والمصورة بعد وش تنصحوني بوحدة تصويرها ممتاز وسعره معقول

عدد الزيارات كبير جدا وللأسف الأخوات اللي ردوا مشكورات كذا وحدة بس

السلام عليكم ..
يسعدنا تواصلك اختي الكريمه
كاتلوجات السهره والزفاف 2011 تصاميمنا الحصريه 100%
بوتيك أحلى عروسة لأرقى فساتين الزفاف والسهرة ...
على المسن A7LA_3ROSAH على الوندوزلايف
الشحن والتوصيل لكافه مدن المملكه ودول الخليج
رقم البوتيك 0563058228
تصاميمنا حصريه 100 %
تفضلي بزيارة الروابط
http://forum.hawaaworld.com/showthread.php?t=3131358
http://forum.hawaaworld.com/showthread.php?t=3078696
اسعارنا للسهره من 1000 الى 3000 وللزفاف من 2000 الى 8000 والسهره للاطفال تبدء من 350 ريال
رابط الفيس بوك
http://www.facebook.com/media/set/?s...3&l=d1620c3ecf