مجنونة حوا

مجنونة حوا @mgnon_hoa_1

محررة برونزية

مالي الا الله ثممممممممممم أنتم

الأسرة والمجتمع


اخواني واخواتي السلام عليكم ورحمة الله وبركاته
اكتب لكم وانا دمعي على خدي وانا مااحب اشكي لاحد بس ابي منكم مساعدة اونصيحة تكفون
الله لايجعلكم في مكاني قصتي هي :
انا مطلقة وعايشة مع ابوي واخواني من ابوي وامهم وامي ماهيب معي متزوجه من واحد ثاني وانا خريجة تربية قسمي دراسات تقديري جيد جدا" مع مرتبة الشرف وما حصلت وظيفة الى الان وانا محتاجة وظيفة معلمة ودي اطلع من البيت هم وغم واسمع كلام يجرح من ناس قريبين ودي اتخلص من احزاني كأن مافيه مطلقة غيري في هالدنيا وكلهم يعرفون اني انا الي طالبة الطلاق بس من كرههم لي ما لقوا الا هالسالفة ودي اطلع من البيت بدري وارجع العصر وانام ودي اتعب في المدرسة واتسلى فيها والقى ناااااااااااااااس تسليني وتنسيني هموم ومتاعب الدنيا
كل الي حولي مايعرفوني الا وقت الحاجة وانا ما اعرف أنتقم بس ارجع وابكي لين يبان الهم على وجهي تكفوووووووووووووون دلوني على مدارس اهلية تقبلني وتكون في غرب الرياض ورواتبها حللوة الله يرزقني الرزق الي يغيض اعداني والقاهم عندي وقت حاجتهم واعرف كيف ارد واذكرهم اياااااااااااام" راحت يوم يتشمتون فيني ودي البس واكشخ مثل الناس ودي اشتري جوالات جديدة مثل البنات ماودي اذل نفسي لاحد والله لو اموت مااروح اطلب من احد ابوي يوم كان متعافي ماكان يقصر وهالحين ابوي مريض ومقعد والمصروف مع زوجته واخواني ماتوظفوا وانا ماودي اشحد العمة وانتم ادرى بالعمات تكفون لاتقولون الضمان انا ماابيه ولا سجلت فيه انا عندي كرامة صح مافيه شي بس انا راجية من الله الوظيفة الي اضعاف اضعاف الضمان
هل اروح للخدمة المدنية واعطيهم ملفي او اروح لمكتب الاشراف يحطون بديلة تكفون ارشدوني والله لادعي لكم اللهم فرج عن من نفس كربيتي ياحي ياقيوم ياذا الجلال والاكرام
26
2K

يلزم عليك تسجيل الدخول أولًا لكتابة تعليق.

تسجيل دخول

ريفااأ
ريفااأ
اطلبيها من اللي ماتنام عينه
والحي ثم الحي
بالدعاء
الناصحه الناصحه
ياأختي الغاليه أوصيك ونفسي بالإستغفار والله مافي هم مع الإستغفار بقلب مو بلسان بس .. قولي أستغفر الله اللذي لا اله الا هو الحي القيوم واتوب اليه .. كرريها وكرري لا حول ولا قوة الا بالله والله بتنحل كل مشاكلك

حسبي الله ونعم الوكيل


.. نصيحه من اخت محبه لك ماعليك من كلام الناس والله لو جلستي عليه كل يوم بتبكي .. دوري رضى ربك وبس




الله يسعدك ويريح بالك ويسخر لك كل خير ..
كالنخلة شامخة
شوفي ياأختي نصيحة لوجه الله أدعي وأكثري من الدعاء
مالك غير رب العالمين أدعي واستغفري واشغلي نفسك بالعبادة
بتحسين براحة عجيبه وانشراح وسعادة ورضا رغم الهم
ومابعد ذلك إلا فرج قريب ورزق واسع بإذن الله
لكن ايقني بذلك وألحي في الدعاء وأكثري من الإستغفار والحوقله
واكيد مايخفى عليك فضل ذلك بحكم اختصاصك بس لمجرد التذكير
حاولي تشغلين نفسك ولا تفكرين في همك وبإذن الله ربك يفرجها
أسأل الله العظيم رب العرش العظيم الرزاق الكريم ان يشرح صدرك
وييسر أمرك ويفرج همك ويرزقك من حيث لاتحتسبين إنه سميع مجيب ..
(حلا الورد)
(حلا الورد)
الله يكتب لك رزق من عنده
الصمت حكمـة
الصمت حكمـة
طيب احفظي كرامتك بالضمان . ماوضع الا لمثل حالاتك ومافيها شي اذا اخذتيه وصدقيني ابرك من راتب الف مدرسة اهلية يكفي مافيه ذل من يوديني ومن يجيبني للدوام ونص الراتب طاير على السواقين . يجيك وانت بالبيت وحق لك تاجرة ولا فقيرة ...