مالي الا الله ثم انتم تكفون جاوبوني

اخواتي الفاضلات في هذا المنتدى الرائع ابي ادخل في الموضوع على طول لاني متضايقة ومحتارة
ابي احكي لكم قصتي من البداية انا متزوجة من خمس سنوات عمري الحين 29سنة ولا زلت حتى الان بكر بمعنى ان زوجي لم يقربني حتى الان حاول مرة وحدة فقط بداية زواجنا وكانت هي المحاولة الاولى والاخيرة قعد يتعالج بعدها ويتناول منشطات ولكن يبدو بدون فايدة. انا لم انا قشه في هذا الموضوع اطلاقاولكني اكتشفت انه مريض بالسكر بعد شهر من زواجنا ولم يخبرني بمرضه هذا حتى الان ويضع ادويته في مكتبه الخاص المقفل دائما.
والله العظيم يا بنات ماقلت لاحد شئ ابدا حتى امي واخواتي مايدرون واذا سالوني ليش ما حملتي للحين عالجوا اقول كشفنا وكلنا سليمين الحمد لله بس الله مااراد .
انا يا بنات الحمد لله على دين وخلق وقدر عالي من الجمال بشهادة الجميع . ولكني رضيت بنصيبي وصابرة ومحتسبة واسال الله ان يعينني على ما انا فيه.
المشكلة الاولى يا بنات اخاف يوم من الايام يتزوج زوجي بوحدة ثانية بحجة انه يبي يجرب نفسه وانتم ادرى بالرجال وسوالفهم هل معي حق في احساسي هذا او لا .
خاصة انه من النوعية الي يسولف عن زملائه فلان يبي يتزوج الثانية وفلان يبي يتزوج مسيار . او ان سوالفه هذي ليرى ردة فعلي ويثير غيرتي عليه تكفون قولوا لي وش غرضه من هالسوالفوهاذي هي المشكلة الثانية.
تكفون جاوبوني يا بنات بسرعة ولا تخلوني واسفه على الاسلوب لان هاذي اول مرة اكتب في المنتديات .