ثلج مشكوره على ردك

وانشاء الله استخير اكثر من مره

اما بالنسبه للاولاد انا طيبه مره بس ماراح اقدر اصير مثل امهم بكل صراحه
لاني توني بنت ابي اعيش حياتي وهالشي مايعني اني راح اقصر معهم بالعكس بس زي امهم بالضبط صعبه شوي !!!!!!!!

عزيزتي داومي على الاستخارة..
وإذا ما حسيتي شيء محدد اطلبي تشوفيه وأبدأي بالموضوع وانتي مداومة على استخارة وإذا تيسرت لك أو العكس فهذي هي الخيرة ..
وإذا عندك الاستعداد وانتي في بداية عمرك بالعناية بعائله من 5 أفراد لأنها مسؤولية مو قليله والله يقدرك عليها إن شاء الله ..
وبما انك بها الطيبه ما شاء الله عليكي ... فكري أن هذول ايتام وبجزاء عنايتك ورعايتك بهم و بالأجر من الله ..

وأسأل الله أن يوفقك ويكتب لك اللي فيه الخيره ويسهل لك امورك جميعها..
وطمنينا على قرارك..

والله مدري الله يعينك ..

4 اطفال ترى مو شوي .. ومهما كان ترى الرجال مرده لعياله .. وعمرك بصراحه صغير .. انا فكرت انك كبيره ..

عموما انتي قلتي استخرتي وماحسيتي بشي .. انصحك تستخرين اكثر من مره ..

فكري فيها 4 اطفال وانتي توك شابه .. يالله تقدرين على واحد هالمره اربعه دفعه وحده وبتشوفينهم بشهر عسل او بعده يعني لسه عروس وتربي عيال ومسؤوليات كبيره من اولها ؟؟؟

بصراحه الواحد يبي يتعود عالحياه الجديده .. وعلى الاطباع .. والعادات .. وطريقة الحياه مع الزوج .. وانتي مابيكون عندك وقت لهذا كله وماتدرين يمكن تصير لك مشاكل لهالسبب..

ماقول غير الله يوفقك ..مهما كان اختيارك :)

http://forum.hawaaworld.com/showthread.php?t=404857

هذي موضوع وحده تقريبا مثلك او نفس الحاله.. بس الفرق انها تورطت وخسرت اشياء كثيره ...

اتمنى تقريها بعقلك مو بقلبك .. عشان تقدري تقرري بعدها ..

واهم شي الاستخاره ..

موفقه ..

هلا اختي ... اولا رايي
انك تستخيرين
ثم تستخيرين
ثم تستخيرين
ثانيا .. طالعي كلام الاخت نونو 78 جزاها الله خير .. وتمعني فيه لان تحسين منه واقع تجربه
و اذا استخرتي خلي قلبك صافي يعني لا تميلين برأيك لشي محدد خلي توكلك على الله انه هو يختارلك الاصلح

وبعد كذا اقولك .. فكري زين عيوني .. تراك صغيره والعمر قدامك .. ماتدرين يمكن ربي يعوضك احسن من هالنصيب ؟؟
يعني صحيح مثل ماقالوا الخوات الله يجزاهم خير انه اجر كبييييير بتحصلينه طول عمرك عشان رعايه اطفال يتامى
لكن بالمقابل هذي حياتك ومستقبلك ومصيرك لاخر العمر
يعني يمكن بتكونين دفعتي عمرك ثمن هالشي !
بيكون فيه تنازلات كثيييره وتضحيه ويمكن بيجي يوم وتملين وتنفجرين لكن ماتقدرين تقولين شي لان الكل بيقولك محد جبرك انتي الي اخترتي بنفسك وانتي عارفه
وماتدرين بعد بتلقين تقدير لهالعناء والتضحيه او لا ؟
خاصه من الاطفال نفسهم الي بتكونين ضيعتي شبابك في تربيتهم لكن مادري احس زوجه الاب مو بسهوله تنحب وتعتبر كالأم
يعني مادري والله اقول كلامي وانا خايفه من الذنب ان ربي يحاسبني عليه
لكن الزواج قرار مصيري لازم الواحد يفكر فيه بكل الجوانب قبل يتخذه وماتنفع فيه العواطف وحبيت اعطيك رايي الصريح

اوكي انه فيه اجر وانا احب واتمنى احصل على اجر طول العمر لكن تكون حياتي هي الثمن احس صعبه :S
وبتعيشين حياتك لغيرك مو لك لا تنسين
هو دور صعب مو سهل يبيله وحده تكون على قدر كبير من التحمل والصبر والعاطفه وتحتسب اجرها عند الله
وارجع اقولك السبب الاساسي بالنسبه لك انتي هو ان عمرك توك صغيره
>>> كبري :D
واكيد بتفكرين في يوم انك كنتي تستحقين ولد شاب تشاركينه ويشاركك كل شي العيال وغيره وغيره
لكن يمكن لو وحده كبيره يمكن بترضى وتقول نصيبي وماتفكر بشي اعلى بكثير
الموضوع متفرع ومتشعب حاولت اختصر قدر الامكان
واخيرا دعواتي الصادقه لك اختي ان الله يوفقك ويكتب لك الخير والصالح ويرزقك ويرزقنا جميعا الازواج الصالحين
اختك .. اوركيده