مالي الا الله ثم انتم 00000000000

السلام عليكم
مرحبا ياحلوين
انا الله يسلمكم على وش قواز :icon28:
بس عندي بعض المشاكل اللي قلت مالي بعد الله الا انتم وآراؤكم السديده :27:
شوفو ياحبيبات البي انا اكبر وحده بالعائله ومااعرف احد امون عليه سبق له تجربة الزواج بحكم اني ماعندي قريبات من الدرجه الاولى وكم صديقه توهم عرايس <== مشغولين بالرجل والحياة الجديده الله يوفقهم
اما امي الله يخليه لنا ماااااااااعنده خلفيه بالمررررره <== والله العظيم اني اتكلم من جد ولولا هالمنتدى كان ماعرفت الناس شلون عايشه او كيف الوحده تجهز :(
اما الصعوبات اللي تواجهن فهي كالتالي :
1- اللي اعرفه ان اغلب البنات يساهمون بتا ثيث بيوت المستقبل وانا ودي اصير مثلهم ماودي يحط هو واهله على كيفهم المهم ان امه كل ماكلمت قالت هذا فلان ياحلالي راح هو وخواته يشوفون المحلات <==وانا ويني :(
وفي مرة من المرارير كلمن <==مهوب لله طلع بيقول انهم يبون زواج على مستوى ويوم خلص اللي عنده قال انه مختار مطبخ و مابقى الا اللون جيت انا قلت ودي اشوفه <==هنا عاد توهق شكله مايبين اختار وقام يقول انا مشغول وماعندي وقت ومن هالكلام مع اني اذا بروح اشوف بروح مع اهلي هو ماله دخل !
وبلاخير قال بجيب لون البلاط واختاري اللون اللي يناسبه وبعد مرور 10 ايام جاب عينه من الارضيه واثر اللون يحوووووووم الكبد مرررره شيييييييين مايصلح ابد ابد :icon33:
شلون باختار لون الادراج :(
وش السواة الحين ؟؟؟ ارسل له مسج اقول مااعجبن لون الارض ؟والا اروح واختار لون للمطبخ وآكل تبن؟؟ <==مع العلم ان الرجال شكله مخلص مبلط
واهلي كل شي عندهم عادي ومشيه وامي كل شوي بهرجه وكل شوي برأي مره تقول قولي كذا ومره تقول لاتسوين كل شي اقوله لتس انا وش عرفن الناس وش يصلحون ووش يسوون
<= والله العظيم احترت من اسال ومن استشير اجل تعبببببببت :icon33:
بالله كيف اتصرف؟
دعواتكم ياحلوين وياليت كل وحده تدلي بدلوه ووش المفروض اني اسويه او مااسويه
وجزااااااااااااااكم الله كل خير