ضلع

ضلع @dlaa_77

عضوة فعالة

مالي اي قبول عند الناس

الأسرة والمجتمع

سبحان الله من يوم كنت في سن المراهقه إلى الآن وانا ام عمري ٣٦ سنه مستغربه الي يصير لي الناس الاحظ تسحب علي في المجالس وكنها تتململ مني تخيلو اجلس مع وحده نفس اهتماماتي ومن جيلي واكلمها في مواضيع تحبها وكني اكلم جدار واذا شافت وحده ثانيه داخله امسكو سير في السوالف واحاول اشاركهم ويسحبون علي كنت اعاني في المدرسة والجمعه وحتى العملي في القطاع الخاص اجلس مع البنات واشارك في موضوع وابدا ما يسمعون لي ولا حتى يطالعوني واذا جلست مع وحده تنشغل عني وكن بيني وبينها ثار واذا دخلت وحده ثالثه لصقو في بعض وبدت السوالف وتوريها صور في الجوال وانا أشارك في السوالف وابدا ساحبين لا وتميل لم خويتها وتعطيني خلفها ويعاملوني برسميه حاده جدا معني مش جديده عليهم صار لي معهم سنتين او اكثر وكل صباح اجتمع معهم اذكر مره دخلت المكتب ووحده جالسه كانت بنتها تعبانه وتسئلتها عن بنتها ردت برسميه بخير الله يسلمك قلت الحمد لله يعني احسن من امس قالت ايه وساد الصمت ولما دخلت زميلتنا الثانيه وتسئلتها عن بنتها على طول قالت لها والله تعبانه من ها التطليع أسنان ومعها كذا وكذا ووديتها لم الطبيب الفلاني الي يقهر اني ام زيهم وبنتي بعمر أطفالهم احيانا افتح موضوع يخص الأطفال زي التطعيمات وغيرها وماش ما الاقي وجه واالاشد والافنع اذا كنت جالسه مع وحده من جيلي وتدخل وحده مراهقه اهتماماتها مختلفه وتعطيها وجها وتمسك معها سير وانا تتململ معي اذكر مره كتبت موضوع يوم خالتي وعندها خالتي الثانيه وتسحب هي وبنات خالتي دخلت وطلعت وانا مقهوره وكمان مره شفت قريبتي في عزيمه دخلت انا وياها مع بعض وفرحت يوم شفتها واسئله عن احوالها وترد برسميه وصمت صاحبة العزيمه تهلي وبها وتسولف معها وانا ميح اخر مره وهذا الي حز في خاطري اكثر وحده من سلفاتي كانت علاقتي فيها كويسه وتعطيني وجه كانت تبغى اشرح لها عن شي وافيدها بعدين خلاص صارت تعرف له لكن من سنتين احاول اعزمها وأرسل لها وماش مالها خلقي وتركتها يوم اجتمعنا قبل اسبوع مع خوات زوجي وسلفتي الثالثه وكانت متغيره تجلس مع فلانه وعلانه وتسولف وانا ادخل معهم وحتى ما تطالع وجهي وقالت لسلفتي الثانيه ان اختها تملكت وانا اقول ماشاء الله على البركه الله يتمم لها وتخيلو ما ردت ونلتفت على سلفتي وتوريها صورة فستان انا حبيت أشارك قلت اللون البيج احلى وما كنها تسمع وتطلع صوره ثانيه وتوريها سلفتي وجت اخت زوجي وتجلس ونلتفت عليها وتوريها وتقول وشرايك وانتهت العزيمه ورحت بغيت اسئلها عسى ماشر بس قلت خلي عندي كرمة بس مو غريب علي ها الموقف ياكثر ما أتعرض لها المواقف مدري الغلط مني ولا منهم معني والله مش ترثاره ولا رسمية بزياده او ملقوفه والتدخل في الخصوصيات او عفويه بزياده بالعكس أشارك في المواضيع العامه الي يطرحونها بس مو عارفه ليه كذا
60
16K

يلزم عليك تسجيل الدخول أولًا لكتابة تعليق.

تسجيل دخول

سلمى ٤٥
سلمى ٤٥
لا تجتمعين فيهم دام تعانين كذا
زهرة بنان
زهرة بنان
مو انه مالك قبول
اتوقع انه لك هيبة في المجلس ويستحون منك
او انك صريحة بزيادة وما تعرفي المجاملة
وهذا هو الصح... لكن للاسف الناس تتحاشى مثل هذا الشخص
وفيه شيء ثالث لكني استبعد انه يصير منك وعشان كذا ما راح اقوله
ضلع
ضلع
مو انه مالك قبول اتوقع انه لك هيبة في المجلس ويستحون منك او انك صريحة بزيادة وما تعرفي المجاملة وهذا هو الصح... لكن للاسف الناس تتحاشى مثل هذا الشخص وفيه شيء ثالث لكني استبعد انه يصير منك وعشان كذا ما راح اقوله
مو انه مالك قبول اتوقع انه لك هيبة في المجلس ويستحون منك او انك صريحة بزيادة وما تعرفي...
لا والله يختي منيب صريحه ولا شي لكن هيبه والله لو اني وزيره وبعدين الشي الثالث ايش هو قولي عادي
Amrrl
Amrrl
تبغين نصيحتي كنت أعاني مثلك رددي في كل سجده اللهم ارزقني القبول فالسماء والأرض وبتشوفين
قلاشة 2009
قلاشة 2009
عندنا وعندك خير
مقسوم من الله