مالي ببعدكـ يالغلا حيلة .. بس القدر والنت صاروا علينا..عندما باحت بسرها(جميع الأجزاء)

وطيران البسي عباتك ومع اخوها وع المستشفى ..



مدام ..



لو سمحتي انا آنسة مو مداام سمعتي ..


تيب تيب آنسة مافيه زيارة الهين .. رووهـ بيت وبئد نص ساعة كووم ..



ردت ريمية ع النيرس اللي كانت تتكلم بلغة عربية مكسررة .. نو وي , آي ووونت توك ماي فريند .. ماراح اطلع ولا انتظر



الزيارة ابي اشووف ريوف وبنتها سمعتي .. وجلست ريمية تبكي .. وعدى دكتور وهو يسمع بكى وصراخ ريمية ع النيرس



بفضوول : نيرس نيكوول .. وش قاعد يصير ؟ ومين هذي ؟



ردت نيكوول : دكتور شي از فيرند مدام ريووف .. مافيه يسمع كلام .. يبغى يشووف فريند ..ايش اسوي دكتور حمود ؟


لفت ريمية ع الدكتور وجلست تترجاهـ بدون ما تحس بنفسها :


تكفى ياحمود ( نست نفسها تمون الاخت ) ههههه بس اشوفها بس اتطمن عليها والله لو يصير لها والا لبنتها شي غير امووت الله يخليك .. وتبكي ريمية


وتبكي ويوم جلست تشاهق .. خلاص خلصت دموعها ..
قال للنيرس : خلاص خليها ترووح والي يسألك قولي له :


دكتور حمود سمح لها تدخل لانها بنت خالته !!


رنت كلمة بنت خالته باذن ريمية بس عدت وطيران ماصدقت انه واافق .. واي احد يوقفها ويسالها كيف دخلت ترد عليه



بكل ثقة : انا بنت خال الدكتور حمود .. ومرة تصير بنت عمه .. وياكثر ما ضيعت وش تقرب له .. غير النيرس تذكرها



وتمشي بسررعه وتمشي اسررررع وترددت تدخل الغرفة خايفة يكون صاير شي لهم .. وقررت الا تدخل وبقوتها فكت



الباب الا وجهها بوجه رااشد اللي تنح وهو يناظرهاا .. وهي انصدمت بتواجدهـ .. وما توقعت ابداً بيوم يصير لها




هالمووقف ..
وبعدته بيدها وجلست تناظر الغرفة وتدور وتصارخ ريووف .. جنووو .. وينهم ؟ وش


صار ؟ وين البنات ؟


وكان راشد لازال متنح بالجمال الرباني غير مصطنع وجاذبية رغم العيون الحمرا المنتفخة والتعب الواضح ..
صرخة ريمية صحت راشد من السرحان اللي هو فيه : انت ما تسمع !! ماتفهم ؟ وينهم وش صاار ؟


رد راشد : انتِ ريمية صح ؟؟



نــــــــكــــــــــــــــــمـ ــــــــــــــــــــــل لاحــــــــــــقــــــــــــــ ـــــــــــــاً ...


صرخت ريمية :


لا غبرية مو ريمية وين ريووف وجنوو ؟ ولفت وجهها وتغطت مضبووط واعطته ظهرهاا




ما تكلم راشد وبقى صامت ..




طلعت ريمية على طوول من الباب وظلت واقفة ع الباب وهي تبكي ماهي قادرة تتكلم حست ان ريوف وبنتها بخير



بس ماتدري وش صار لهم بالضبط !!



شووي الا جايه النيرس وتدف وحدة بالكرسي المتحرك ناظرت ريمية ما تشوف الحرمة لانها متغطية بس يوم تأكدت



لقتها داخلة غرفة ريوف ..



وقفت ع الباب الا راشد طلع وأشر لها بيدهـ ادخلي ..



دخلت ريمية وشافت ريووف وهي يادووب تقوم من الكرسي وبمساعدة النيرس وما تكلمت لحد ما خلصت ونامت



ع السرير .. ناظرت ريوف الا شافت ريمية واقفة ع الباب ودموعها على وجههاوما قدرت تتكلم



ناظرتها ريوف وهي تمسك دموعها : تعالي ريمية ترى انا بخير مافيني شي وجلست تبكي ..ريمية ماقدرت تتحمل



وراحت ركض وتضمها ويجلسوون يبكوون وعرفت ان ريوف اسلبت !!



طيب وايش السبب ؟



ردت ريوف : والله مدري كنت نايمة وجننو جنبي ويوم صحيت اليوم الا المكان .... وضغطت زر الطواريء ويوم



شافتني النيررس عرفت وع طول عملوا لي تناظيف ويوم شافوني تحسنت رجعوني للغرفة عند بنتي



بس بنتك ماهي هنا يا ريوف وين جنوو ؟ قالت الحين ابوها يجيبها لاني يوم رحت للقسم النسائي ما قدرت اتركها



هنا لحالها وماراح ينومون ابوها معاها جاء واخذها ونوموها بقسم الطواريء وراشد كان هنا بياخذ لها شوية اغراض



لان حليبها وشنطتها هنا ..



جلسووا شوي مع بعض الا ام ريوف واخواتها جايين وتطمنوا على ريووف وعلى جنوو اللي جابها ابوها من قسم الطواريء



المهم مر اسبووع يمكن ورجعت ريوف لبيت اهلها ومر كل شي عاادي ماعدا راشد اللي كان راسه مليان وماهو قادر



ينسى منظر ريمية ..



قربت الدراسة وجهزت ريووف نفسها ماباقي الا يومين وتساافر ومرتها ريمية العصر هي وامها وسوواليف وضحك



شووي نطت صيته : اقول انتم ياحلووين دامكم مو قادرين ع البعد خلاص ياريووف زوجي ريمية راشد وافتكي !!



قالت ريووف : والله فكرة ياريمية وش رايك ؟



انتي بلا استهباال وش الحكي اللي تقولينه صاحية انتي ؟



لا مجنونة ابيك تكونين جنبي ع اقل اسفر الشغالة بدال ما ادفع وحظي ياشين يازين مع الشغالات اذا جيتي عندي ارتاح




ضحكت ريمية : يا ربي يا نجاسة الحريم .. ان اخذت رجلك والله لو تموتين ما اهتميت بك ولا ببنتك هذا اللي باقي بعد



ضحكووا وعدت الايام وسافرت ريووف



وهم مسافرين علمت راشد بالسالفة بضحك ومززح ..



ناظرها راشد : وليش تقولين انه مززح ؟


ريوف كملت استهباال : تخيل عاد انا وريمية ببيت واحد وناسة والله ..



راشد : شووفي ياريووف احسن شي الصديقات مع بعض ويحبون بعض والرجال متزوج متزوج فاحسن شي تكون



الحرمة الثانية من اختيار الاولى وش رايك ؟



ريوف نغزها قلبها : اقول راشد ما لقيت غير ريمية مستحيل توافق فيك ..!!



وليش ما توافق تحمد ربها وبعدين هي عانس ليش ما وصلت الثلاثين ؟



ريووف حست ان الموضووع جدي مررة : راشد انسى السالفة ..



اقولك انا اتكلم جد انا واحد يبغى الادمية هذي حلال والا حررام فهمتي ..



انتي حبيبتي وعمري وحياتي كلها وحبي الاول والاخير بس لي خاطر بالبنت هذي واعجبتني وخلي الخطبة تجي من



طرفك انتي احسن والا انا خاطب خاطب ..



دمعت عيون ريوف بدون ما يحس راشد وحست انها بين نارين وما ردت



كمل كلامه : ولك اذا رضيتيها عشر الاف رياال .. وحقك على عيني وراسي ولك اللي تبينه ..


ردت ريوف : وعد لاكلمها لك بس اذا رفضت مالي شغل ..


اتفقنا بس لا تزعلين ياعمرري ياقلبي ..


( هذول الرجال اذا الواحد بغى شيء يتمسكن لين يتمكن )



وصلوا بيتهم على خيرر وقلب ريوف يغلي من جوا وماهي عارفة وش تسوي ..


جاب راشد العشاء وتعشووا بس ريوف كانت نفسها مسدودة ومالها خاطر بالاكل ابد



بدت عودة المعلمات وكانت ريوف متغيرة مررة مع التعب والاجهاض زادها هم بكلامه



ريوف تثق بوحدة من المعلمات حرمة كبيررة وعندها عيال واحفااد وكلمتها تمشي ع الكل بالمدرسو ولها احترام وتقدير



مسكتها ريوف وعلمتها بكل شيء ..


الان سمعتي كل شيء يا ابله : ماجدة .. ابيك تنوريني ارشديني وش اسووي ؟



ردت ابله ماجدة : انتي حاسة انه يبغى يتزوج والا بس كلام ونساهـ ؟


لا والله الرجال مرة متغير بس ع النت وبس يفكر وسرحان واللي قاهرني انه طفران ماعنده شي ماني عارفة شلون يبي



يتزووج ؟



ابله ماجدة : ماعليك الرجال اذا جاء يبي يتزوج الفلوووس تنهل عليه بس انتي وش رايك ؟


ماني عارفة احس اني مشتته ماني قادرة افكرر



طيب وزميلتك هذي .. قاطعتها ريوف : هذي ماهي زميلة هذي صديقة الطفوولة وعمري وحياتي



ابله ماجدة : طيب هي تدري عن شعوور زوجك ؟


لا ما اعتقد لانها ماعمرها جابت سيرة راشد لا بخير ولا بشرر ومستحيل ريمية تخوونني لو بالتفكير مستحيل


ابله ماجدة : دامك عارفة انها ماراح توافق جاملي زوجك وخليه يتفشل واخطبيها له واكسبي العشرة ع الاقل



ضحكوا مع بعض وقررت ريوف اليوم ع المسن تتكلم مع ريمية وتبلغها وتشووف وش ردة فعلهاا ..



بعد المغرب طلع راشد وصارت ريوف فاضية وشبكت النت لقت ريمية شابكة ..



بعد السلام والسؤاال كتبت ريووف : ريمية بقولك على شي على خبر بس ابيك تسمعيني زين وتفتحين مخك اوكي



ردت ريمية : قبل لا تكتبين اي شيء انا بقولك على خبر خطيررررررررر ويخليك تموتين ضحك



ريووف : خير ريمية وش فيه ؟



تخيلي ياريووف تعرفين صاحب البقالة اللي ورى البيت ؟



ايه وش فيه ؟



جانا اليوم يخطبني هههههههههههههههه



يخطبك انتي وله هوو !!


اووما يخطبني له صاحية انتي هذا كبر جدي حرام عليك ..


طيب يخطبك لمين ..؟؟

يخطبني لولدهـ حمود تخيلي هههههههههههه يا بطني تخيلي حمود اللي حتى متوسطة ما معه وووع مدري يمكن لاني عانس وكبرت قالوا اكيد تووافق



طيب وانتي وش عندك ريووف ؟ وش الخبرية اللي عندك !!


اهاا لا ولا شي سالفة عادية بعدين اقولك عنهاا ..


لا الحين بتكتبينها لها ليش بعدين ؟؟


جاها كلام راشد من ورى ظهرها كالصاعقة وتفاجئت : راشد ليش رجعت ؟


نسيت جوالي ورجعت على كلامك انتي وريمية ليش ما قلتي لها اني ابيها على سنة الله ورسووله ؟

ما قلت لك ؟

ايش خيرر !!

ريمية انخطبت ويمكن راح تكتب كتابها هاليومين


راشد مو مصدق : مالنا اسبووع جايين من عندهم وبالسرعه هذي خطووبة وكتب كتاب ؟


ايه لان الولد يعرفهم ويعرفوونه ماله داعي المماطلة ولا شووفة ولا غيرهـ ..


كانت ريوف تتكلم وهي من داخل تغلي تبي تموت قهر بس ماتدري وش تسووي وكتمتها بقلبهاا وطبقت البيت اللي يقول :


إن حكينا ندمنا .. وإن سكتنا قهرر


ناظرها راشد بنظرة خبث وقهر وحس انها تكذب بس تبي تسكته .. وطلع


بعد نص ساعة من الفرفررة بالمنتديات ومرت ع المنتدى اللي ريمية مشرفة فيه لقتها غير متواجدة رغم انها بالعادة هالوقت تكون متواجدة


مسكت الجووال ورجعت رمته ومسكته وترددت تبي تتصل بس ماقدرت تبي بس تسمع صوت ريمية الا :



الغلا كله ... يتصل بك


بسرعة بدون ما تحس ردت هلا ريمية ..


جاها صووت ريمية من بعيد وفيه بحه .. وما تسمع غير كلام ماهي قادرة تفهمه ..

ريمية اهدي وقوولي لي وش صاار وش فيكي ؟


ليش تسوين فيني كذا ؟ هذا ثمن حبنا وصداقتنا ؟ خلاص بالبساطة هذي تبين تنهين اللي بيننا ؟


ريووف قالتها ريمية باعلى صوتها : انا اكرهك اكرهك قد ما حبيتك اكرهك ؟ اكرهك يا خاينة يا غبية يا ........... وقفلت ريمية


بوسط دهشة ريوف اللي ما تدري عن السالفة والا ايش اللي حصل وبوسط ذهوولها اتصلت اختها صيته


ريوف بس ضغطت الزر الاخضر ما قدرت تتكلم انصدمت ماهي عارفة وش تسووي وردها على صيته كان من زحمة افكارها ومن الصدمة



ريووف ردي علي فيكي شيء ؟ خليكي معي ردي بس قوولي ايوهـ او لأ ؟؟ ريووف


ما ردت ريوف قفلت وهي ماتدري وش قاعد يصير بعد خمس دقايق جاها مسج


( ريوف هذا نتيجة تسرعك وغبائك وعدم تفكيرك الآن تحملي نتيجة افكارك الغبية ) .. صيته


برضه ريوف ماهي فاهمة شي .. اتصلت على صيته بس بدون ما تتكلم وكانت بس حاطه السماعه على اذنها وصامته


ريووف تكلمي انتي بخير والا تبين اخلي بنت خالتي خلود تمرك مع سواقها تروحين عندهم البيت لما تروقين


ريووف .. ريووف


شوي الا الباب يدق ويوم فكت الشغالة الباب دخلت خلود وامها ( خالة ريوف ) ام سلطان عليها وهي جالسة بمكانها ماتدري وش اللي


صار وايش اللي قاعد يصير


يالله يابنتي قومي معي اجلسي لك يومين وارتاحي وبعدين ارجعي اذا حسيتي انك روقتي ..


خالة ام سلطان !!


آمري يابعد خالتك وش تبين ؟



ترى انا الى الآن ماني فاهمة ولا مستووعبة وش قاعد يصيرر ممكن تفهميني ؟


ناظرت ام سلطان بنتها خلوود مثل اللي تلمح لها ان الحرمة صابها شيء ..


ولا شي ياحبيبتي .. ازمة وتعدي ان شاء الله


خلود : ريووف لا تخلين هالصدمة تكسر لك ظهرك والضربة اللي ما تكسر ظهرك تقويه شدي حيلك وانتي اكبر منهم كلهم


وعليك وعلى اعدائك ..


باللحظة هذي بس انفجرت ريووف وقامت تصارخ وتكسر اللي قدامها اللي بالمكتبة من تحف ومناظر وصوور لبنتها :


يا نااس فهمووني وش اللي قاعد يصيرر حرام عليكم انا ماني فاهمة ترى كسرتووا قلبي والله مو قادرة اتحمل انا ماني قووية انا ضعيفة


انا بشر من دم ولحم ابي افهم ابي اعرف تعزووني والا تهنووني وش صاير تكفين ياخالة ( وتبوس يد خالتها ) تكفين فهميني وش


صار !!

ريووف قامت تجر اذيال الخيبة والعجز والقهر وماهي عارفة ايش تسوي ولملمت شتات نفسها وكبريائها اللي تحطم



خالة ام سلطان هذا بيتي وما ارح اطلع منه .. نوور ( اسم الشغالة ) سووي لنا قهوة وشاي وحطي من الحلا اللي سويته اليوم العصر


وقامت ريوف تلم الاغراض المكسرة ع الارض ..


خلود وامها ماهم مستوعبين شكل ريوف اللي انقلب ..


ريوف الحين نقولك امشي معنا تقولين للشغالة هاتي القهوة ؟


وايش تبيني اسوي يا خلوود اشق جيبي واصرخ كل الحريم رجالهم تزوجوا عليهم وانا احسن من امي ؟ ماني احسن من خالة ام سلطان


اللي مثالية بكل شيء وبالاخير ابوك تزوج عليها وحدة الحمد لله والشكر !!


اقول انسووا اللي شفتووهـ .. كانت ريوف تقول كذا وهي بداخلها تردد :


محتاج قلبي لحبّ يضمّه .. مثل ضمّة طفل بحنان أمه.. حبّ يجمع شتاتي ويلمّه..


جابت نور القهوة والحلى وتقهووا وقامت ريوف تسوولف وترجع لطبيعتها استغربت خلود ان الجوال ابد ما دق

على ريووف وشوي الا جوال خلود يدق طلعت بنت خالتها صيته : الو
صيته: فيكم شي ؟

لا بس ادق على جوال ريوف مقفل وينكم انتم مشيتووا والا باقي عندها ؟

لا عندها بس رافضة تطلع من البيت واشياء كثيرة اقولك عليها لا طلعنا يالله باي مابيها تنتبه لي

باااي وقفلت صيته


وجلست ام سلطان تترجى بريووف تمشي معاها بس رفضت تطلع من بيتهاا ودعتها خالتها وبنتها ووعدوها بكرة يمرون يتطمنون عليها

مسكت ريوف الجوال واتصلت على ريمية اللي كان جوالها مقفل واتصلت ع الثابت وردت ام ريمية

مساء الخير يا خالة ..

مساء الانوار .. مين ؟

افاا ياخالتي ماعرفتي صووتي ؟

هلا وغلا بالصووت الا عرفته الحين شلونك يمه وش اخبارك ؟

بخير خالتي بس اتصل على ريمية جوالها مقفل وش فيهاا ؟

من درت عن الخبر يا ريووف وهي بس تصيح وقفلت على نفسها بالغرفة وماهي راضية تطلع

طيب خويلتي الله يعافيك وصليها الثابت لين الغرفة بس لا تقولين ريوف اتصلت قولي لها أمل الحجازي اتصلت

طيب يابنتي تامرين أمر ..

ايه يا امي تبين شي ؟

مدري وحدة تقول اسمها امل الحجازي تبيك ع الثابت قلقت لان جوالك مقفل وتبي تكلمك تتطمن عليك

اخذت ريمية الثابت ودخلت غرفتها .. الو

يا ويلك لو تقفلين الخط سمعتي اقسم بالله آخر مابيني وبينك تفهمين والا .. لاااا ؟

ريمية ساكته ما علقت ..

ترى ريمية ماني دارية عن السالفة كلها لو ما قالت لي خالة ام سلطان لان امي علمتهاا ..

وحكت ريوف لريمية السالفة من يوم كانوا يتكلموون ع المسن لين ما دخل راشد عليهم ..

اسمعي يا ريوف انا انصدمت يوم كلمني عمي عادل وقالي ان راشد بس يبي الاوكي مني والا الموضووع خالص


ناحيتك وانك موافقة وماعندك مشكلة انا انصدمت حسيت الدنيا ولا شي


ريمية راشد عل قلبي كل شووي شوفيها كلميها وانا كنت عاارفة انك ما راح توافقين عليه ابداً وقلت الكلام له

بس ما كان مقتنع ويوم دخل علي وقال الا تكلمينها قلت له انك انخطبتي وراح ينكتب كتابك بعد يومين

جاها صووت ريمية : وهذا اللي راح يصير

استغربت ريووف : وش قصدك ؟

راح اووافق على حمود ولد جيراننا بس ماراح ابيع صداقتنا بواحد مثل راشد مستحيل


ريمية انتي انجنيتي تبيعين مستقبلك عشااني تهدمين حياتك عشاني ؟ مستحيل اسمح لك تسووين كذا ومين حمود !!


ولد عم ابو كماال راعي البقالة ؟ لا اكيد مضرروبة بمخك انتي !!

ايه بكوون مضرروبة ان وافقت على رجلك مستحيل لو اجلس طوول عمري عانس والا مشتته والا ايش ما اسمي


نفسي بس راشد مستحيل


وجلسووا مع بعض حدود نص ساعة كانت ريوف تحاول بريمية بس محاولاتها باءت بالفشل

اليوم الثاني ع الغداء عائلة ريمية تغدووا وشالوا السفرة وجابت ريمية الشاي لاهلها ابوها وامها واخوانها

مجتمعين .. هو بالعادة مو كلهم يتجمعوون لان خالد دايم نايم او داج واليوم جاء يتغدى لانه محتاج فلووس

ولازم يرضي الوالدة حتى يسحب منها اللي يبيه


يبه .. يمه ..

استغربووا صوت ريمية وكلهم لفووا عليهاا ..

انا خلاص وافقت على حمود ولد ابو كماال ووأدت دمعة كانت تبي تنزل من عيوونها وكتمت الصيحة بداخلها ..

صحاها ضحكت خالد ومحمد : خخخخخخخخخخخخخخخخخخخخخخخخخخخ


هههههههههههههههههههههههههههههه ههه



وووووووووووووووووووووووووووووو ووووووووااااااااااااااااا


يا بطني .. يا رجلي خخخخخخخخخخخخخخخخ بعدوا عني ماني قادر اتحمل خخخخخخخخخخخخخ ههههههه


وقام خالد ومحمد باقي قاعد يضحك ووووهههههههوووخخخخخ حمود ياخذ ريمية ههههههه


بالاخير جلست ريمية تضحك هع هع هع قاعدة اتكلم جد

كلمتها كانت قوية وصوتها جدي مافيه مزح

لف ابوها عليها : وانا ابوك محد بالدنيا يقدر يجبرك تتزوجين اي احد وشدد على كلمة أحد وانا حي

قامت باست راس ابووها : الله لا يحرمني منك يا ارووع اب بالدنيا بس انا موافقة وماعندي مانع وياليت تعطيهم


الموافقة اليووم ..


لا منتي صاحية مجنونة انتي ؟

مجنونة اذا بقعد اكثر من كذا انا كبرت دخلت الثلاثين عارفة وش معنى الثلاثين ؟ اللي اصغر مني واللي كبري


عيالهم بالمدارس وانا مقابلة امي وابووي خليني اوافق يمكن ربي يرزقني بولد والا بنت على اخر عمري


لا منتي صاحية وش كبيرة وعيال ومدارس !! لا انجنيتي اقول وافقي على راشد ابرك لك اقل شي رجال وعارف


قيمة نفسه وريوف تزعل يوم يومين وترضى مو تروحين ترمين نفسك الرمية هذي .. مافيه عاقلة تسووي كذا

انا وافقت وانتهى الامر ..

مو على كيفك تفهمين !!

بالله ياعم عادل على كيف مين قولي ؟ كيفك انتي الا تبيني اوافق على راشد يعني عشان صاحبك وماتبي ترد له


طلب ؟ والا قالك اذا وافقت باعطيك عشرة الاف !! لا شكله رفع المبلغ وخلاهـ اربعين والا عشرين يمكن ؟

رفع عمها يدهـ كان ناوي يصطرها كف يبرد اللي بقلبه وطلع بعد ما جاته كلمات ريمية تهد الحيل :

اضرب يا عمي اضرب ولا تتردد استاهل انا الضرب واللعن وكل شي ومين انا مجرد عانس غبية تبي تاخذ واحد

اغبى منها .. مين انا ياعمي ؟ انا ريمية دلوعة ابوها الحين بتصير ولا شي ... ؟؟

طلع عمها وهو مقهوور وما يدري وش يسووي ..

وش تبيني اسووي ؟

اسمع ياعادل بسوي المستحيل وباتزوجها فهمت والا .. لااا ؟ وياليتك توصل لها الكلام هذا


ريوف طبعاً زعلانة على زوجها وما تكلمه الشغالة صارت المرسول بينهم هاتي ودي خذي ونور اللي تورطت


عاد نوور عصبية وشكلها بوادي واسمها بووادي .. واذا عقدت الحجاج صارت يا كاافي ما تناظرين بخشتها


ضحكت ابله ماجدة وهي تسمع وصف نوور شغالة صاحبتها ..

طيب وبعدين وآخرتها ؟

خليه كذا انا ماني خسرانة شي كل يوم خالتي وبناتها عندي او انا عندهم .. نطلع اسواق نتمشى وملاهي ومنتزهات


وزوجك ؟

راشد ؟ خليه كذا لما يطيح اللي براسه واحد غبي وحط براسه فكرة يتحمل نتيجة افكارهـ !!

ريمية طالعه مررة قمرر ..

جاتها كلمات اخت حموود لطيفة .. وريمية تبي تقووم تصفقها .. لطيفة طبعا للي ما يعرفها وحدة عمرها بالثلاثينات


يعني 35 تقريباً متزوجة وعندها عياال بس فيها شوية حووول ..

ريمية ترد بدون نفس : عارفة

يالله لو يشوفها خالي يمه بيمووت من الزين والجماال ..

اووف على ليلي اللي ماراح يخلص

انقذتها صيته وبنات خالها يوم دخلووا عليها ..

تعالوا ابي اشاوركم بشي يا بناات بس انتم خليكم هنا لاني بقفل الباب باوريكم شي ..

حست لطيفة ان الكلام موجه لهاا ولبنتها : ضحكت ونادت بنتها وطلعووا


ووواااووو يا ريمية فستانك مررة حلوو وشكلك مرتب وهاادي ..

ردت وحدة من البنات : بس ما يوحي ابداً انك عرووس ..!!

ردت ريمية : عرووس بقمة أحزااني خلوها على ربي بس ..

سألوها البنات : كم مهر الشبكة ؟ وكم اعطوكِ ؟ ومن وين شريتي فستانك ؟ ومين الكوافيرة ؟ رحتي للمشغل

والا هي جاتك هنا البيت ؟


يمه منكم شووي شووي علي وش فيكم اكلتووني باجاوب بس بشوييش لا تدفوووون ..

اول شي الفستان مو جديد هذا حق زواج عمي عادل ..

عمك عادل ؟ والدهشة على وجيه البنات ..

ايه عمي عادل قبل اربع مدري خمس مدري ست سنين .. ههههههههههههههههههه وضحكت ريمية


مجنونة انتي ليش ما اعطوكِ مهر ؟

الا بس مابي اشتري شي والمهر بالدولاب ولا اخذت منه ولا فلس


والكوافيرة ؟


انا سويت شعري والميك اب اهم شي ما ابعزق الفلووس على شي ما يسووى !!

اندهشوووووا البنات وناظروا ببعض شوي الا يجيهم صوت ام ريمية : يالله يا بنات المعازيم وصلووا

ابي اكلمها بسررعه


بس هي رافضة تقول ماتبي احد يكلمها وش اسوي انا بينك وبينها ؟


صيته تكفين خليني بس اسمع صوتها يمكن اقدر اغير رايها قبل كتب الكتاب تكفين


ريووف ارحميني البنت جالسة ومبسووطة واهلها واهل المعرس والبنات حولها ورقص وغنى والله محد شايل هم غيررك خلاص اتركيها


كم مرة قلت لها انك تبينها وصدت عني ماتبي تكلمك خلاص يا ختي


قفلت ريوف وقلبها يبي يتقطع على ريمية شوي دخل راشد منتفخ .. توني قفلت من ريمية وباركت لها كتبت كتابها قبل شووي


ع البركة ..


يبارك بعمرك .. قالتها ريووف وقلبها يتقطع من داخل .. ومسكت دفتر مذكراتها وقاامت تكتب اللي عجزت تقوله :


ليش يا راشد تقتل حبي لك وهو في بداية ولادته ؟


قتلته وحطمتني وما بقى لي امل الآن اتشبث به .. حبك وقتلته بيدك وحبي انا انتزعت منه رووحه وهاهوو يحتضر !!


ريمية وقفت يوم دخل خطيبها وابوه وابوها وخالد ومحمد وعمها ابو راكان


سلم عليها خطيبها وجات امه وجابت الشبكة ولبسووها وكان حموود مرة مبسووط


اقوول ترى الولد مافيه كلام بس انه ماهو متووظف مسك اشغاال ابوهـ كلها وهو ذراع ابوه اليمين بس عيبه انه ما كمل دراسته


والا ماشاء الله عليه رجال ويستقبل ضيووفه وما به خلاف


ريمية وهي تقشر البرتقااله : يبه واللي يرحم والدينك والله انه مو شي بس القسمة والنصيب


انا ولد ابووي ريمية ومين غصبك عليه هاااهـ ؟


حست ريمية ان ابوها يتكلم جد وما يمزح :


وش يا ابووي الله يهداك لا امزح ما اقصد اكيد الولد ماعليه كلام ( وبينها وبين نفسها ووووووع مالت عليه هو واخته الحولا )


""""""



ترى من شفتك شافت عيووني الزين .. ومن لاقيتك قلبي انا ملهووف



اقول اسمعني اخر مررة تشووفني فاهم ولا عاد ترسل لي مسجات بايخة تفهم


ريمية بلا هباال الولد ميت عليك ليش ترسلين له كذا ؟


ووع يا ريووف ما بقى الا حموود ويرسل مسجاات بعد يا شيخة خليه يذلف بس ريووف ما قلت لك سجل عندنا واحد بالمنتدى يا عليه


اشعااار شيء خياالي يجنن ادخلي تلقينه الان شابك ونكه :

لازلت احبك ولازلت ابيك



الفضول خلى ريوف تقرا اشعارهـ بعد ما نسختها لها ريمية

يا بنت والله ذا شاعر موب هين من متى مسجل هذا ؟


ماله يمكن شهر او اكثر بشووي شووفي الملف الشخصي ؟


يا شيخة فكيني من الملف حقه وبعدين يطلع نكي عنده ويجلس كل شوي يتجسس علي ارسلي لي رابط موضوع له وبشووفه


اقول اجل خليني انا اشوف له موضووع وانقل بياناته دام السالفة كذا ياكرهي لك يا ريووف دايم عجازة هههههههه


العضوو الجديد لفت الانظار له وبسررعه دايم قصايده حزينة وبسررعه صار عضوو مشهور وبعدين مميز بالمنتدى


طيب وايش اهميتها بالمنتدى ؟


كان سؤال العضو الجديد الشاعر الرومنسي لازلت احبك ولازلت ابيك


لواحد من الاعضاء قبض عليه وصار يتقرب منه لانه عرف من تاريخ التسجيل انه قديم ويعرف كل شي


بس اسمع يا خووك ترى البنت عاقلة لها خمس سنين عندنا وماقد احد تكلم عليها ولا احد فكر يقرب لها واحنا فاتحين لها قسم خاص بالشكاوي


ما تدخله الا برقم سرري


اهاا اجل برقم سرري


ايه ترسل لها مسج بمشكلتك واذا هي تحس انها مستعجلة وصدق مشكلة ترسل لك رمز الكوكيز وتدخله وتلقى حل مشكلتك وعلى فكرة


لها صديقة مررة قريبه منها وهم يعرفوون بعض من زمان من قبل المنتدى


بالله ومن هذي ان شاء الله ؟


طيفك جاني ورحل


وهذي بنت متاكدين والا ؟


طبعا زعل العضوو لانه يعتبر ريمية اختهم بالمنتدى بس قلبها الشاعر ضحك ومززح


ريمية


هااااااااهـ


وهوووووووووواااهـ تهوي بك خمسين درجة قووولي امين


امين ياارب وش تبي خوويلد وش عندك ؟


ابد بس ترى حمود تقابلت معه بالصدفة اليووم وقالي العصر يبغى يسير علينا يتقهوى العصر خلاص



ياماال المرض اللي يشلك انت وحمود بيوم واحد قوول امين .. تعال خويلد

الا خاالد طالع وما سمعت غير صووت : طراااااااااااااااااااااخ صوت الباب

تنهدت ريمية : وش يبي ذا العله يا عساهـ مانيب قايلة


ريمية قامت المطبخ وسوت صينية الحلى ( اذا تبون الحلى تلقوونه بقسم الاطباق المجربة للأخت عاشقة الصمت )


وسووت فطاير مشي حاالك بعجينة العشر دقايق ( حتى ما تدققووون وتسالون ) ؟؟


وجهزت القهوة والحلى والشاي والفطاير وشووي الا خالد داخل وبعربجية : ريمية ادخلي ترى حمود لحاله بالمجلس


وشوووووووووووو سلامات انت هيه انت يا ابووو الشباب تعاال الا وغير غبار خالد وكالعاادة طررررااااخ الباب وراهـ


قامت ريمية لبست طرحتها ولفتها ع رقبتها وتعطرت واخذت الشاي والقهوة ودخلت المجلس واستقبلها حمود وشال عنها الصينية

جلست ريمية وجلس حمود وصار بس يناظرهاا وهي عيونها بالارض


وتكلم حمود وتكلم وتكلم وكان كلامه يا حلووهـ ( بس ريمية ماتبي تعترف بالشيء هذا )


شووي الا اذان المغرب يأذن .. يالله انا استاذن ع بال ما الناس يدخلوون المسجد انا بطلع واروح اصلي مابي احد يشوفني وانا طالع


من عندكم .. تامرين بشي ياقمرر ولمس خدها بيدهـ ..

كشت ريمية من لمسته ورجعت وررى : لا مشكوور مابي شيء ..

طلع وحط بيدها ظررف


يوم فتحت ريمية الظررف لقت به فلووس مبلغ موب هين بعد وفيه بطااقة ..

الى احلى وارووع عروس بالكوون ( ابيك لي لوحدي انا وبس .. هذا مبلغ بسيط ابيك تمشين حالك فيه وعلى فكررة فيه خطوبة ولد عمي الاسبووع الجاي ابيك تشترين شي لك وتحضرين ابي اتباهى بك عند جماعتي !!

ريمية داخت وذاابت : يا حلوووووووو كلامه وحركاته بس !!


ووووي ريمية القهوة والشاي مثل ماهم محد لمسهم الرجال جاء العصر ؟ وديتيه القهوة والا لااا ؟


هااهـ وشوو يمه ايش ؟


ولا شي اسالك حمود جاء العصر هنا عندك ؟


ايووهـ جاء يمه وبعدين جلس وبعدين رااح

بالله جاء وراح وبعدين ؟


يمه واللي يرحم والدينك اقولك كل شي بعدين خلاص بعدين


ريمية ترى من العصر وانا افرفر معك بالسووق رجولك ما اوجعتك ؟ ما تعوررتي ؟



يمه منك يا صيته يا انتي حناانة بشكل



ريمية حرام عليك من العصر والحين اذان العشاء بتقفل المحلات



عارفة ننتظر لبعد الصلاة بس خلينا ناخذ لنا دونات وكابتشينوو واذا خلصنا نصلي الا والمحلات فاتحة




شفتي حليتهاا وتضحك ريمية



يارربي انا وش ورطني هالورطة ؟



تستاهلين محد قالك تروحين معها عاد ريمية انا ادرى فيها السووق تفرهـ اول مره وتبحث ثاني مرره وتفكر وش



تشتري ثالث مررهـ والرابعه تقرر وخلاص تشتري



ووووووووووووي وووي كل هذا يا ريووف عز الله رحت فيهاا انا الغلطانة اللي عطيتك انتي وخويتك وجه والمشكلة



تخيلي يا ريووف تناديني تقولي تعالي يا صيته وش رايك بالفستان هذا وانا بغمرة المدح او الذم القاها شاريه لها واحد ثاني



وحتى ما شاورتني فيه ..



لا تردين عليهاا انا ادرى فيها ذي نقاقة وما تاخذ الا شور نفسهاا



الشرهه علي انا بس هين ان رحت معها مرة ثانية



كانت ريمية تشرب الكابتشينوو وتضحك : تراك غثيتيني من اليوم تحنين على راسي تراي اخذتك بس زود رزة فقط



صيته وهي تشهق : وشووووووووووووووو



ايه اعجبتني عباتك المطرززة اللي ما ادري وش تبي جايه غلط كح كح كح وقلت اخذك لوحة متحركة معي




ههههههههههههه عرفتي ليش اخذتك وتمد لسانها لها اممممممممممم



طيب يا غبرية هين تحتاجيني الاسبووع الجاي والله ما ارووح معك



اقوول وش رايك اشتري لك عباية اسنعك فيهاا بدال لوحة موناليزا مدري بيتهووفن اللي لابستهاا وتاكل دوناات وهي



تضحك خخخخخخ



لابسة عباية بيتهووفن اجل هااهـ



التفتووا البنات على صووت شباب يغازلوون وضحك عليهم عباية بيتهووفن .. اقول بروح اشتري لامي منها خخخخخ




طيب يا ريمية كذا تضحكين الشباب علي والله هالمره اني زعلت من جد



بالله احسبك اول زعلتي طلع مزح وتونا بدينا بالجد قوومي اشتري لك سلاش والا بطاطس كريسبي وبترضين اعرفك



انا صيته محد يعرفك كثرري




لا ماراح اخذ منك شي وانا زعلت من جد خلاص زعلت



يا بنت الحلال ومن هنا ومن هنا عيت صيته ترضى الا بفستان عشان خطوبة قرابة حموود خطيب ريمية



خلاص رضيتي الحين تبين معه تطقيمه صندل او شنطة اكسسوارات انتي بس آمري



والله مابي شي يكفي الفستان بس اذا تبين تشترين لي شنطة وصندل عادي انتي كريمة وانا استاهل



بالله صدقتي هااهـ اقوول قدامي يالله ناس ما تنعطي وجه



ومشووا البنات لان ابوريمية كان ينتظرهن عند البوابة طبعا مستحيل يروحون مع اخوان ريمية عشان صيته






ووووووااااااااااااوووو معقوولة هذي خطيبة حموود ؟



ايه تخيلي ماشاء الله تهبل



حظه قووي حتى يوم يطيح يطيح وهو ووواقف



دخلت ريمية بكل عظمة وعنفوان وهي رافعة راسها لفووق وشنطتها الاورنج بيدهاا ولابسة فستان من مانغووووو



لونه تركواز بس فااتح شووي وهي من النووع اللي ما تحب سالفة الطقم الشنطة والصندل لا شرت فستان تركواز



فااتح وصندل وشنطة اورنج ولبست الشبكة حقتها كاملة رغم انها اخذت اكسسوارات بس امها حلفت عليها الا تلبس



الشبكة عشان الناس ما يقوولون لابسة فالصووا ( يعني اكسسوار ) ..



كانت ريمية غاية بالاناقة والنعوومة وكان شكلها جذااب وتعالوا شووفوا ام حمود ولطيفة وبناتها كيف كانوا مبسوطين



ان ريمية حضرت وشافوها النااس حتى يعرفوون مين اللي رضت بحمود



الحمد لله والشكر تلقين فيها عيب والا مطلقة والا عاانس عمرها فوق 35 عشان كذا رضت بحموود




سمعت صووت الحريم اللي جنبها وقبضها قلبها وحست بمغص بمعدتها وتغير وجهها يوم شافتها امها قامت تسمي عليها




خلاص يمه ابي ارووح البيت ماني قادرة اجلس



طيب يمه خذي صيته معك وروحي انا بتونس يمه مع الحريم شووي والحقك




راحت ريمية سحبت صيته من وسط الوناسة والرقص والزغاريد



ياربي منك ياريمية احد مسلطك عليّه ؟ حرام عليك ابي استانس ابي انبسط يمه منك يا نكدية



تحلطمت صيته بس جرتها ريمية وراحت معها البيت ومن دخلوا الثنتين البيت قامت ريمية تصرخ وتبكي وتضرب



نفسهاا جاتها حالة هستيرية


ايوهـ ياعم ابو خالد مدري وش فيهاا بس تصيح وتصرخ ماني عارفة وش اسووي ؟



لبسيها عباتها وانا عمك الحين اجي ونوديها الطبيب




ننتظرك بسررعه ياعمي لا تطوول



شالها ابوهاا وهي من كثر البكي والصراخ قامت تشااهق وصدرها يطلع وينزل وع طوول ع الطواريء



خلاص ان شاء الله ازمة وتعدي بس لازم تكون تحت الملاحظة 24 سااعة



يعني حالتها ماهي خطيرة ؟


لا ياعمي ان شاء الله بخير واعطيتها مهديء وهي الحين نايمة



الله يجزاك الجنة ياوليدي بنت الجيران بتقعد معها بس اروح اجيب لها ملابس وغيارات وامها يمكن تجي معي



طيب طيب ياعمي سوو اللي يريحك وهي الان تحت نظرنا والممرضات ان شاء الله ما يقصروون



صحت ريمية وكان صوتها وشكلها مررهـ غير اممممممم وين انا امي ابووي وينكم وش صاار ؟



الا مسك يدها خطيبها حموود : هلا حبيبتي والله لو دريت يصير لك كذا ما خليتك تحضرين المناسبة اكلوك بعيونهم




ياعيووني



اممممم لا انا بخير الحمد لله بس كانت بطني مرررهـ تمغصني وحسيت بدووخة ومدري وش صاار ؟



احمم : طق طق طق ودخلت النيرس غطي ميس دكتور يبغى يشووفك



ولف حمود الغطى على خطيبته



لا ماشاء الله شكلك احسن اليووم



الحمد لله دكتوور ان شاء الله خير طمني طلعت نتايج التحليل ؟



ايووهـ طلعت والحمد لله كلها اووكي بس انتي شكلك مهمله نفسك مررهـ ولا تاكلين زين لان طلع معك فقر دم حااد



فقر دم !! ليش ياريمية ما تاكلين ؟ ما تشربين ؟ وتجيها سيل الاتهامات والنصائح من الدكتور ومن خطيبها حمود



رجعت ريمية البيت وكان باستقبالها اهلها واهل خطيبها وجارات امها ياحليلهم اللي جايبة عصاير طازجة واللي مسويه



لها جريش واللي مصابيب واللي محاشي المهم ان الصالة امتلت من الاكل والسفرة ممدوودة من والى واللي يضحك



ان اللي جابووا الاكل هم اللي اكلوووهـ ..



الحمد لله ع سلامة مشرفتنا : خنقني الشووووق بمناسبة خروجها من المستشفى اثر وعكة صحية المت بها



والحمد لله ع السلامة



بعدها جاتها التهاني والتحمد بالسلامة من الاعضااء واخونا بالله الشاعر ما رد ولا تحمد لها بالسلامة



تصدقين اني مستغربة يا ثقل طينته بس



اي والله ياريووف حتى الاعضاء الجدد تحمدوا وهو لااا !! شايف نفسه كش عليه هو ووجهه



اهم شي انك طيبة يالغلا بس هذي عيوونهم عسى عيوونهم البط قوولي امين



لا ريووف حرام عليك انا كنت تعباانة من اوول كنت احس بدووخة بس قلت اكيد من الفرفرة بالسووق ما توقعت انه



فقر دم عاد امي تحلف علي هذاك الفستان ما البسه مرة ثاانية ياحليها امي ههههههه


اي والله صادقة وش تلبسينه مرة ثانية لا ياقلبي قطيه بخزانة صيته لا جيت اخذهـ منهاا هع هع هع شفتي كيف اني ذكية



يفداك الفستان وراعيته وكلي فدووة لك ان ماعطيتك من اعطيه ؟؟



ووي خجلتيني بحكيك اقوول وش اخبار حمود عريس الهناا ؟


ماعليه ياحليله جاب لي باقة وررد وبطاقة ترى صورتها ونزلتها بالمنتدى يعنني شووفوا خطيبي وش سوووا لي كح كح




اقوول وش به شاعرنا مارد مالت عليك ليش تسوين كذا ؟ شكل الرجال حاط عينه عليك يوووم قلتي مخطووبة غير رايه



لا صدقيني مو كذا شكله يجهز لي قصيدة والا كم بيت يا بنت الحلال اعطيني امل وش بك خخخخخخ




بس ريووف وش كانوا يقصدوون بحكيهم ؟




يا شيخة ماعليك منهم هذوول من الحقد اللي بقلبهم يقوولون كذا طنشي بس



مدري ما ارتحت ابد للكلام اللي سمعته بس لازم اتأكد بنفسي مستحيل يعدي كذاا



الافكار تودي وتجيب بريمية بس ما وصلت لحل ابد

خنقني الشوق واتعبتني سنينه ..
لامنه زارني طيفه ورحل ...

يمه منه هذا شلوون ضبط معرفاتنا وسووا منها قصيدة ؟

مو قصيدة با عبيطة بيت شعرر .. فهمتي بيت شعر ..

اهم شي انه كتب بنا قصيدة والا ...؟؟

اخذتها ريمية ونزلتها بالتوقيع حقها بعد ما ضبطته ع الفلاش والفوتوشووب وطلع توقيع مررهـ يجنن ..

خالد تكفى بس رووح واسأل اخو حمود الصغير وين درس وليش ما كمل دراسته تكفى خالد تكفى

اقوولك هذا رجلك رووحي اساليه انتي انا وش دخلني بكم ؟

عوجت ريمية فمها وهي بقمة قهرها تبي تعرف سر حمود وسر حكي النسووان بس مافيه فايدة ..

اووف عليناا كل سنة وانا نقدم ومافيه فايدة ولا تنزل اسمائنا ولا شي لا ويقولوون اسمه ديوان الخدمة انا اقول لو يسموونه ديوان النكبة احسن

ابتسمت ريمية ابتسامة صفراء للبنت اللي قاعدة تحكي معها ماتعرفها بس تقابلووا بالديوان يقدموون ع الوظائف

وانتي ماشاء الله لك كم سنة متخرجة ؟

يووهـ من عام وادرين لي 10 سنوات وفاصلة وكل سنة اقدم ومابه فايدة وانتي يالغلا ؟

لي اربع سنوات متخرجة بس شكلي باسكت احسن لي هههههه

وبدت السووالف تجر بعضها وانتي من وين وقبيلتك واهلك وفصلك واصلك ومن ضمن الحكي :

ايه انتم عايلة فلان فيه وحدة منكم تملكت على واحد من قرايبي و...

قبل لا تكمل كلامها نطت ريمية : ايه اعرفها وخطيبها اسمه حمود تعرفينه ؟ وليش تزوج متأخر وكيف زوجته شفتيها و.....و.. وبالاخير انتبهت وابتسمت ابتسامة بلهاء وسكتت

ردت البنت عليها مدري الحرمة :

اكيد تعرفينها انتي وليش تسالين عن حمود وش تبين تعرفين بالضبط ؟

هههه لا ولا شي بس اسأل

من الجماعة هو بس من بعيد ماعرفه مضبووط وقامت المرهـ من جنب ريمية اللي تبي تطق تبي تعرف السالفة

احيانا مدري وش يصيبني يا ريووف احس اني قمة الغباء ياربي يا اني غبية بس من لهفتي من قالت نعرفكم احس اني شووي وامووت اووف غبية غبية

اقول ريمية اهجدي بس , يعني وش تبي تقوول مثلاً راعي سوابق ! تاجر مخدرات ! متزوج ومطلق وله عشرطعشر ولد ! اقول اتركي عنك الهبل اللي انتي فيه وعيشي ايامك احسن لك ترى فترة الخطووبة احسن الاياام

طيب اتركيك مني قولي لي كيف حالك انتي وراشد ؟


لا رجع مثل اوول واحسن بعد تمشيات واسواق ومطاعم واعتذارات وابشرك جاب لي طقم ذهب هدية بعد


بس حتى لو جاب لك محل ذهب بكبرهـ اعرفك ماتنسين .. الصدق ريووف لا تخبين علي كيف اموركم ؟

والله عادي هو يقول نسى الموضووع بس انا لسع شايلة عليه شوويه بس عارفة راح انسى هذا احنا يالنسوان .. نسامح وما ننسى والرجال عكسنا ينسوون بس ما يسامحون !!


وانتي الصادقة عااد لا تنسين ترى البنات بالمنتدى ينتظروون منك حلى بكرة الخميس فله ووناسة واجازة بعد يالله اخترعي حلى من مخك وصوريه لنا ونزليه بالمنتدى ننتظرك اوكيه

اووكيه ياقمرررررر





ليلة خميس .. وانا انطرك ليلة خميس

هام فيك قلبي وحبتك عيني وباقي

انا انطرك .. ليلة خميس

قمري وعمري اذا منتي مرتبطة بمرك الليلة بعد صلاة العشاء ممكن ؟


حياك ياقلبي البيت بيتك


لا تسوين شيء ولا تتعبين بشتري حلى جاهز وفطاير واجيبه معي بس سووي قهوة وشاي ما استغني عن ريحة عطرك فيهم ولا تكثرين السكر لان حلاوة شفاهك تكفيني !!


ضحكت ريمية وهي تقرا كلام حموود ومرها ليلة الخميس وسوااليف ووناسة مع بعض وكانت تبي تقول له عن الحرمة اللي قابلتها بس تناست الموضووع وأخرته لوقت ثااني

وكعادة حمود يوم طلع دز لها ظررف فيه مبلغ
وهدية خاتم المااس يجنن

اليوم الخميس دخلت ريمية المنتدى الا وتلقى الرسائل 6 غير مقررروءة

دخلت قرت الاولى طلعت من زميلة لها والثانية طلب حذف موضووع والربعة من شاعرنا المتيم

قرت المسج الاول والثاني طلعوا نفس المسج والثالث والرابع

استغربت ريمية ليش يرسل لها نفس المسج اربع مرات والمسج فيه طلب ورجاء بنفس الووقت

" عزيزتي مشرفتنا المحترمة خنقني الشووق

لو سمحتي انا عندي مشكلة هي ممكن بسيطة شووي بس منغصة علي عيشتي وما اقدر ابووح فيها لحد غيرك لانك غريبة وما تعرفيني عشان كذا اقدر افضفض لك بس مدري وين اكتب لك معاناتي وآهاتي وكل الشوق فيني يرسم لي خطاك ويدفن فيني لهفة الشوق لعيوونك "

استغربت ريمية من المسج راحت ردت عليه :

اخوي المحترم : لا زلت احبك ولا زلت ابيك

اقدر لك ثقتك فيني بس ما اقدر اساعدك الا عن طريق المسجات ارسل لي المشكلة وانا اقرر اذا اقدر احلها لك وحلها راح يكوون بقسم المشاكل الخاصة واعطيك رقم الكوكيز وتدخله وحتى اسمك ما راح تلقاهـ موجود بس راح تلاقي الحل وللعلم فقط رقم الكوكيز يتغير كل فترة حتى اي عضو قد دخل القسم ما يقدر يدخله مرة ثاانية تحياتي لك اخوي العزيز ,,
خنقني الشوق ,,


مسويه فيها ثقيلة ومحترمة هين والله لاطين عيشتك يا بنت فلان ويضحك شاعرنا ويبدى يكتب قصايد ونثر وغزل وشد انتباهـ اغلب البنات بالمنتدى خصوصا العاشقات الولهاانات

حلى مميز ورووعة ويجملك قدام ضيووفك

كان عنوان موضووع ريووف ونزلت الحلى بالمقادير والطريقة وكان شكله يجنن

وردووا عليها الاعضاء والعضواات ومن ضمن الردود رد الشاعر :

اقوول اعطووني عنوان بيتكم الليلة مسير عليكم وبذووق الحلى الله لا يعووق بشرر هع هع هع


يمه منه يا ريمية كلامه يمووت ضحك اقوول احذفي ردهـ لا يقراهـ راشد ويفضحني يابنت

طنشي يا شيخة هذا نت واذا راشد العاقل الفهماان ما يعرف هالشي فهذي مشكلته


مرررررررررررت فترة ماهي بسيطة حدود ست شهوور تخللتها بعض الاحداث العادية اللي تتخلل اي بيت واي عائلة

بيووم دق حموود على ريمية

حبيبتي ما تبين نحدد وقت الزوواج ترى مليت والله ابي اطق ويضحك


وش مستعجل عليه خليني اتوونس معك يابن الحلال واعيش جووي وبعدين بدري ع النكد

الله يسامحك بس يعني وجودك معي تسمينه نكد ؟

عفوواً والله ما اقصد اللي اقصدهـ بدري ع الزواج والمسئوولية بس

اهاا كنت بزعل اوول بس لو زعلت شلوون تراضيني ؟

اممممم بحطك داخل عيووني واقفل عليك بس لا ما اقدر

وليش ؟

اخااف لا غمضت عيووني تجرحك رمووشي


لا ما اقدررررررررر انا خلاص طحت من طوولي اقوول تدرين بكرة الزواج وانتهينا اخر كلام خخخخخخ


ريمية اتكلم معك من جد لازم نحدد وقت الزواج ترى بنكمل سنة واحنا مخطوبين وانا الحمد لله مقتدر ومبسووط


طيب طيب ولا يهمك ياقلبي انت فصل وانا البس وش تبي بعد ؟

بعد هذا تبيني اطلب شي ؟ خلاص هذا اللي ابيه


حددوا وقت الزواج بعد ثلاث شهوور بالضبط

ريووف انتي متى شهررك بالضبط ؟

يووهـ يا ريمية ليش السؤال هذا ؟

لان زوااجي تحدد بعد ثلاث شهور وبشووف اذا يمديك تحضرينه والا تكونين بغرفة الولادة تتولدين خخخخخخخ


صادقة بعد ثلاث شهوور !!


ان شاء الله يالله تجهزي وفصلي فستاان ابيك تطلعين احلى وحدة فهمتي


ما اظن انا لي الحين ست شهوور ومع ثلاثة بتكوون تسعة يعني اكون وقتها ازحرر واصاارخ

ابي امي ابي ابووي ابي زووجي ههههه

يا ثقل دمك وانتي تمزحين خلاص بخليه بالصيفية عشانك

لا والله ما يصير ما تغيرينه لو ايش حلفت عليك يا بنت الحلال علي الطلاق ههههه

صدقتي انتي ووجهك اني بغير الموعد ؟ بس دامك حلفتي ماراح اكسر حلفانك خخخخخ


كل يوم يمر تتعلق ريمية بشاعرنا المميز وكل يووم يعدي تحس بشووق لقراية اخر قصيدة ومتى دخل ومتى طلع وايش كتب واخر رد وكل يووم يتقرب لها اكثر بكتابة الشكاووي ويشكي اليتم والعجز وانه تربى عند اخوهـ الكبير وكانت مرت اخوهـ تعذبه وطلع شاعر زي ابووهـ وحاول يشترك بشاعر المليوون بس باقي ما اخترعووا البرناامج

قرت ريمية ردهـ وضحكت

قفلت ريمية اللاب تووب حقها وانسدحت ع السرير وقامت تفكر وتفكر :

شكلي تعلقت فيه معقوولة ؟مستحيل افكر بواحد مثل هذا وش ابي بووهـ يارربي بس اشتاق له ولمواضيعه ولقصايده حتى ضحكته اللي يكتبها صاارت احساس احسه منه وفيه اعتدلت بنوومتها : وحمود ؟ وحبه لي ؟ وزوواجي اللي ما بااقي عنه شي ؟ وفستاني واهلي واعمامي وخوالي اللي قاعدين يجهزوون وابوي وامي وفرحتهم لا مستحيل مستحيل اسووي كذا


انسااهـ احسن لي صدق الواحد احيانا يهووجس قبل لا يناام اعوذ بالله من الشيطان الرجيم وقرت آية الكرسي ونامت ع الجنب الايمن

وتحلم احلام وكووابيس وناار وكلاب سوودا تلاحقها وبحر واموواج تضرب ببعضها

ونااس يضحكوون وناس يبكوون والعالم كله حولها بس محد يناظرهاا ولا احد يشووفها وشووي الا قطووة سوداا تطاردها وتطاردهاا وتنادي : حموود امي ابوي خالد

محد سمعها ولا احد انقذها رغم ان كلهم حولها ويشووفونها بس محد ساعدهاا ليش ؟

قامت ريمية من النووم مفزووعة بصقت عن شمالها ثلاث وتعوذت من ابليس ثلاث وكبرت ثلاث وقامت توضت وصلت ركعتين


بس عقلها قام يودي ويجيب



يمكن اني بمووت قبل زواجي !! او حمود يصير له شي !! او امي او ابووي لا اعوذ بالله الا ابووي ما اتخيل اعيش بدونه


يمكن ريووف ! لا ياربي اعوذ بالله من الشيطان استغفر الله يارربي



تعووذي من ابليس هذا من كثر قعدتك ع النت والخرابيط اللي تسوينها على وجهك كل يووم


يمه الله يخليك لي وش دخل النت والخلطات بالحلم هههههههه ؟ ياعليكي افككار يا امي


مدري عنك كل يوم اشووف زبادي ومرة خياار ومره برتقال ومررهـ عسل وكل ساعة ودقيقة مقابلة المعفن هذاا


يا ميمتي ياربي تخليك لي هذا حلم يعني كابووس بس شكلي كثرت من العشاء البارح تخبرين يوم فكر خويلد يعشينا جابه لنا ثقيل مررهـ



وتعشيت ونمت ما سويت سبوورت عشان كذا شكله ثقّل علي وقامت افكاري تحوس وتسوي افلام اكشن بمخي خخخخخخخخخخخ


طيب وانا ابووك مرة ثانية ما تاكلين عشاء يجيبه خويلد ابد فهمتي ويضحك ابو خاالد


طيب هذا جزاتي اني عشيتكم امس ؟ هين ان شفتووا مني فخذة دجااجة مرة ثانية


اللي يسمعك يقوول من راتبك مالت عليك كل يوم تقط وجهك على امي وتاخذ منها قرووش الا على طااري خويلد ترى حمودي يقول


والعيلة كلهاا بققت عيوونها بريمية يوم تقول حموودي ) .. احم احم قصدي حموود يقوول لك وظيفة عندهـ بوحده من محلات ابوهـ يبي


محااسب وبنفس الوقت يثق فيه عشان الحساابات والفواتير وش رايك ؟


وكم راتبها ذي الوظيفة ؟ لا يكون الف والا الفين ترى ما ارضى الا باربع او فووق


يا بقعى تصووعك خويلد احمد ربك ان وافق الرجال يوظفك لا وتتشرط بعد عميا وتبي نظارة


لا يكون شمسية بس يمه خخخخخخخخخخخخخخخخ


خويلد اقوول انقلع انت وخشتك وافق ع الوظيفة لاني من اليوم وطالع ماراح امد لك ولا ربع رياال فهمت

يمه ترانا باقي ما توظفنا وتسوين بنا كذاا ؟ اجل اذا استلمت الوظيفة وش تسووين ؟


اجل اتفقنا يا ابو الخلد من بكرررة تداوم عندي واسلمك كل شي بس اتمنى الثقة اللي بيننا تبقى مثل ماهي


ولو ابو رحم ابشر بعزك ........ وقام خالد يحك رقبته : ابو الشباب ما قلت لي كم الراتب ؟


انت حددهـ وابشر بعزك ؟


ولو حمودي انت اللي تحدد راعي الحلال خالد اطلع وصك الباب وراك


طلع خاالد وباقووى ماعندهـ : طراااااااااااااااااااااااااااا خ


وش بك ع الولد كان خليتيه يكمل كلامه خخخخخ

ترى هذا اخووي اعرفه اكثر منك طمااع وما ينعطى وجه انتبه !!


هزي لي سااقك شووي وش فيه تحت رجوولك ؟


ضحكت ريمية بدلع : ولا شي وهزت رجلها


الا شووفي وش تحتك شكله صرصوور والا ايش ؟


قاامت ريمية تصاارخ وووع يمه وينه وحضنت حموود وجات عيوونهم ببعض وضمها لصدرهـ وضحك وقال خليني اشووف رجولك


لا يكون تعوررت ؟


لا ما تعورت ولا شي وقامت ترتب نفسهاا


اقول خليني اشووف صدقيني انك تعوررتي


ونزل حمود لرجوول ريمية ( الرجال يبي يشووف الخلخال )


خلاص مافيك شيء

حمود قلي الصدق وش فيك ؟

ولا شي قهرتيني طوول منتي قاعدة تهزين برجوولك وفيه شي يلمع واذا دققت وانتي هزيتيهاا قلت خليني اسوي فيهاا خطة حتى ادقق


باللي يلمع ذا وشوووو


يوووووهـ يا حموودي كان سالتني وجاوبتك طوولت المشوار والسكة قريبة هههههههههههه يعني مافيه لا صرصوور ولا شي طيب انا


زعلت


ولفت ريمية وجهها عن حمود مسويه زعلانة



جاء حمود من وراهاا وضمها لصدرهـ : ولبسها عقد ذهب عليه فراشة ملوونة شكله طالع خياال عليك ياقمررر عمري وحيااتي


ضحكت ريمية بدلع : مشكوور حياتي كلك ذووق












لا انا ولا انا اخر انسان .. يهجر حبيبه ويترك اوطان

نزف جرحي وجفت الوديان .. انتحرت اقلامي وشيعت انا الجثمان





مسابقة اكتب وانا أُكمل :


وووي يا ريمية هذا مررهـ شاايف نفسه على وش مدري !! كش عليه


ريووف مالت على خشتك وش عرفك انتي بالشعر والرومنسية خليك بحملك وولادتك وببنتك واتركي الشعر لاهله


عشتوووووووو ومن متى ان شاء الله ؟


من اليووم اسمعي ترى صورت العقد والخاتم اللي من حموود وارسلته لك وساائط شووفيها واعطيني رايك اووكيه !!


اوووكيه !!


شاركت ريمية بالموضووع وصار الموضووع بس لها وللشاعر هو يكتب وهي تكمل وصارووا الاعضاء بس يدخلوون حتى يقررون


ردودهم الاثنين ومحد تجرأ يشارك معهم ..


كان ودي اكتب لكم الاشعاار بالتفصيل بس اعذرروني احتفظ فيها لنفسي :)



يالله بااقي اسبوعين ان شاء الله وتكونين عرووس مو تشوفين حالك علينا انك اعرستي واحنا لا !!


ياربيه يا صيته يا تطلعين بافكاار امووت واعرف من وين تجيبينهاا غبااااااااار خخخخخخخخخ


طيب انتي جهزتي كل شي متأكدة مو ناقصك شي ؟


ابد الناقص بس العريس يجي هع هع هع


وش مستعجلة عليه الحمد لله والشكرررر لاحقة ع النكد ..


اعذرووني راح يكون دخوولي المنتدى قليل بسبب ظرووف شخصية دعواتكم لي يا احلى اعضااء " خنقني الشوق "

وش تقولين انتي ما اسمعك ؟


اقولك تعال شكلي بوولد اسررع يمه يا ثقل دمك


متأكدة ترى عندي شغل يا بنت الحلال تأخري شووي يمديك تنتظرين نص سااعة بس


رااشد هو على كيفي انتظر نص ساعة اقولك اسررع والا باتصل ع الهلال الاحمر واقوول زوجي مو راضي يوصلني المستشفى


لا افاا وش الهلال وش الخرابيط جايك الحين بس امززح خخخخخخخ


بعد اربع ساعات


مبروووووووووووك جالك ولد


الحمد لله توني اصير اب يبتسم رااشد


بالله احلف واوول وش انت ؟ جد والا خاال


ضحك راشد وهو يمسك يد ريووف ويبوسهاا : الف الحمد لله ع سلامتك ياقلبي ومبروك ما جبتي


الله يبارك فيك ياقلبي


الووو .. يا دبه انتي وولدك غير قبل زوواجي بيومين يشررف اوريك به هالورع من اولها مو بالع العافية طالع لابووهـ يا ثقل دمه


الله يبارك فيك ريمية وعقبالك يارب وتسلمين ع الكلام الحلوو يهبل كش عليك قال تمززح ياثقل دمك


امي تقولك طبيعي والا عملية ؟ رووعة سووالف الحريم ياحليلها امي


لا الحمد لله طبيعي بس تعبت يا ريمية و.....


قاطعتها ريمية : ريووف اقول لا تدخلين بسووالف الحريم ترى ماعرف طبيعي والا قيصري لا حملت ان شاء الله علميني بالتفاصيل




سمت ريووف وراشد ولدهم زايد على اسم جدهـ ابو رااشد



ريمية : معقوولة بكرة يكوون لقاءنا مع بعض ونعيش تحت سقف واحد ماني مصدق !!

الا صدق باقي اربع وعشرين سااعة ويمكن اقل بعد



اي والله اخيراً تحقق حلمي شووفي ياقمرر انا برووح ........ تبين اجيب لك شي معي ؟


يووهـ وين ترووح بعيد عليك وش الشيء المهم اللي يخليك تطق مشووار ؟


يووهـ ياقلبي كلها 230 كيلوو اروحها بساعتين رايح وساعتين رااد انتي بس لا تشيلين هم ياقلبي


ترووح وترجع بالسلامة ياقلبي وانتبه لنفسك ولا تسووق اذا نعست و...

خلالاص يا امي الثانية ترى امي صجتني بالنصايح انا ابي اسمع كلمة احبك من شفاهك وهالكلمة تكفيني


احبك بكل لغات العالم احبك وامووت عليك


وانا بعد من كثر حبي لك صرت اعشقك ياعشقي انتي يالله انا مااشي بااايات


بامان الله


يووهـ حاسه اني بعالم ثااني وبكرة بتزووج ياااي


قطعت عليها النقااشة افكارها : ادخل يا اختي ؟


ايه تفضلي يا ام راضي انتظرك من العصرر


وبدت ام راضي تشووف شغلها بالنقش وبالسووالف ما قصرت وخلصت نقش واخذت قرووشها ومشت والحناا بااقي بيدين ريمية ورجوولها



شووي الا تسمع صرااخ وصيااح ونيااح


ما استوعبت ابداً تسمرت بمكانهاا الا تجمدت ماهي قادرة حتى تتحرك تبي تسأل وش فيه ؟؟




























































ياربي وش ذا الحظ ترملت حتى قبل لا اتزووج




ايووهـ اللي في بالكم صح


حموود صار له حادث وتوووفي واللي نقل الخبر الحاارة كلها تتكلم والعالم وقفوووا على باب ابووهـ كل واحد يقول للثاني انت خبرهـ




محد تجرأ يعلم ابو حموود ان ولدهـ مات بحاادث وهو راجع من مشووارهـ طلع بوجهه جمل وصدمه وتووفي


ماني مصدقة ماني قادرة استووعب يعني خلاص مات حموود بكرة مافيه زوواج ؟ والحناا وش اسووي فيه ؟


انهارت ريمية وماهي قاادرة تستووعب اللي حصل وبكرة الزوواج ويدينهاا حنا ونقش ورجولهاا ياربي وش هالمصيبة



انا حظي كذا يمه منحووسة تعيسة طوول عمري كذا شيلوووووووووووووا عني الحناا تكفوون شيلوووهـ مني احرقووني حتى يطلع


من يديني تكفووون ابي اشق هدومي ابي اموووت خلاص انحرررقت ماني قادرة استوعب يا نااس انا ارملة



مر اليووم كئيب جداً وتعيس والناس بدال ما تحضرر للزواج تحضر للعزى والله المستعاان

ثالث يووم بالعزاء كأن ريمية لمحت البنت اللي قابلتها بالديووان قربت البنت وعزت ريمية ودعت ان ربي يعوضها



خيررر



بعد اربع شهوور وعشر ايام لملمت ريمية شتات نفسها وبدت رتجع شووي شووي لحياتها الطبيعية وقررت مع امها


ترووح تزووووور ابو حمود وام حموود



مساء الخير ياعمي



من شافها ابو حمود نزلت دمعة من عينه وتذكر فرحة ولدهـ ووناسته ليلة عررسه وكيف صارت الان ذكرى يبكيها


الصغير قبل الكبيرر


عمي وخالتي قدركم على عيني وراسي ومدت لهم ريمية كيس كبيرر



ناظرها عمها : وش هذا يا بنتي ؟


هذي الهدايا والفلووس اللي كان حمود يجيبها لي ويوم راح الغاالي قلت ارجعها لكم خذووها


لا والله وانا ابوو حمود ما يرجع شين جابه لك حموود وانا عمك هذا حقك ومحد راح ياخذ لك حق وبااقي لك حقوق


من الوورث بعدين نتكلم فيهاا



عمي من الحين بكتب لك تناززل عن كل شي تركه حمود ويكون ورث لي انا مابي شي خلاص اللي عندي يكفيني


ياعمي ترى المهر اللي اعطيتووني اياهـ حق الشبكة هنا والهدايا ماعدا فلووس الزواج قضيت بهن جهازي و....


يابووك خلاص اسكتي اوجعتي قلبي ترى انا موجووع خلقه حلال زلال عليك كل ريال اعطاك اياهـ حموود



رجعت ريمية وهي تخنق دمعة بداخلهاا ماتبيها تطلع ماتبي تحسس اللي حولها بضعفها ما تبي تعور قلب امها وابوها اكثر



الوووو



ايوهـ يابنيتي مين ؟



خالتي كيف حالك اعطيني ريمية لو سمحتي !!

ابشري يا بنيتي



هلااااااا مين ؟


اكيد ما تعرفيني انا اللي شفتك بالديووان مبرووك الوظيفة



ايش ؟ اي وظيفة ؟


ما دريتي ؟ اسمك نزل ووظيفتك بالديرة الفلانية انا وانتي مع بعض والله فرحت لك الف مبرووك



ريمية زمان ما دخلت النت ولا تدري عن شي وسالفة الوظيفة هذي ما تقدر تبلغ فيها احد الا لما تتأكد منهاا



ريووف بالله تأكدي لي وردي لي خبر مدري احسها تمزح علي والا قارية اسم ثااني



بعد ساعة او اقل بشووي


ريمية مبروووووووووووووووووك ياقمرررررر والله قريت اسمك صادقة انتي تعينتي الف مبروووك


راحت ريمية وبشرت امها وابوها وزارت ابو حمود وام حمود واخذت لهم هدايا وحلويات وقالت لهم ان فلانة ( من قرابتهم )


هي اللي بشرتني بالوظيفة



ومتى الدوام يابنتي ؟


والله يا يبه مدري بس ان شاء الله قريب او على بداية السنة الدراسية ان شاء الله



الله يوفقك يا بنيتي تستاهلين تعبتي بحياتك والله يعووضك


رجعت ريمية تمارس حياتها طبيعي ورجعت للنت والمنتديات والاخذ والعطاا وكل الاعضااء تحمدوا لها بالسلامة


وكانووا منزلين لها موضووع خاص كل يوم يدعوون لها بالتوفيق وان الله يجبر مصاابها واخونا الشاعر كل يوم


يدخل ويدعي لها



مرت الاجازة عادية جداً جداً بس الجديد فيها ان ابو حمود صار يثق بخالد مررهـ وصار يعتمد عليه بكل صغيرة وكبيرة


لدرجة انه عرض عليه يزووجه وحده من بناته لانه حسب كلامه ما يقدر يستغني عن خالد صار بدال حمود عندهـ ولان


ابوو حمود حس ان ظهره انكسرر بعد ولدهـ فصار لا يطلع ولا يرووح زي اوول وبس قاعد بالمجلس حقه ويناظر


صوورة ولدهـ




الف مبروووووك خويلد والله وكبرت وصرت رجاال وتبي تتزوج بعد ههههههههههههههه


اقول غبرية انثبري عني احسن لك انا رجال غصباً عنك سمعتي



يقال تبي توريني العين الحمرا هااهـ ؟ وشفت نفسك علينا ؟ ربي يرزق ناس من نااس وتمتمت بينها وبين نفسها :


الله يرحمك ياحموود


تزووج خالد من اخت حموود : بدررية وكانت بنووته هادية ورزينة وعاقلة خلصت الكلية وجلست بالبيت مالها سنة


مخلصة بس جميلة ومزيوونة



الحمد لله اللي عدت هالليلة على خيررر يا امي اخيراً خويلد تزوج !!


اقوول انتي لا عاد تقولين له خويلد فهمتي خلاص كبر وصار رجاال


ردت ريمية على امها وهي تشلح صندلها : ووي يا امي من متى ان شاء الله ؟ بقووله خويلد لين اشووف عياله خخخخخ



طلعت ريمية لغرفتها وهي ماسة صندلها وتفكر .. لو اني متزوجة الحين يمكن حامل يمكن يعني مثلا اكوون مبسووطة


ومرتااحة .. الله يعوضني ياارب

وطلعت نامت بغرفتهاا من التعب وللعلم كان زوواج خالد تقليدي جداً وعائلي بعد ببيت اهل ابو حمود تقديراً لظرووفهم


وعدت الاجاازة وبدت الدوامات وطلبووا من ريمية تداووم بالمدرسة وراحت ريمية وامها وابوها وشافت الديرة وشافت


اهلهاا وسألت المعلمات عن السكن لانه صعبة تجر امها وابووها معاها ويتركوون اشغالهم وبيتهم عشانها خصوصاً


الديرة اللي تعينت فيها ريمية تبعد عن ديرتها بحدود 150 كيلوو بس ابوها رفض انها تركب باص تروح وترد بنفس


اليووم خايف عليها والمصايب كثيررة


ايوهـ ريمية احنا مجموعة معلمات المغتربات ساكنات بشقة وعندنا شغالة وحدة من المعلمات بس هذي ساكنة هنا ترسل


لنا شغالتها من المغررب الين الساعة 11 ونعطيها اجرها تكوي وتغسل لنا وآجار الشقة والشغالة والكهرباء وكل شي


بالنص تبين حياك الله وش قلتي ؟


خلاص ماعندي مشكلة اتفقنا


راحت ريمية مع اهلها وشرت لها سرير ودولاب واغراض لغرفتها اللي قاعدة فيها هي وثلاث معلمات معاهاا وانبسطت


وكل اربعاء ينزلهم عم وحدة من البنات بالثانووي ويرجعهم السبت الفجرر


تغيرت نفسية ريمية مررة ورجعت زي اوول واحسن وانشغلت بالمدرسة والطالبات وكانت المعلمة اللي تقرب لحمود


معاها بنفس المدرسة بس مو بنفس السكن وصارت تتقرب لها وتسوولف ومن ضمن السوالف سألتها عن كلام الحريم


وانه منى عينها بس تفهم وش اللي صار وهي ماعندها علم فيه

وبدت اختنا نسميها نجوووى تحكي لريمية :





يوم حمود الله يرحمه يدرس بثاني متووسط تورط له بساالفة مع شباب واشتكاهم ابو الولد ودخل حمود الاحداث ويوم


طلع وهو مخلص ثالث متووووسط بس هذي السااالفة ومن يومه كل ما يخطب عند احد يرفضوون وما كمل دراسته



درس اول ثاانوي والعيال يعايررونه ويسبوونه وترك المدرسة وما صار يطلع من البيت ابد وبس هذي السالفة



حسبي الله عليهم بنات ابليس الحين قلت وش مسووي الرجاال ؟ طلعت هذي السالفة


ياربي يارريوف وهذي ماتعدينها ساالفة ؟


الا يا ريمية بس عادية طيش شبااب وبعدين كان صغيرر ماهو كبيرر طايش يعني يوم كبر وعقل ترك هالخرابيط


عااد اللي يسمعك ما يقوول كل الشباب مثله !! بس محد يدرري عنهم قدام الناس ررزة ومن وراهم الله العالم


ايه يا ريووف الله يسامحهم بس يوم سمعت كلامهم قلت اكيد الولد فيه عيب والا صاير شي مخبيه عني الله المستعان بس


ومرررررررررررررررررررررررررررر رت الاياام وتعلقت ريمية بالشاعر وصارت ما تشووف الا هوووو



بالدنيا وبالعالم كله وتطورت علاقتهم واخذ ايميلها وصارت محادثااتهم ع المسن سووالف وضحك لدرجة انها صارت


تشاورهـ بكل شي حتى بطلعتها وبمشاويرهاا




ترقبووووووووووووووووا الجزء الاخيررررررررررررررررررررررررر رررررررررررررررررر واوعدكم راح اكمله لكم بس الله يخليكم بلا تجريح واني ابيكم تترجوون لا والله العظيم ما هذا القصد


استودعكم الله :26:

ما قريتي الايميل اللي ارسلته لك ؟


اي ايميل ريمية ؟ ترى من امس ما فتحت الايميل حقي ليه وش فيه ؟



ارسلت لك اخر قصيدة نزلت ومكتووبة باسمي بعد اقريها وقوولي لي رايك !!


من حبيب الهنا مدري حبيب العناااا !!


ريووف حرام عليك لا تقولين عنه كذاا ترى ازعل وربي


يااااااي ترى ازعل !! ازعلي وطقي راسك بالطووفة على قوولة اخواننا الكوايته



ووووي ووووي كل هذا يطلع منه ؟


هااهـ وش رايك ؟ قصيدة تجنن صح !!


اي والله تاخذ العقل بعد .. اقووول ريمية الى متى ووضعكم كذا ؟ يعني عاجبك الحب بالطريقة هذي ؟



ريووف يسعد لي هالخشم تكفين لا تفتحين سيرة الموضووع هذا ترى اموووت منه مابي اتكلم فيه



ليش يا ريمية تمووتين ماتبين احد يفاتحك بالموضووع ؟ لانه غلط وبدايته غلط ولين نهايته وهو غلط ؟ وانتي عارفة


الشي هذا بس ماتبين تعترفين صح ؟



مدري ياريووووف عمره ما فتح معي سيرة الزواج والبيت دايم يقولي مستقبلنا مع بعض حياتنا مع بعض بس كلام وعمره


ما جاب لي طاري الزواج تبيني انط ع الولد من الشاشة واقوله الا تتزوجني ؟



ايه تنطين عليه والا يلعب فيك كذا ؟ ما يخااف ربه هذا ماعنده اخووات ؟

ريووف : هالادمي صار عشقي الاول والاخير صار نبضي وعمري وقمري وسماي وكل شي بحيااتي ومابي افتح


معه الموضووع حتى ما يزعل مني تكفين تكفين مابي ازعله


طيب ريمية عندي لك خطة ننفذها مع بعض ونتفق عليهاا لعل وعسى تجيب نتيجة وش رايك ؟


قوولي اشجيني يا فوزية الدريع على غفلة والله حاله صارت ريووف تنصحني الله يا الدنياا خخخخخخخ


اقول والا اسكت ترى خطة جهنمية والله ياريمية لي اسبووع وانا اعصر مخي والمخيخ لما وصلت للنخااع المستطيل بعد




كل هذا !! انتي تخترعين الذرة والا تولدين لك بقررة ؟ للدرجة هذا وصلتي بتفكيرك للنخاع المستطيل لا اجل السالفة


يبا لها فضااوة بس اصبري بفقل الباب حتى المدرسات ما يدخلوون علي الا بستأذان


قامت ريمية وقفلت الباب وانسدحت ع السرير وتوازنت وتضبطت : يالله وش خطتك ؟


اسمعي اليوم اذا تكلمتي معه ع المسن ابيك تقولين له انك انخطبتي !!



طيب وبعدين ؟



بس قولي له كذا


ريوووف


هاااهـ وش يا ريمية وش تبين ؟


الحين لك اسبووع تعصرين المخ والمخيخ وبالاخير بس ع هالكلمتين !!

ايه قولي له انك انخطبتي وشووفي ردة فعله فهمتي الحين ؟؟














اليوم الثاني بعد المغرررب محادثة ريمية مع الشااعر


تدري وش صار امس بالليل ؟



خير ان شاء الله وش صااار ياقلبي ؟


لا ولا شي بس واحد من عياال خوالي تقدم لي



ايش ؟؟تقدم لك



ايه تقدم لي ومترددة مدري اواافق والا ... لاااا


قسماً بالله لو توافقين لاجيكم البيت واذبح الولد واذبحك وبعدين انتحرررررررررر



جاته ضحكت ريمية : هههههههه لا يا شيخ خوفتني اجل بتذبحني وبعدين تنتحر !!




اي والله اسويهاا



طيب وبرايك وش الحل ؟



الحل عندي بكرة اجيكم البيت واخطبك من ابووك وش رااايك ؟


ريمية وهي بعقلها : ربي يسعدك ياريووف ع الخطة الجهنمية ... احم براحتك بس خليها الخميس احسن الاربعاء تتعرف


ع اهلي والخميس تكوون الخطبة وعلى فكررة يا ويلك لو تجيب طاري النت ترى انا اللي بذبحك فهمت


واذا سألوني شلون تعرفها وش اقوول ؟


اممممممم جات في بالي فكرة مو انت بتجيب اهلك معك ؟ بقولهم ان اختك صديقتي بالمدرسة وبالشقة ومن هنا عرفنا بعض


وحلفت الا تخطبني لاخوهاا اللي هو انت



ماشاء الله ذكية تعرفين تدبرين حاالك امووووووواهـ بوسة ع الراس اللي يعرف يفكر


وقفل الشاعر وقفلت ريمية وبلغت ريووف باللي صاار


تستعد ريمية اليوم الاربعاء وتجهزت لانهم يبون يسافروون مع البنات وبراسها بكرة بيتحقق كل شي




















ياربي وين انااا ؟ وش اللي صاااااار ؟


الحمد لله ع سلامتك انسة ريمية


مين انتي ؟ وايش اللي حصل ؟


جاهم صوت قاطع النيرس:
احم انا الدكتوور حمود اهلين اختي الحمد لله ع سلامتك


اهلين دكتوور بس وش اللي صار مدري عن شيء ؟ انا مرره مصدعة ماني قادرة اتحررررك


ولا شي شدة وزالت بس لالاتحركين كثيررر لان الحركة خطررة عليكي اهلك برى ممكن ادخلهم وهم بيقوولون لك


كل شي



الحمد لله ع سلامتك يا بوووك ما تشوفين شررر


هلا يبه .. وين امي ..


هنا يابعد قلب امك ياربي مدري متى يقووم حظك .... وتجلس ام خالد تندب حظ بنتها واللي قاعد يصير لهاا


خالد وزوجته وبنتهم الصغيرة واعمامها وخوالها زاروها وتحمدووا لها بالسلامة



بكل الحزن نبلغكم بتعرض مشرفتنا " خنقني الشووق " لحادث سيارة وهي ترقد الآن بالمستشفى بس ان شاء الله تكون


بخيرر وزميلتها ( زارني طيفك ورحل ) راح تزودنا باخر اخباارها بما انها هي المقرربة لهاا ..




ريووف ترى والله اني الحمد لله بخيرر بس علمي بنفسي يووم البنات صرخووا لاني كنت مغمضة عيووني بناام شوي


الا صرخووا البنات واسمعهم يقووولوون للسايق : امش شووي شووي بالهداووة وبعدها صحيت وانا هناا



ريووف كانت مررهـ متأثرة وكلامها ما يقل عن كلام ام خالد نعي وندب ونحيب


انا كتبت لهاا اجازة يا ابو خاالد شهر كامل لان رجلها مكسوورة ولازم تبقى بالجبس وبالنسبة لزميلاتها اللي توفوووا


مدري اذا تبوون تبلغوونها والا انا ابلغها بطريقتي وش رايك ؟



انت دكتور وابخص مني اللي تشووفه صح اعمله وانا وابووك والله اني يوم اشوفها كذا احس الدنيا تسوود بعيني البنت


هذي مالهاا حظ ابدا ابدا

ولو ياعمي ابو خاالد انت رجل مؤمن بالله وبالقضاء والقدر ومهما صار الواحد ما يجززع وش ذا ياعم انا اجلس اعزيك


واصبرك وانت اللي قبل كم شهرررر تعزيني وتصبرني بوفاة زوجتي وولدي !!


والله يابووك يا حموود مدري وش اللي قااعد يصيرر مع هالبنت من جرف لدحديررة حظها معيي يقووم





ايه بنتك فيهاا بلى اسمعي كلام ام صويلح وديها لفلانة تفتش عليهاا بنتك اكيد احد مسوويلها بلى !!


اكيد سحر والا عين والا مس والا نفس


جاء كلام جارات ام خالد زي السم عليهاا وتبي تصدق وتبي تكذب بس اللي قاعد يصير لبنتها شيء مو طبيعي كل ما قالت


يا حظ وش بك مرتكي قووم قال اسكتي لا نسدح


ايه هذا حظي يا ريووف انا وحدة مالي حظ بالدنياا ابداً والا تعالي اسمعي جارات امي مصرين الا اروح افتش على


قولتهم اكيد فلانة والا فلاانة عاملين سحر والا فيني نفس والا عين والا ..... راسي صدع منهم يارريوف


ريمية يمكن صاادقين روحي شووفي منتي خسرانة شي


ريووف اذا انتي العاقلة المثقفة الفاهمة تقولين كذا اجل ما اشرررهـ ع الجهله مثل جارات امي اقوول واللي يرحم والدينك


اسكتي عني بس





بشرينا عنك يا ابله ريمية ان شاء الله بخيررررر ؟؟


الحمد لله دكتووور احسن من اوول بس مدري بتفك عني الجبس اليووم والا كيف ؟


اكيد بنفك الجبس عنك وان شاء الله تكونين احسن بس يوم ورى يوم بيكون لك موعد حتى اتطمن على يدك اليمين و


بسووي لك اشااعة ثانية للعظام ولرجلك لاني شااك بشي !!


ياربي يادكتوور تكفى لا تخرعني ترى والله اللي فيني مكفيني وش شاك فيه ؟


بنفك الجبس اليوم وبكرة نتكلم برواقه احسن وش رايك ؟


اووكي ماعندي مشكلة ؟


ماني فاهمة يا دكتوور تعطيني كمان شهر اجازة ليش ؟ الحمد لله فكيت الجبس وانتهيت من المواعيد وكل شي اووكي


لا يا ابله ريمية انتي معلمة ولازم توقفين كثيررر واللي فهمته انك معلمة رياضيات يعني عملك يتطلب منك الوقفة


المستمرة عشان كذا بعطيك اجازة منها ترتاحين ومنها نشووفك ( واعطاها الدكتور نظررة وفسرتها نظرة حب والا شفقة )


اقوول اتركي هالغبي اللي ماعنده غير القصايد وحطي عينك ع الدكتوور شكله ارجل منه !!

ريووف تعرفين اني ازعل عند حبيبي عشان كذا لا تحاولين تشوهين صووورته قدامي تكفين

الا يا اشووهـ صوورته هوانتي شفتيه اصلاً ماتدرين عنه لو يطلع بنغالي متجنس


ما سمعتي المثل اللي يقوول :

المرأة اذا عشقتك تعشق بجنوون واذا كرهت تكررهـ بجنوون


هذا انا يا ريووف ما كنت احب حمود ويوم ربي حط حبه بقلبي عشقته لحد الجنوون وش صار بعدها ؟ راح مني بغمضة


عين .. وما كنت اتوقع بيووم اني احب شخص مثل احمد ( اسم الشاعر ) وهذا انا حبيته واخلصت له بكل مافيني


طيب والحل يا دكتوور ؟ تجلس كذا يعني لا مدرسة ولا شي !!


اووف ياعم ابو خالد طفشت من بنتك ماتبيها ؟؟ خخخخخخخخ


لا يا ابووك هذي ما اطفش منها هذي نور عيووني الثنتين بس تخبر مدرستها وتووها جديدة مانبي مديرتها وخوياتها


ياخذوون عنها سمعة شينة انها ماهي راعية مسئوولية


ولا يهمك ياعمي اذا انت حاس انها طيبة وبخيرر الغي اجازتها اليووم والسبت خلها تدااوم بس الطريق ياعم يخووف


الواحد ..


انا حلفت يا دكتوور حمود انها ماعاد تجي الربووع ابد مره انا انزل لها ومره اخووها وهي ما تجيناا ابداً


عمي ابو خاالد ؟


سم يا وليدي


سم الله عدوووووووك تعرفني انا حمود ولد ابو فلان وعيلتنا الفلانية وتدري ان زوجتي وولدي توفوووا من ثلاث شهور


بحاادث وانا الحين ارمل وعزووبي لحاالي واذا ماعندك مانع اجيكم اليوم او بيوم انتم حددوهـ وابي بنتك على سنة الله


ورسووله .. وش قلت ياعمي ؟



لا مابيه !!


ليش ماتبينه ؟ رجال وما يعيبه شي ولا تنسين انك كبيررررررررررررة منتي صغيرة بتعدين الثلاث وثلاثين



فكررري وانا ابووك وبعدين اجي واتكلم معك بعد صلاة العشاا وانادي اخوانك وعمك وخوالك


ريووف مابيه خلاص مابيه يعني مابيه


ريمية اكيد انتي غبية والا مجنوونة فيه وحدة ترفض واحد مثل الدكتوور حمود ؟


ايه انا ارفضه ياريووف مابيه افهميني والا نسيتي حبي الاول والاخير ؟ يعني بصير انا خاينة وغداارة وابيع حبي و


حيااتي عشان واحد مثل الدكتوور حمود مستحيل




قلت لاااا


مو على كيفك تقولين لا


الا يا خالد اجل على كيف مين قوول على كيف مين ؟؟


مرت الليلة بين الاخذ والعطى والسب والشتم وكانت لغة اللعن والصرراخ تعطي جوو مجلس الرجاال


وبكت ام خالد وبكت ريمية وأصرت على رايها ماتبي الدكتوووور



يالله ياعمي صار خيرر كان ودي بنسبكم بس الخيره فيما اختارهـ الله


والله ياوليدي انك رجاال وتنشرى بالذهب بس يابووك تخبر الشوور ماهو شووري وحاولت و...


قاطعه الدكتوووور : صار خير ياعم ولا تزعل كل شي قسمة ونصيب


سببت لي مشكلة مع الكل .. الكل قاطعني وزعلان مني والسبب انت


اناااااااااااااااا وش سوويت والله جالس لحاالي مقابل النت والمسن انتظر منك بس اشاارة

اسمع يا احمد الخطيب هذا ما اقدر ارفضه اذا تبيني بكرة الساعة سته تكوون موجود وبس ..


ريمية هيه انتي اسمعيني يااا بنت


قفلت ريمية المسن وهي تبكي وقفلت الجووال وحطت راسها وناامت ونست الدنيا باللي فيهاا




اليوم الثاني قامت الساعة اربعه ورتبت مجلس الرجال وبخرته مرت عليها بدرية زوجة خالد واستغربت منها


ريمية فيكي شي صاير شي ؟


ريمية وهي تبووس بنت اخوهاا : دُنــى .. لا ياقلبي مافيه شي بس وحدة من زميلاتي تبي تمرني المغررب وتخبرين


اخااف احد يجي معاها قلت ابخر البيت كله مرة وحدة وش عندك لابسه عبااتك ؟


ابد يالغالية ابي امرر السووق بكرة عندنا مناسبة لوحدة من بنات خووالي تبي تنخطب وقلت بشتري لها هدية وباخذ لخالتي


هدية بعد ابي اقولك تجين معي بس شكلك مشغوولة


اي والله مشغوولة وشكلك بتورطيني بدنووو عشان كذا ماتبين تحلفين علي صح ههههههههههههه


اللي يعجبني فيكي تقرين الافكاار بسررعه يالله خذي بنت اخووك بروح لا تشوفني وانا طااالعة بااي


باااي وتمد دنووو يدها لامها بااي




الساعة سته وصلووا رجاال ومعازيم والمجلس حق الرجاال تعبى رياجيل وحلويات ونسووان مافيه


يمه ما قال لك ابووي مين عندهم ؟


لا والله ماقال بس شكله محد غررريب


شلوون محد غريب الا غررريب ونص بعد !!


استغربت ام خالد من ردة فعل ريمية ناظرتها : تعرفين شي وماتبين تقولين لي !!

لا يمه وش دعووة اعرف ابد ماعرف شي


راحت ريمية وفتحت جووالهاا لقت احمد متصل فيها 55 مكاالمة بس من العصر لين المغررب


ضمت ريمية جوالها لصدرهاا وفتحت ع الرساائل ولقت احمد مرسل لها مسج يوم سألته انت تحبني رد عليها :



أنا ما أحبك من قال إني أحبك لا تفسر كلامي على كيفك

لا تزيد بهمي وآلامي كل الحكاية "إنك وضعت لحزني نهاية

وصرت الحلو بحياتي وأغلى أمنياتي وبالأخير تقول إني أحبك

أنا ما أحبك أنا أمووووووت فيك





تنفست ريمية وحست انه الحب الاول والاخيرر بحياتها وماراح ابداً تفرط فيه مهما كان ومهما صاار وحست ان الحقيقة


قرربت واتصلت ريمية ع جووال الحبيب لقته مغلق


استغربت منه واتصلت مرة ثاانية لقته مغلق تنهدت ويوم تبي تعيد الاتصاال الا :
اميرة قلبي.. يتصل بك


هلا رييمية بشررري صار شي ؟ وش الجديد ؟ وصل الحبيب المجهوول ؟

ريووف شوي علي يا بنت الناس فيه رياجيل عند الوالد وعند خاالد ولا احد جاني ولا احد رد لي خبرر واحمد جواله


مغلق وماني عاارفة وش اسووي ؟


اسكتي حتى انا طفشاانة حدي راشد راح برحلة عمل له يومين واحس اني مرة طفشاانة


يا شيخة علي انا ؟ الا قوولي مبسووطة انه مو فيه حتى تفرفرين انتي وخلوود بالاسوواق وش اخبار زايد وجنووو ؟


بخير بس اسكتي ياهي مجننته تجنن الله لا يوريك


خليها ترجله ولدك مدلع هذي بنت خالتها احم احم عن الفين رجاال هع هع هع


مالت عليك انتي وياهاا اقول ريمية ....................

ريووف بعدين ابووي يناديني

طيب بااي لا تنسين تكلميني تبلغيني بالاحداث بااي


هلا ابووي تامرني بشي ؟


ليش رفضتي الدكتوور حمود ليش ؟


ولا شي يبه ماله نصيب معي وبس ؟


بس !!


ليه يبه شااك فيني فيك شي ؟


مسكها ابوهاا مع ذراعهاا وجلس يصرخ عليهاا : وهذا وش يسووي بمجلسي قوولي لي يا بنتي المتربية العاقلة


اللي ما ساويتك باحد ابد عمري ما مديت يدي عليك قوولي هذا وش يسووي بمجلسي ؟؟


ابووي ترى ماني فاهمة وش قصدك ؟ ومن هوو هذا اللي تتكلم عنه ؟


ابو خالد حط يدينه على راسه وجلس ع الارض القرفصاء وقام يهز نفسه : وفضيحتي وفضيحتي وش اسووي


وش اقوول حتى عمك قام يطش علي حكي وخالك طلع وما بقى الا هو مسنتر بالمجلس يقوول ما ارضى الا بكتب


الكتااب وافضيحتي فضيحتااهـ ياليتك متي بالحادث ولا احتريتي هاليووم ياليتك


ام خالد ياعيني تبكي ودمووعها على وجهها ماهي دارية عن شي وريمية قلبها وقف طااح بين رجولها وتجمدت بمكانها


ولا صحاهاا غير صرراخ خالد وتهديدهـ وبدرية وهي تحلف عليه وحست نفسها تتفرج على فيلم ماهي مستووعبه


شووي الا تجيها بدرية وتسحبهاا بقووة وتجرهاا تعالي معي امشي لغرفتك تحرركي


دخلتها بدرية غرفتها وقفلت الباب : وش اللي سويتيه انتي صااحية والا مجنوونة ؟


بدرية ماني ناقصتك انتي الثانية ومسكت ريمية الجووال واتصلت على احمد ورد عليهاا


احمد وينك انت ؟

بمجلسكم حق الرجاال


احمد مين انت يا احمد وش اللي قلته لابووي عني وجلست تصررخ :


مين انت يا احمد مين انت ؟


سحبت بدرية منها الجووال وقفلته قالت لها : تدرين احمد العااشق الولهان طلع مين ؟


طلع راشد زوج ريووف راشد تعرفين مين راشد ومين ريووف ؟



تتخيلووووو الصدمة اللي عاشتها ريمية لا وغير كذا صدمها صدمة ثانية غير انه راشد راح وبلغ ابوهاا بكل شيء


وقال ان علاقتهم عن طرريق النت ولهم سنة ونص مع بعض من قبل حمود يمووت وهم يعرفوون بعض وهي راضية


فيني ومحادثاتها وسوووالفها وكل شي مسجل عندي ومعي بالسيااارة لو تبي اجيبه اوريكم اياهـ حتى تصدقووني


انفجر خالد وكان يبي يضرررربه وسأله عمهاعادل : وزوجتك وعيالك ؟


زووجتي طلقتهااا وهي هنااك وانا ببقى مع ريمية لاخر العمر يا ناااااس انا ابيها احبهاا امووت فيها تفهموون والا لااا



طيب واذا ما زوجنااك وش بتسووي يا راشد ؟


ولا شي ياخاالد بآخذ كل المحادثاات والرساائل وانشرها للعالم كله واقولهم شلوون ربيتووا بنتكم وبس


الله يلعنك يا ابن ............


قاطعه صووت ابو خاالد : رووح يا خاالد وانا ابووك هات الملا نبي نكتب كتابهم خلاص



مستحيل يبه ماقدر مستحيل ارضى فيه والله ما اتزووجه مستحيل


بتتزوجينه غصباً عنك ياراعية النت والعلووم هذي اخرة الثقة فيك يا حساافة والله يا ترباتي وثقتي فيك يابنتي



يمه قوولي لهم ما اقدرر اتزوجه مستحيل وليش يطلق ريووف لا ما اتخيل الوضع مستحيل


طبخٍ يالرفلا طبختيه كووليه ابووكي حلف واخوكي راح يجيب الشيخ وتلبسين عباتك وتمشين مع رجلك بسكووت



هذي اخرت عمايلك روووووحي الله يسامحك


ريووف الله يخليكي انتي الانسانة الوحيدة اللي تعرفني الله يخليكي لا تسوين فيني كذا والله ما كنت ادري عن شي


تكفين ريووف .. وقفلت ريووف الجوال بوجه ريمية وهي تترجاها تسامحها





بعد يومين جاب راشد الفستان لريمية والاغراض وراحت بدرية اتصلت ع الكوافيرة وطلبت منها تجي ولبستها بدرية


وريمية عايشة بووادي ثاني لا تسمع ولا تشووف ويوم خلصت بدرية اتصلت على خاالد وجاء اخذهاا ويوم ركبت


السياااارة قامت تصيح وتصررخ وتبي تنزل منها يوم الاشارة كانت حمراا بس بدرية وخالد منعووها لما وصلووا للشقة


اللي راشد كان مستاجرهاا ونزلت ريمية تجر نفسها ورجولها جرر ماتبي تدخل غير بالغصب والسحب يسحبها خالد


وزوجته وبدرية وقفت مع ريمية وقفة ما تنساهاا ريمية ابداً طوول عمرهاا



دخلت ريمية الشقة وما رضت تفك العباية ولا الطرحة وبالغصب نزل راشد عبايتها وشيلتها ويوم جات عينه بعينها




























رجمت ريمية بووجه راشد وقامت تصاارخ عليه وتسبه وتلعنه وعلى صووتها دق جررس باب الشقة ويوم فتحه راشد



طلعوا ناس اجانب مأجرين الشقة اللي جنبهم : مساء الخير اخوي سلامات سمعنا صوت صراخ وعياط فيكوون شي ؟


لا اخووي مافيه شي وما كمل راشد كلامه الا ريمية تصررخ ساعدووني هذا خاطفني ويبي يغتصبني ساعدوني


الا الاخ نسميه ابو فراس دف راشد وقام يصارخ على اولاده الشباب تعوووو الحقووا فيه بنت مخطووفة هوون بسررعه


وبثوواني الا الشباب وامهم واختهم عند الباب وراشد يعظ لسانه واسنانه يبي يذبحها بس ما يدري كيف


وشررح لابوو فراس ان هذي زوجته بس معها حاله نفسية وطلب ابو فراس من بنته وزوجته يدخلوون يتطمنون على


العروسة ويتأكدوون من كلام راشد


ثوواني الا طالعة ام فراس وبنتها وريمية معاهم وراشد انجن وقام يصارخ ارجعي يا بنت .. ارجعي


دخلت ريمية مع العائلة هذي داخل شقتهم وارتاحت لهم وطلبت انها تناام لانها تعبت مررة وجابت لها ام فراس بيجامة


قطن ولبستها ريمية وناامت وبالاحرى ما نامت تنيوومت ويووم حست ان البيت هدووء والناس نايمين تسللت المطبخ









واخذت الولاعة والكيروسين ( الكااز ) وشبت بنفسهاا الناار وجلست تصاارخ امووت ولا يصير لريووف شي وحسبي


الله عليك يا راشد سمعوا اهل الشقة الصراخ وانجنووا يوم شافوا البنت موولعة بالنااار واللي اخذ مويا ويررش عليها


واللي بطانية وبالاخير سحبووها تحت الدش وفتحوا الدش عليهاا وراح فراس ونادى راشد ولفها بالبطانية ووصلها المستشفى



حرووق من الدرجة الثانية


يا لطيف وصررخ خاالد وبكت بدرية شلوون نعلم عمي وخالتي يارربي وش هالمصاايب يااربي ارحمنا


الدكتوور حمود ظل سهراان معاها للفجر وكانت حرووقها اكثر شي على يدينها ووجها وشعرها وظهرها وشووي على


رجولهاا


اسمع يا راشد اللي تبيه وصاار وطلاق راح تطلق الحين فهمت والا قسماً بالله اني لآخذ حق ريمية وحق ريووف منك


يالوصخ يابن ..... وبالقووة وياليت الممرضين والسكيورريتي فكووا راشد من يدين خاالد وطلق راشد ريمية وهي باقي


بالمستشفى وكان يبكي عند رجوولها يقولها احبك والله من حبي لك اني كنت ابيك على سنة الله ورسووله ولو حسيت بس



مجررد الاحساس انك تسوين كذا ما فكرت اعذبك وبالنسبة للمحادثات والرسائل مامعي اي شيء بس كنت عارف انك


راح ترفضيني وقلت اسويها خطة حتى ارغمك ع الزوواج مني بس انتي طالق طالق طالق وسامحيني

ولازلت احبك
و



لا زلت ابيك



طلع راشد وهو يبكي ريمية ويبكي ريوف لاهو قدر يحافظ ع الاولى ولا قدر يعيش مع الثانية وخسر الثنتين


ريووووووووووووف ما استوعبت الخبر ابداً مو خبر خطبة راشد لا يا حلوووووووووووووين ريوووف كانت تدري


ان الشااعر هو نفسه راشد وتدري ان راشد راح يخطب ريمية بس من حبها لريمية وكرهها لراشد ما تكلمت وعلى فكرة


هي طلبت من راشد يطلقها قبل يخطب ريمية وصار لها اللي تبيه


ريووف انصدمت بخير حريق ريمية وانشل تفكيرها وبساعتين طيراان كانت ريوف عند رجوول ريمية تبكيها


ناظرتها ريمية : لا تبكين انا خنتك انا خرربت بيتك وهدمتها بيديني وبهباالي وبعجلتي سامحيني يا ريوووووف تكفين


سامحيني :icon33:










مرررررررررررررررررت الشهوور وبدت ريمية تسترجع قواها شوية شووية
^


^



وهذا اللي صار يادكتووووووور حمود من طق طق للسلام عليكم واذا تبيني بحرووقي وبشكلي فأنا مووافقة بس بشرط



لا تتشرطين يا ريمية صدقيني انا ابيك من لحظة عيني جات بعينك يوم بنت زميلتك وانا بغيتك بس الحظ تعثر وصار


حادثي مع ولدي وزوجتي ونسيت المووضووع والايام جابتك بطريقي مرة ثاانية


والحرووق يا دكتوووور ؟


قابلك انا باللي انتي فيه شكلك كلك على بعضك تعجبيني ابيك باللي فيك وش قلتي ؟ مووافقة



وراح الدكتور وخطب ريمية من ابووها وصار زواجهم الكل يتكلم فيه من ناحية كشخة ريمية ولبسها ومكياجها وفستانها


اللي مخصوووووص طلبه لها حمود من مصممة من لبنان وكان الفرح شي لا يعلى عليه

ريووووف نقلت لديرة اهلها وعيالها معاها وعاشت لهم وعليهم ورفضت كل اللي يتقدموون لها عشان عيالها


وراشد حوبة ريمية ما تعدته فصلووهـ من العمل وطلع برى السعودية يدور له وظيفة وشكله قال بهج من هالديرة احسن




ريمية الان عندها ولدين وبنت ومبسووطة بحياتها بس لازالت هناك فجوووة بينها وبين ريووف لانها دايم تحسسها


بالذنب وريمية دايم تلقي اللوم على نفسهاا لانها السبب بتشتيت عائلة رغم انها مالها يد باللي صاااااااااااااار


وهذي نهاية القصة ياحلووين وريمية وريووف كلهم يسلموون عليكم ويطلبوون دعواتكم واللي تقول ابي منتدى ريمية



ما اقدرررررررر صعبة والحين لها ثلاث سنوات او اكثر ما تكتب وقفت الكتابة بس عضووة تقرا وتستفسر وتطلع


زمان ما كتبت بالمنتديات واولادها ماشاء الله يهبلووون وبنتها الكبيرة السنة الجاية بتدخل رووضة وسمتها ريووف على


اسم صديقة عمرهااا بس قالت لي سرررررررررر بقولكم عليه بس لا تعلموون احد :)




اخوووووو الدكتوور حمود مطلق زوجته وعنده طفلين ويبي يتزوووج وقال ريمية احتمااال بكلم ريوف ان شاء الله


تووافق ونصير سلاااايف


وسلامتكم ياحلوووين ترى تعبت من الساعة ثنتين وانا اكتب وامسح واعدل لا تحرمووني دعواتكم :26: