مالي ببعدكـ يالغلا حيلة .. بس القدر والنت صاروا علينا..عندما باحت بسرها(دمجت الأجزاء)

اخواتي الحبيبات .. الحوائيات .. هذي قصة وحدة ارسلتها لي وحبت انكم تقرأونها حبة حبة وتتعظوون ولا تتخذون


قراراتكم بسررعه وفكرووا قبل اي قرار بالماضي والحاضر والمستقبل


بصراحة هي أعطتني نبذة عن حياتها وقصتها وحبيت اني انقحها وارتبها لكم حتى تستفيدوون منها وتكون عظة وعبرة


لكم على المدى القريب والبعيد ..


رجائي لكل من تقرأ القصة لا تعلّق عليها لاني راح انزلها أجزاء وكتابتي لها ارتجال مثل ما كتبت سابقاً ماعدا


فحوى القصة ومحتواها ونهايتها ..



طبعاً الاخت الكاتبة الحقيقية وراء الكواليس وتقرأ ما كتبته وما تردون به لاحقاً على قصتها ..


أنا والعياذ بالله من كلمة أنا لا اعلم هل الشعار أو مواضيعي الهادفة ان شاء الله جعلت العضوات يثقون بي وبارائي


فالكثير منهن تطلب ايميلي ونتحادث على المسن وتأخذ رأيي حتى بلباسها ومشترواتها من ميك اب ولبس واكسسوارات


وكنت اعطيهن واعطي بلا حدود أهم شي عندي اني أكون على قد الثقة والمسئولية ودعواتي دائماً أن اكون عند حسن ظنكم

بي



قصة صاحبتنا تلك بدات عندما كانت ريمية في الصف الاول ابتدائي


دخلت ريمية الصف وهي تحبس دموعها فكانت خائفة من المعلمة ومن الزميلات ومن الصف ومن المدرسة فأمها


الحبيبة رمتها عند باب المدرسة وذهبت لان عندها مشاغل أهم من أن تقضي هذا اليوم مع ابنتها الوحيدة والكبرى ريمية


اغرورقت عينا ريمية عندما رأت طفلة اخرى دخلت تجرها معلمة بيدها جراً وهي تصرخ :


أدخلي بلا دلع بنات


انفجرت ريمية بالبكاء وتعالت الصرخات واختلط صوت صاحبتنا بصووت الطالبة الجديدة ( ريوف ) واستمرت


الطالبتان بالبكاء حتى انقطع نفسهما بالمعلمة لم تأبه لهما ووضعتهن بزاوية الفصل وقالت بلهجتها غير السعودية :


خليكن هون ابكووا لحد ما ينئطع نفسكووون .. !! سمعتووا ؟

هزت الطالبتين رأسيهما ببراءة بالموافقة بالاجماع ..

انتهى اليوم الدراسي بعيون حمراء منتفخة وبوداعية الصاحبتان ريمية وريووف على أمل اللقاء غداً بدموع أكثر

وبزاوية جديدة قد اخترنها مسبقاً ..


تحمست ريمية للذهاب غداً للمدرسة حتى تلتقي ريووف التي كانت عكسها ورفضت رفضاً قاطعاً مجرد التفكير بالمدرسة


وبتلك المعلمة الشريرة التي لم تلقيهن بالاً ..

ريمية دخلت تسبق والدتها بينما ريوف دخلت وهي تتحلطم وتحبس دموعها لان والدتها اجبرتها على الذهاب ..

عندما التقت عيناهما البريئتان ببعضهما البعض كانت تلك اللحظة لحظة نشأة الصداقة الحقيقية


الصداقة الابدية


الصداقة الروحانية


بدأت ريمية وريوف علاقتهما مع بدء الصف الاول ونهايتها كانت ......


اكتب لكم بعض صفات ريمية وريووف

ريمية كانت ممشوقة الجسم فارعة الطول ليست جميلة ولا قبيحة لكنها جذابة تلفت الانظار بمجرد دخولها او حتى

برمش عينها مهذبة شخصيتها قووية ولا تحب المجاملات ولا الكذب ما تعجبها حركات الغزل والحب بين الطرفين

ودفتر المذكرات والمكياج والارواج والبكلات والشباصات لانه بحسب وجهة نظرها البنت تحلي نفسها بنفسها وهذا سر

جمالهاا ..

وشعرها طوويل ودايم جديلة او جديلتين حتى يوم تخرجت من الثانوية وهي تجدله اثنين بس ماشاء الله يجنن عليها

ولايق وما تربطه الا بشرايط ( الشبرات البيضاء القديمة تذكرونها ؟؟) ..


ممتازة ومتفوقة بمدرستها وشخصيتها قيادية وتحب السيطرة ويحبونها معلماتها كلهم ..

نجي لشخصية ريوف :

مربوعة مليانة شوي بيضاء شعرها قصير وقصيرة مزيوونة احلى من ريمية بس انها خجوولة مرة وتستحي وراعية

كشخة وتحب المظاهر وتجامل مرة وكان هذا الشيء دايم يزعلها هي وريمية من بعض

كسلانة شوي بالمدرسة وعادت سنة دراسية وبكذا تأخرت عن ريمية وما صاروا مع بعض بنفس الصف وهالشيء عقد

ريمية وخلاها تتكسل وتعيد سنة دراسية بس حتى تصير بصف ريوف ( شوفوا كيف الحب البريء والصادق ) ..

ريوف ما تحب الاجتماعات عكس ريمية اللي تموت عليها بس بحكم ان ريمية وحيدة اخوانها فكانوا يحبون يسيطرون عليها


وحسب مزاجهم يوافقون تخرج او لاا ..

توطدت علاقة البنتين مع بعض لدرجة انهم صاروا توائم ملتصقين ما يفرق بينهم غير النووم

تخرجوا الثنتين من الثانوية ... بس ديرتهم مافيها كلية ولا جامعة لازم تروح تدرس عند خال او عم او أخ أو أخت

نكمل المره الجاية ..


بس رجاءاً ما نبي أحد يررد وصدقووني القصة رائعة ولعدم اكتمال القصة ما اقدر انزلها متسلسلة يعني لا هو جذب

ولا شيء والادمية تقرا القصة الآن وهي تقررإذا اكملها او لا .. وتشوف الاسلوب يعجبها او ما يعجبها والكلام

اللي كتبته اذا فيه اعتراض عليه واذا تبي ازيد او انقص ..

رجاءاً عـــــــــــــــــــــــــــــدم الـــــــــــــــــرد حتى تكتمل القصة ..

ريوف من الصف الرابع كانت تحب ولد عمتها راشد


وراشد شاب خلوق مهذب عاقل جذاب اكبر من ريوف بـ 10 سنوات بس هي من كانت صغيرة وهي تحبه ببراءة

الاطفال لانه كان دايم يزورهم حتى يسلم على عمته وهو بادلها الحب بس كان حبهم صامت


مرت السنوات وقربوا لبعض اكثر واكثر ويوم انتقلت ريوف وريمية لديرة ثانية وسجلوا بالجامعة وسكنوا سكن طالبات


كان كل شوي راشد يمرهم السكن وينزل لهم اغراض من حلويات وشيبسات وعصاير وكان يدز رسالة حب وعشق


وهيام لريوف بين الاغراض وهي تلقاها وتعيش اسبوع او اكثر تحت تأثير الرسالة اللي قرتها


وكانت ريمية تتريق عليها وعلى حبها واوهامها .. بينما ريوف كانت تقوم وتصحى وهي حاطة الورقة باحضانها وتشم


ريحة العطر اللي راشد بخه ع الرسالة وريمية بس تتريق عليها وتستهبلها ..

مرت سنتين وخطب راشد ريوف وتم كتب كتابهم وكان يجي ياخذها من السكن بحكم انه زوجها وكانوا يتمشون مع بعض


شوي وترجع مرة ثانية للسكن .. وتسولف عن لريمية عن راشد وحركاته وايش يحب وايش يكرهـ وايش قالها وايش امنياته


بعش الزوجية وكيف راح يعيشها ملكة .. وطبعاً ريمية عايشة بعالم ثاني اللي هو عالم الدراسة والمذاكرة والمجموع


الزين على امل تتوظف اذا تخرجت وريوف عكسها تماماً ولا هي بدنيا الواقع لانها خيالية مرررة


ريمية كتبت لكم قبل عن شخصيتها انها واقعية جدية شخصية تعتمدين عليها وكان الاغلبية ياخذون رايها بكل شي

منهم اخوالها واعمامها وابوها ما يسوي شي الا لما يشاورها وياخذ رايها


ياما حلت مشاكل زميلاتها واخوالها مع حريمهم والا عمها عادل يوم بغى يطلق زوجته قامت ريمية اهدت هدية لعمها


وكتبت رسالة حب واعتذار وشووق وسجلتها باسم زوجته واعطته وانبسط ورجع زوجته ع اساس انها هي المهديته


وسوت مع مرت عمها نفس الحركة لانها عطفت ع الصغار الاربعة اللي مالهم ذنب وكانوا بيصيرون ضحية خلاف


بسيط وسوء تفاهم بين الزوجين وبحركة ذكية منها رجعت المياهـ لمجاريها ..


والا يوم نجحت بالجامعة وانتقلت لسنة ثالث وابوها وعدها اذا نجحت انه غير يسوي لها حفلة نجاح ماعمر بنت حلمت


فيها وتراجعت عن بشارة ابوها بالخبر يوم درت انه خسر بالاسهم اكثر من 700 الف ريال فقررت انها ما تخبرهـ ويوم


سالها ابوها عن النتيجة قالت له إن وحدة من الدكتورات بالجامعة ابوها توفى وسافرت له لانه كان يتعالج بالخارج وما


اختبرتنا المادة وأجلوا اختبارنا لبداية السنة الجديدة !!!


ما قلت لكم ريمية حكيمة وواعية وعاقلة !!


ريوف علت قلب راشد من كثر ما تحكي عن ريمية وتمدحها كان اول يسكتها ويقول لها طفشتيني بخويتك ذي خلاص


اقطعي سيرتها وبالاخير صار هو يدور على اخبارها ويسال عنها بس ريوف ماهي منتبهه لآي شيء وكانت ساذجة


ريووف انخطبت ولا عشرين مرة عكس ريمية اللي ما انخطبت ولا مرة رغم انها تستحوذ على اي مجلس تجلس فيه


ولما تحضر مناسبة تكون حديث السنة ..

انيقة وجذابة واللي يشوفها يحبها على طوول واي وحدة تتمنى انها تكون من نصيب ولدها وتمدحها وتمدحها بس محد


يخطبها ابداً ..


بأخر سنة بالجامعة اشترى خال ريمية راكان لاب توب هدية لريمية وكانت طول الوقت عليه منتديات وتموت بشي اسمه


فوتوشوب كانت تشتغل عليه باحتراف ووقتها كله يروح بالصور تعدل وتضبط وتكتب وكانت ريوف تبلغ راشد باللي


تسويه ريمية بس كيف يشوف هالشي ؟ راح اشترى لريوف لاب توب مثل مواصفات لاب توب ريمية بالضبط وصارت

ريمية تشتغل ع الفوتو وترسل على ايميل ريوف وكان راشد يطلّع على شغلها وتعجبه حركاتها وحس انها بنت ذكية

ومن كلام ريوف عنها عرف انها ماهي راعية علاقات وخرابيط وحب وغزل وبالاساس راشد عاقل ورزين بس من


كثر حكي ريوف عن صديقتها جاهـ فضول يعرف من هي هالادمية اللي تخيلها بمخيلته : مــــــــلاكـ !!


تصير مواقف كثيرة لريمية وريوف بالجامعة منها مرة كانوا قاعدين مع بعض يفطرون الا جاتهم وحدة وناظرت ريوف


وثم ناظرت ريمية وقالت لهم : انتم صديقات ؟ قالوا : ايه ليش الاخت تسأل ؟ ردت عليهم : ابد بس احسكم مو لايقين


على بعض !!


ناظروا البنات بعضهم باستغراب وانفجروا بالضحك وصاروا يضحكوون وليومكم ما فهموا وش تقصد هالبنت بجملتها


بس شكلها كلمة كانت بقلبها وطلعتها !! خخخخخخخخخ


مرت الايام وخلصت السنة وقرب زواج ريووف واستعدت ريمية لزواج اقررب وحدة لقلبها توائمها وروحها وحست


انها راح تفقد حياتها اذا فقدت ريوف


ريمية اشترت فستان ساتان سكرري مفتوح ظهرهـ ونقشت نقش على كامل الظهر من ورى وعبت النقش كريستال


ولانها ما تحب الميك اب ولا الاكسسوارات فبالغصب خلتها ريوف تحط شوية قلووس وكريم اساس وسوت لها تسريحة


بسيطة عند نفس كوافيرة ريوف لان ريمية راحت مع ريوف الكوافير من الظهر وجلست معاها لين ما مرها ابوها واخذها


للقاعة


كانت ريمية مبسوطة وفرحانة لفرح ريوف بس برضه زعلانة لانها راح تبعد عنها وتخسرها وياما سمعت من اللي حولها


وبالنت ان الصديقات بعد الزواج يتغيرووا مررة


لما دخلت ريمية القاعة كان الكل منبهر من اناقتها وجاذبيتها وروعتها لدرجة ام العريس قالت لو راشد شافها مافكر


بريوف وناظرتها بنتها تكون صديقة ريوف مررة : يمه وش هالكلام ؟ لاعاد تقولينه خلاص ولدك تزوج وهو يبي ريوف


تحلطمت ام راشد وتمتمت بكم كلمة بس محد فهم عليها ..


كانت ريمية ترقص والكل يناظرها وهي حست انها جذبت الحضور فزادها هالشيء غرور بنفسها وزادها عظمة


ويوم اعلنوا دخول العرسان الكل تغطى ولبس وجلسووا الحريم ينتظرون دخول العرسان راحت ريمية ووقفت على


جنب مع اخوات العروس لانهم كانوا متغطين ولما جلسوا العرسان قربت ريمية من ريوف ومدحتها لان ريوف كان شكلها


مررة حلوو وطلعت عروسة تاخذ العقل واغلب ستايلها من ذووق ريمية وتكلمت معها كلمتين وضحكوا مع بعض


وتكلم العريس مع ريوف شووي الا كان يسألها تكلمي مين انتي ؟
قالت له اكلم ريمية .. قال : نفسي اشوفها !!


ناظرته ريوف بنظرة تعجب : وش قصدك ؟


تحلطم راشد : هههه لا ولا شي ..


رجعت ريوف لفرحتها ونست كل شي بس راشد لا زال يتذكر الفستان السكري وصاحبته


رجعت الحياة طبيعية لدرجة الملل .. نجحت ريمية وريوف وربي ما كتب لريمية انها تتوظف بس المقسوم لازم


تشوفه العين توظفت ريوف لان الديرة اللي فيها زوجها كان تخصصها مطلووب مرة وكان التعيين من نصيب ريووف


وصار اغلب تواصل ريمية وريوف عن طريق المسن والمحادثات


ريمية تفضت للنت والمنتديات صارت تركب ستايلات منتديات على الفين والف وخمسمية وهي بلغت واحد من خوالها


وشجعها وصار التحويل على حسابه وصارت مشرفة بكذا قسم وصارت معرووفة باغلب المنتديات بالام والعاقلة والراكزة


والمستشارة لهم بكل كبيرة وصغيرة ..


وياما دخلوا بنات وشباب اللي يشتكي لها من لوعة الحب وتنصحه واللي شكى لها من حبيبته هجرته واللي تهاوش

مع زوجته واعطاها ايميل زوجته حتى تنصحها وترشدها واللي واللي واللي والعمر يخلص ومشاكل الناس ما تخلص

صار روتينها يومياً المنتديات والمشاكل وريوف نست اهلها ولا صارت تحضر اجتماعات ولا مناسبات وابتعدت


عن الكل وبرضه الكل يمدح فيها بس محد خطبها والكل صار يدعي لما يشوفها او تجي سيرتها :


بنت ولا كل البنات والله يرزقها ..


نـــــــــكـــــــــــــمــــــــــــــــل لاحــــــــقــــــــــــــــــاً

بقولك موضووع بس لا تزعلين ولا تتكلمين الا لما اخلص حكي اتفقنا ؟


بققت ريمية عيونها باللاب تووب وهي تقرا كلمات ريووف وشهقت وهي تكتب لها :


ريووف خرعتيني وش فيه ؟


راشد فيه شيء ؟

بنتك فيها شي ؟



ريوف طمنت ريمية انه مافيه شي ابداً بس تبيها بمووضوع خاص جداً ..


كتبت ريوف لريمية بالمسن طبعاً ..

ريمية انتِ أغلى وارووع شيء بحياتي .. كنتِ ولا زلتِ الاخت والصديقة والحبيبة .. وكثير من خوالي واعمامي واخواني


طلبوا مني اني اخطبك لهم . بس انا رفضت رفضاً قاطعاً ..

ريمية وهي مستغربة : يخطبووني .. وانتِ ترفضين !! طيب ليش ؟ ايش السبب لرفضكِ ؟

ردت ريوف : السبب : اخاف اني اخسركِ ..!!

ايه اخاف تاخذين واحد من قرايبي واخسركِ وهذا الشي ابي اموت ولا يصير .. واليوم فكرت بالموضووع وحسيت


اني خنتكِ بدون قصد وابيك تسامحيني ..

ردت ريمية : يالنذلة والا خايفة اني اتزوج قبلك واخلف ويصير لي بيت وعيال وانتِ لا !!

ريووف وهي تضحك : خخخخخخخ بس انا تزوجت وجبت احلى بنووته بالعالم ( جناان ) وابشركِ فيه واحد بالطريق


ياااااااي كمان واحد ثااني .. ريوف ارحمي نفسك بنتك باقي صغيرة .. الا على فكرة متي تجين الديرة بلى بخشتك اللي


كني شايفتها تقولين خشة بنغالي مضروب بقوووطي بيبسي .. وتعالت ضحكات الثنتين ونسووا اساس الحديث كله ..


مرت ايام الدراسة وجات العطلة .. وبشرووا ريمية بوصول ريووف .. وجلسووا مع بعض جلسة صديقات من زمان


ما شااافوا بعض ..

اقوول ريوف تراك طفشتينا من اليوم .. من كثر ما تحكين عن زميلاتك وعن المدررسة وعن الطالبات .. اقول غيري


الموضووع ترى عليتي قلوبنا ..

ردت صيته اخت ريوف .. يوووهـ يا ريمية خلينا بسيرة المدرسة احسن من اليوم طفشتني هي جالسة وتتأمر علي راشد


يحب الكبسة بس لا تحطي عليها فلفل وراشد يحب العصر يتقهوى ولازم حلى مع القهوة ياخانة عيني ,, وراشد


ما يحب يشرب الشاي الا وعليه نعناع .. وشكل الاجازة مطوولة وقرقة ريوف مطولة .. واذا ما رديت عليها تجلس

امي تحن علي .. حرام وحرام واختك مسكينة جايه من سفر وارحميها ضعيفة تتوحم .. ورددي ياليل مطولك ..


البنات ناظروا ريوف وهي ساكته ما تتكلم ولا علقت راحت نزلت شفتها لتحت مسويه انها زعلت وانفجرووا بالضحك


مع بعض .. شوي الا والباب يدق .. قالوا روحي لزوج الهنا يبي شاي بعناع خخخخخخخخخخخخخخ ..


راحت ريوف لزوجها واستاذنها يبي يمر اهله واذا تبي شيء او لاا فقالت له : لا بس وانت جاي هات للبنت حليب ..


رجعت ريوف وكملت سوالف وضحك مع البنات لحد الفجر .. وراحت ريمية بيتهم وناموا الباقين ..


يوم جات الساعة 7 الفجر ارتفعت حرارة بنت ريوف وحاولت تنزلها بأي طريقة .. اعطتها مخفض حرارة ما نفع حممتها


ما نزلت واعطتها تحاميل برضه مافيه فايدة واتصلت تستنجد بريمية اللي كانت بسابع نوومة .. وما ردت عليها

اتصلت على راشد وجاها طيران واخذوا البنت للمستشفى اللي قرر ان معاها التهاب رئووي حاد ولازم تتنوم بالمستشفى


اقل شي يومين او ثلاث ايام لما تنزل حرارتهاا ..

يوم جات اربعة العصر .. قامت ريمية وهي تفرك عيونها تعبانة من كثر النوم خخخخخخخخخ


وناظرت جوالها الا لقت 15 مكالمة .. اندهشت وتوسعت عيونها .. ويوم فتحت الجوال لقت ريوف متصلة 12 مررة


واختها صيته 2 مرتين وال15 رقم غريب ..

بسررعة ضغطت زر اعادة الاتصاال وقلبها يرجف .. الووو ريوف وش فيه ؟ صار شي ؟


ردت عليها ريووف وهي تبكي :

ايوهـ جنان بنتي منومة معاها التهاب رئووي حاد وجلست تبكي .. تكفين ياريمية تعالي انا محتاجتك لا تتركيني ..

خمت ريمية عباتها ونقابها وبسررعة راحت لابوها تترجاهـ يخلي واحد من العيال يوصلها للمستشفى ويوم درى الوالد


ان بنت ريوف منومة اصر الا هو يرروح حتى يتطمن على جنان بنفسه ..


من شافت ريوف ريمية جلسوا يضموون بعض ويبكوون وبكى بالاخير انتبهت ريمية لنفسها ووقفت :

ريووف وش بك ليش تسوين كذا ؟ هذوول هم الصغار يمرضون ويتشافوون وبعدهـ يمرضوون عادي

اذا كل مررة تتعب بنتك وتدخل المستشفى وتجلسين تبكين بتنشف دمووعك .. وبكذا اذا تزوجت ما يبقى دمووع حتى


تصيحين علي .. وجلسووا يضحكوون مع بعض وانتهت الزيارة .. وراحت ريمية للبيت


اليوم الثاني اتصلت ريمية على ريووف وما ردت عليها .. كررت الاتصاال بعد ما ردت .. قلقت ريمية عليها وعلى جنوو


وطيران البسي عباتك ومع اخوها وع المستشفى ..


مدام ..


لو سمحتي انا آنسة مو مداام سمعتي ..

تيب تيب آنسة مافيه زيارة الهين .. رووهـ بيت وبئد نص ساعة كووم ..


ردت ريمية ع النيرس اللي كانت تتكلم بلغة عربية مكسررة .. نو وي , آي ووونت توك ماي فريند .. ماراح اطلع ولا انتظر


الزيارة ابي اشووف ريوف وبنتها سمعتي .. وجلست ريمية تبكي .. وعدى دكتور وهو يسمع بكى وصراخ ريمية ع النيرس


بفضوول : نيرس نيكوول .. وش قاعد يصير ؟ ومين هذي ؟


ردت نيكوول : دكتور شي از فيرند مدام ريووف .. مافيه يسمع كلام .. يبغى يشووف فريند ..ايش اسوي دكتور حمود ؟

لفت ريمية ع الدكتور وجلست تترجاهـ بدون ما تحس بنفسها :

تكفى ياحمود ( نست نفسها تمون الاخت ) ههههه بس اشوفها بس اتطمن عليها والله لو يصير لها والا لبنتها شي غير امووت الله يخليك .. وتبكي ريمية

وتبكي ويوم جلست تشاهق .. خلاص خلصت دموعها ..
قال للنيرس : خلاص خليها ترووح والي يسألك قولي له :

دكتور حمود سمح لها تدخل لانها بنت خالته !!

رنت كلمة بنت خالته باذن ريمية بس عدت وطيران ماصدقت انه واافق .. واي احد يوقفها ويسالها كيف دخلت ترد عليه


بكل ثقة : انا بنت خال الدكتور حمود .. ومرة تصير بنت عمه .. وياكثر ما ضيعت وش تقرب له .. غير النيرس تذكرها


وتمشي بسررعه وتمشي اسررررع وترددت تدخل الغرفة خايفة يكون صاير شي لهم .. وقررت الا تدخل وبقوتها فكت


الباب الا وجهها بوجه رااشد اللي تنح وهو يناظرهاا .. وهي انصدمت بتواجدهـ .. وما توقعت ابداً بيوم يصير لها



هالمووقف ..
وبعدته بيدها وجلست تناظر الغرفة وتدور وتصارخ ريووف .. جنووو .. وينهم ؟ وش

صار ؟ وين البنات ؟

وكان راشد لازال متنح بالجمال الرباني غير مصطنع وجاذبية رغم العيون الحمرا المنتفخة والتعب الواضح ..
صرخة ريمية صحت راشد من السرحان اللي هو فيه : انت ما تسمع !! ماتفهم ؟ وينهم وش صاار ؟

رد راشد : انتِ ريمية صح ؟؟


نــــــــكــــــــــــــــــمـــــــــــــــــــــــل لاحــــــــــــقـــــــــــــــــــــــــــاً ...

صرخت ريمية :

لا غبرية مو ريمية وين ريووف وجنوو ؟ ولفت وجهها وتغطت مضبووط واعطته ظهرهاا



ما تكلم راشد وبقى صامت ..



طلعت ريمية على طوول من الباب وظلت واقفة ع الباب وهي تبكي ماهي قادرة تتكلم حست ان ريوف وبنتها بخير


بس ماتدري وش صار لهم بالضبط !!


شووي الا جايه النيرس وتدف وحدة بالكرسي المتحرك ناظرت ريمية ما تشوف الحرمة لانها متغطية بس يوم تأكدت


لقتها داخلة غرفة ريوف ..


وقفت ع الباب الا راشد طلع وأشر لها بيدهـ ادخلي ..


دخلت ريمية وشافت ريووف وهي يادووب تقوم من الكرسي وبمساعدة النيرس وما تكلمت لحد ما خلصت ونامت


ع السرير .. ناظرت ريوف الا شافت ريمية واقفة ع الباب ودموعها على وجههاوما قدرت تتكلم


ناظرتها ريوف وهي تمسك دموعها : تعالي ريمية ترى انا بخير مافيني شي وجلست تبكي ..ريمية ماقدرت تتحمل


وراحت ركض وتضمها ويجلسوون يبكوون وعرفت ان ريوف اسلبت !!


طيب وايش السبب ؟


ردت ريوف : والله مدري كنت نايمة وجننو جنبي ويوم صحيت اليوم الا المكان .... وضغطت زر الطواريء ويوم


شافتني النيررس عرفت وع طول عملوا لي تناظيف ويوم شافوني تحسنت رجعوني للغرفة عند بنتي


بس بنتك ماهي هنا يا ريوف وين جنوو ؟ قالت الحين ابوها يجيبها لاني يوم رحت للقسم النسائي ما قدرت اتركها


هنا لحالها وماراح ينومون ابوها معاها جاء واخذها ونوموها بقسم الطواريء وراشد كان هنا بياخذ لها شوية اغراض


لان حليبها وشنطتها هنا ..


جلسووا شوي مع بعض الا ام ريوف واخواتها جايين وتطمنوا على ريووف وعلى جنوو اللي جابها ابوها من قسم الطواريء


المهم مر اسبووع يمكن ورجعت ريوف لبيت اهلها ومر كل شي عاادي ماعدا راشد اللي كان راسه مليان وماهو قادر


ينسى منظر ريمية ..


قربت الدراسة وجهزت ريووف نفسها ماباقي الا يومين وتساافر ومرتها ريمية العصر هي وامها وسوواليف وضحك


شووي نطت صيته : اقول انتم ياحلووين دامكم مو قادرين ع البعد خلاص ياريووف زوجي ريمية راشد وافتكي !!


قالت ريووف : والله فكرة ياريمية وش رايك ؟


انتي بلا استهباال وش الحكي اللي تقولينه صاحية انتي ؟


لا مجنونة ابيك تكونين جنبي ع اقل اسفر الشغالة بدال ما ادفع وحظي ياشين يازين مع الشغالات اذا جيتي عندي ارتاح



ضحكت ريمية : يا ربي يا نجاسة الحريم .. ان اخذت رجلك والله لو تموتين ما اهتميت بك ولا ببنتك هذا اللي باقي بعد


ضحكووا وعدت الايام وسافرت ريووف


وهم مسافرين علمت راشد بالسالفة بضحك ومززح ..


ناظرها راشد : وليش تقولين انه مززح ؟

ريوف كملت استهباال : تخيل عاد انا وريمية ببيت واحد وناسة والله ..


راشد : شووفي ياريووف احسن شي الصديقات مع بعض ويحبون بعض والرجال متزوج متزوج فاحسن شي تكون


الحرمة الثانية من اختيار الاولى وش رايك ؟


ريوف نغزها قلبها : اقول راشد ما لقيت غير ريمية مستحيل توافق فيك ..!!


وليش ما توافق تحمد ربها وبعدين هي عانس ليش ما وصلت الثلاثين ؟


ريووف حست ان الموضووع جدي مررة : راشد انسى السالفة ..


اقولك انا اتكلم جد انا واحد يبغى الادمية هذي حلال والا حررام فهمتي ..


انتي حبيبتي وعمري وحياتي كلها وحبي الاول والاخير بس لي خاطر بالبنت هذي واعجبتني وخلي الخطبة تجي من


طرفك انتي احسن والا انا خاطب خاطب ..


دمعت عيون ريوف بدون ما يحس راشد وحست انها بين نارين وما ردت


كمل كلامه : ولك اذا رضيتيها عشر الاف رياال .. وحقك على عيني وراسي ولك اللي تبينه ..

ردت ريوف : وعد لاكلمها لك بس اذا رفضت مالي شغل ..

اتفقنا بس لا تزعلين ياعمرري ياقلبي ..

( هذول الرجال اذا الواحد بغى شيء يتمسكن لين يتمكن )


وصلوا بيتهم على خيرر وقلب ريوف يغلي من جوا وماهي عارفة وش تسوي ..

جاب راشد العشاء وتعشووا بس ريوف كانت نفسها مسدودة ومالها خاطر بالاكل ابد


بدت عودة المعلمات وكانت ريوف متغيرة مررة مع التعب والاجهاض زادها هم بكلامه


ريوف تثق بوحدة من المعلمات حرمة كبيررة وعندها عيال واحفااد وكلمتها تمشي ع الكل بالمدرسو ولها احترام وتقدير


مسكتها ريوف وعلمتها بكل شيء ..

الان سمعتي كل شيء يا ابله : ماجدة .. ابيك تنوريني ارشديني وش اسووي ؟


ردت ابله ماجدة : انتي حاسة انه يبغى يتزوج والا بس كلام ونساهـ ؟

لا والله الرجال مرة متغير بس ع النت وبس يفكر وسرحان واللي قاهرني انه طفران ماعنده شي ماني عارفة شلون يبي


يتزووج ؟


ابله ماجدة : ماعليك الرجال اذا جاء يبي يتزوج الفلوووس تنهل عليه بس انتي وش رايك ؟

ماني عارفة احس اني مشتته ماني قادرة افكرر


طيب وزميلتك هذي .. قاطعتها ريوف : هذي ماهي زميلة هذي صديقة الطفوولة وعمري وحياتي


ابله ماجدة : طيب هي تدري عن شعوور زوجك ؟

لا ما اعتقد لانها ماعمرها جابت سيرة راشد لا بخير ولا بشرر ومستحيل ريمية تخوونني لو بالتفكير مستحيل

ابله ماجدة : دامك عارفة انها ماراح توافق جاملي زوجك وخليه يتفشل واخطبيها له واكسبي العشرة ع الاقل


ضحكوا مع بعض وقررت ريوف اليوم ع المسن تتكلم مع ريمية وتبلغها وتشووف وش ردة فعلهاا ..


بعد المغرب طلع راشد وصارت ريوف فاضية وشبكت النت لقت ريمية شابكة ..


بعد السلام والسؤاال كتبت ريووف : ريمية بقولك على شي على خبر بس ابيك تسمعيني زين وتفتحين مخك اوكي


ردت ريمية : قبل لا تكتبين اي شيء انا بقولك على خبر خطيررررررررر ويخليك تموتين ضحك


ريووف : خير ريمية وش فيه ؟


تخيلي ياريووف تعرفين صاحب البقالة اللي ورى البيت ؟


ايه وش فيه ؟


جانا اليوم يخطبني هههههههههههههههه


يخطبك انتي وله هوو !!

اووما يخطبني له صاحية انتي هذا كبر جدي حرام عليك ..

طيب يخطبك لمين ..؟؟

يخطبني لولدهـ حمود تخيلي هههههههههههه يا بطني تخيلي حمود اللي حتى متوسطة ما معه وووع مدري يمكن لاني عانس وكبرت قالوا اكيد تووافق



طيب وانتي وش عندك ريووف ؟ وش الخبرية اللي عندك !!


اهاا لا ولا شي سالفة عادية بعدين اقولك عنهاا ..


لا الحين بتكتبينها لها ليش بعدين ؟؟


جاها كلام راشد من ورى ظهرها كالصاعقة وتفاجئت : راشد ليش رجعت ؟


نسيت جوالي ورجعت على كلامك انتي وريمية ليش ما قلتي لها اني ابيها على سنة الله ورسووله ؟

ما قلت لك ؟

ايش خيرر !!

ريمية انخطبت ويمكن راح تكتب كتابها هاليومين


راشد مو مصدق : مالنا اسبووع جايين من عندهم وبالسرعه هذي خطووبة وكتب كتاب ؟


ايه لان الولد يعرفهم ويعرفوونه ماله داعي المماطلة ولا شووفة ولا غيرهـ ..


كانت ريوف تتكلم وهي من داخل تغلي تبي تموت قهر بس ماتدري وش تسووي وكتمتها بقلبهاا وطبقت البيت اللي يقول :


إن حكينا ندمنا .. وإن سكتنا قهرر


ناظرها راشد بنظرة خبث وقهر وحس انها تكذب بس تبي تسكته .. وطلع


بعد نص ساعة من الفرفررة بالمنتديات ومرت ع المنتدى اللي ريمية مشرفة فيه لقتها غير متواجدة رغم انها بالعادة هالوقت تكون متواجدة


مسكت الجووال ورجعت رمته ومسكته وترددت تبي تتصل بس ماقدرت تبي بس تسمع صوت ريمية الا :



الغلا كله ... يتصل بك


بسرعة بدون ما تحس ردت هلا ريمية ..


جاها صووت ريمية من بعيد وفيه بحه .. وما تسمع غير كلام ماهي قادرة تفهمه ..

ريمية اهدي وقوولي لي وش صاار وش فيكي ؟


ليش تسوين فيني كذا ؟ هذا ثمن حبنا وصداقتنا ؟ خلاص بالبساطة هذي تبين تنهين اللي بيننا ؟


ريووف قالتها ريمية باعلى صوتها : انا اكرهك اكرهك قد ما حبيتك اكرهك ؟ اكرهك يا خاينة يا غبية يا ........... وقفلت ريمية


بوسط دهشة ريوف اللي ما تدري عن السالفة والا ايش اللي حصل وبوسط ذهوولها اتصلت اختها صيته


ريوف بس ضغطت الزر الاخضر ما قدرت تتكلم انصدمت ماهي عارفة وش تسووي وردها على صيته كان من زحمة افكارها ومن الصدمة



ريووف ردي علي فيكي شيء ؟ خليكي معي ردي بس قوولي ايوهـ او لأ ؟؟ ريووف


ما ردت ريوف قفلت وهي ماتدري وش قاعد يصير بعد خمس دقايق جاها مسج


( ريوف هذا نتيجة تسرعك وغبائك وعدم تفكيرك الآن تحملي نتيجة افكارك الغبية ) .. صيته


برضه ريوف ماهي فاهمة شي .. اتصلت على صيته بس بدون ما تتكلم وكانت بس حاطه السماعه على اذنها وصامته


ريووف تكلمي انتي بخير والا تبين اخلي بنت خالتي خلود تمرك مع سواقها تروحين عندهم البيت لما تروقين


ريووف .. ريووف


شوي الا الباب يدق ويوم فكت الشغالة الباب دخلت خلود وامها ( خالة ريوف ) ام سلطان عليها وهي جالسة بمكانها ماتدري وش اللي


صار وايش اللي قاعد يصير


يالله يابنتي قومي معي اجلسي لك يومين وارتاحي وبعدين ارجعي اذا حسيتي انك روقتي ..


خالة ام سلطان !!


آمري يابعد خالتك وش تبين ؟



ترى انا الى الآن ماني فاهمة ولا مستووعبة وش قاعد يصيرر ممكن تفهميني ؟


ناظرت ام سلطان بنتها خلوود مثل اللي تلمح لها ان الحرمة صابها شيء ..


ولا شي ياحبيبتي .. ازمة وتعدي ان شاء الله


خلود : ريووف لا تخلين هالصدمة تكسر لك ظهرك والضربة اللي ما تكسر ظهرك تقويه شدي حيلك وانتي اكبر منهم كلهم


وعليك وعلى اعدائك ..


باللحظة هذي بس انفجرت ريووف وقامت تصارخ وتكسر اللي قدامها اللي بالمكتبة من تحف ومناظر وصوور لبنتها :


يا نااس فهمووني وش اللي قاعد يصيرر حرام عليكم انا ماني فاهمة ترى كسرتووا قلبي والله مو قادرة اتحمل انا ماني قووية انا ضعيفة


انا بشر من دم ولحم ابي افهم ابي اعرف تعزووني والا تهنووني وش صاير تكفين ياخالة ( وتبوس يد خالتها ) تكفين فهميني وش


صار !!

ريووف قامت تجر اذيال الخيبة والعجز والقهر وماهي عارفة ايش تسوي ولملمت شتات نفسها وكبريائها اللي تحطم



خالة ام سلطان هذا بيتي وما ارح اطلع منه .. نوور ( اسم الشغالة ) سووي لنا قهوة وشاي وحطي من الحلا اللي سويته اليوم العصر


وقامت ريوف تلم الاغراض المكسرة ع الارض ..


خلود وامها ماهم مستوعبين شكل ريوف اللي انقلب ..


ريوف الحين نقولك امشي معنا تقولين للشغالة هاتي القهوة ؟


وايش تبيني اسوي يا خلوود اشق جيبي واصرخ كل الحريم رجالهم تزوجوا عليهم وانا احسن من امي ؟ ماني احسن من خالة ام سلطان


اللي مثالية بكل شيء وبالاخير ابوك تزوج عليها وحدة الحمد لله والشكر !!


اقول انسووا اللي شفتووهـ .. كانت ريوف تقول كذا وهي بداخلها تردد :


محتاج قلبي لحبّ يضمّه .. مثل ضمّة طفل بحنان أمه.. حبّ يجمع شتاتي ويلمّه..


جابت نور القهوة والحلى وتقهووا وقامت ريوف تسوولف وترجع لطبيعتها استغربت خلود ان الجوال ابد ما دق

على ريووف وشوي الا جوال خلود يدق طلعت بنت خالتها صيته : الو
صيته: فيكم شي ؟

لا بس ادق على جوال ريوف مقفل وينكم انتم مشيتووا والا باقي عندها ؟

لا عندها بس رافضة تطلع من البيت واشياء كثيرة اقولك عليها لا طلعنا يالله باي مابيها تنتبه لي

باااي وقفلت صيته


وجلست ام سلطان تترجى بريووف تمشي معاها بس رفضت تطلع من بيتهاا ودعتها خالتها وبنتها ووعدوها بكرة يمرون يتطمنون عليها

مسكت ريوف الجوال واتصلت على ريمية اللي كان جوالها مقفل واتصلت ع الثابت وردت ام ريمية

مساء الخير يا خالة ..

مساء الانوار .. مين ؟

افاا ياخالتي ماعرفتي صووتي ؟

هلا وغلا بالصووت الا عرفته الحين شلونك يمه وش اخبارك ؟

بخير خالتي بس اتصل على ريمية جوالها مقفل وش فيهاا ؟

من درت عن الخبر يا ريووف وهي بس تصيح وقفلت على نفسها بالغرفة وماهي راضية تطلع

طيب خويلتي الله يعافيك وصليها الثابت لين الغرفة بس لا تقولين ريوف اتصلت قولي لها أمل الحجازي اتصلت

طيب يابنتي تامرين أمر ..

ايه يا امي تبين شي ؟

مدري وحدة تقول اسمها امل الحجازي تبيك ع الثابت قلقت لان جوالك مقفل وتبي تكلمك تتطمن عليك

اخذت ريمية الثابت ودخلت غرفتها .. الو

يا ويلك لو تقفلين الخط سمعتي اقسم بالله آخر مابيني وبينك تفهمين والا .. لاااا ؟

ريمية ساكته ما علقت ..

ترى ريمية ماني دارية عن السالفة كلها لو ما قالت لي خالة ام سلطان لان امي علمتهاا ..

وحكت ريوف لريمية السالفة من يوم كانوا يتكلموون ع المسن لين ما دخل راشد عليهم ..

اسمعي يا ريوف انا انصدمت يوم كلمني عمي عادل وقالي ان راشد بس يبي الاوكي مني والا الموضووع خالص


ناحيتك وانك موافقة وماعندك مشكلة انا انصدمت حسيت الدنيا ولا شي


ريمية راشد عل قلبي كل شووي شوفيها كلميها وانا كنت عاارفة انك ما راح توافقين عليه ابداً وقلت الكلام له

بس ما كان مقتنع ويوم دخل علي وقال الا تكلمينها قلت له انك انخطبتي وراح ينكتب كتابك بعد يومين

جاها صووت ريمية : وهذا اللي راح يصير

استغربت ريووف : وش قصدك ؟

راح اووافق على حمود ولد جيراننا بس ماراح ابيع صداقتنا بواحد مثل راشد مستحيل


ريمية انتي انجنيتي تبيعين مستقبلك عشااني تهدمين حياتك عشاني ؟ مستحيل اسمح لك تسووين كذا ومين حمود !!


ولد عم ابو كماال راعي البقالة ؟ لا اكيد مضرروبة بمخك انتي !!

ايه بكوون مضرروبة ان وافقت على رجلك مستحيل لو اجلس طوول عمري عانس والا مشتته والا ايش ما اسمي


نفسي بس راشد مستحيل


وجلسووا مع بعض حدود نص ساعة كانت ريوف تحاول بريمية بس محاولاتها باءت بالفشل

اليوم الثاني ع الغداء عائلة ريمية تغدووا وشالوا السفرة وجابت ريمية الشاي لاهلها ابوها وامها واخوانها

مجتمعين .. هو بالعادة مو كلهم يتجمعوون لان خالد دايم نايم او داج واليوم جاء يتغدى لانه محتاج فلووس

ولازم يرضي الوالدة حتى يسحب منها اللي يبيه


يبه .. يمه ..

استغربووا صوت ريمية وكلهم لفووا عليهاا ..

انا خلاص وافقت على حمود ولد ابو كماال ووأدت دمعة كانت تبي تنزل من عيوونها وكتمت الصيحة بداخلها ..

صحاها ضحكت خالد ومحمد : خخخخخخخخخخخخخخخخخخخخخخخخخخخ


ههههههههههههههههههههههههههههههههه



ووووووووووووووووووووووووووووووووووووووااااااااااااااااا


يا بطني .. يا رجلي خخخخخخخخخخخخخخخخ بعدوا عني ماني قادر اتحمل خخخخخخخخخخخخخ ههههههه


وقام خالد ومحمد باقي قاعد يضحك ووووهههههههوووخخخخخ حمود ياخذ ريمية ههههههه


بالاخير جلست ريمية تضحك هع هع هع قاعدة اتكلم جد

كلمتها كانت قوية وصوتها جدي مافيه مزح

لف ابوها عليها : وانا ابوك محد بالدنيا يقدر يجبرك تتزوجين اي احد وشدد على كلمة أحد وانا حي

قامت باست راس ابووها : الله لا يحرمني منك يا ارووع اب بالدنيا بس انا موافقة وماعندي مانع وياليت تعطيهم


الموافقة اليووم ..


لا منتي صاحية مجنونة انتي ؟

مجنونة اذا بقعد اكثر من كذا انا كبرت دخلت الثلاثين عارفة وش معنى الثلاثين ؟ اللي اصغر مني واللي كبري


عيالهم بالمدارس وانا مقابلة امي وابووي خليني اوافق يمكن ربي يرزقني بولد والا بنت على اخر عمري


لا منتي صاحية وش كبيرة وعيال ومدارس !! لا انجنيتي اقول وافقي على راشد ابرك لك اقل شي رجال وعارف


قيمة نفسه وريوف تزعل يوم يومين وترضى مو تروحين ترمين نفسك الرمية هذي .. مافيه عاقلة تسووي كذا

انا وافقت وانتهى الامر ..

مو على كيفك تفهمين !!

بالله ياعم عادل على كيف مين قولي ؟ كيفك انتي الا تبيني اوافق على راشد يعني عشان صاحبك وماتبي ترد له


طلب ؟ والا قالك اذا وافقت باعطيك عشرة الاف !! لا شكله رفع المبلغ وخلاهـ اربعين والا عشرين يمكن ؟

رفع عمها يدهـ كان ناوي يصطرها كف يبرد اللي بقلبه وطلع بعد ما جاته كلمات ريمية تهد الحيل :

اضرب يا عمي اضرب ولا تتردد استاهل انا الضرب واللعن وكل شي ومين انا مجرد عانس غبية تبي تاخذ واحد

اغبى منها .. مين انا ياعمي ؟ انا ريمية دلوعة ابوها الحين بتصير ولا شي ... ؟؟

طلع عمها وهو مقهوور وما يدري وش يسووي ..

وش تبيني اسووي ؟

اسمع ياعادل بسوي المستحيل وباتزوجها فهمت والا .. لااا ؟ وياليتك توصل لها الكلام هذا


ريوف طبعاً زعلانة على زوجها وما تكلمه الشغالة صارت المرسول بينهم هاتي ودي خذي ونور اللي تورطت


عاد نوور عصبية وشكلها بوادي واسمها بووادي .. واذا عقدت الحجاج صارت يا كاافي ما تناظرين بخشتها


ضحكت ابله ماجدة وهي تسمع وصف نوور شغالة صاحبتها ..

طيب وبعدين وآخرتها ؟

خليه كذا انا ماني خسرانة شي كل يوم خالتي وبناتها عندي او انا عندهم .. نطلع اسواق نتمشى وملاهي ومنتزهات


وزوجك ؟

راشد ؟ خليه كذا لما يطيح اللي براسه واحد غبي وحط براسه فكرة يتحمل نتيجة افكارهـ !!

ريمية طالعه مررة قمرر ..

جاتها كلمات اخت حموود لطيفة .. وريمية تبي تقووم تصفقها .. لطيفة طبعا للي ما يعرفها وحدة عمرها بالثلاثينات


يعني 35 تقريباً متزوجة وعندها عياال بس فيها شوية حووول ..

ريمية ترد بدون نفس : عارفة

يالله لو يشوفها خالي يمه بيمووت من الزين والجماال ..

اووف على ليلي اللي ماراح يخلص

انقذتها صيته وبنات خالها يوم دخلووا عليها ..

تعالوا ابي اشاوركم بشي يا بناات بس انتم خليكم هنا لاني بقفل الباب باوريكم شي ..

حست لطيفة ان الكلام موجه لهاا ولبنتها : ضحكت ونادت بنتها وطلعووا


ووواااووو يا ريمية فستانك مررة حلوو وشكلك مرتب وهاادي ..

ردت وحدة من البنات : بس ما يوحي ابداً انك عرووس ..!!

ردت ريمية : عرووس بقمة أحزااني خلوها على ربي بس ..

سألوها البنات : كم مهر الشبكة ؟ وكم اعطوكِ ؟ ومن وين شريتي فستانك ؟ ومين الكوافيرة ؟ رحتي للمشغل

والا هي جاتك هنا البيت ؟


يمه منكم شووي شووي علي وش فيكم اكلتووني باجاوب بس بشوييش لا تدفوووون ..

اول شي الفستان مو جديد هذا حق زواج عمي عادل ..

عمك عادل ؟ والدهشة على وجيه البنات ..

ايه عمي عادل قبل اربع مدري خمس مدري ست سنين .. ههههههههههههههههههه وضحكت ريمية


مجنونة انتي ليش ما اعطوكِ مهر ؟

الا بس مابي اشتري شي والمهر بالدولاب ولا اخذت منه ولا فلس


والكوافيرة ؟


انا سويت شعري والميك اب اهم شي ما ا