راح اخش دوغري بالموضوع لاني ما اعرف للمقدمااات
انا من يوم ما تزوجت لي الحين سـنه ونصف اعااااني من ام زوجي داااااااااائما مشاكلها ما تخلص
ما خليت شيئ يرضيها ما سويته ولافاد معها اي شي اذا زعلت او صار بينها وبين زوجي خلاف رجعت علي انا تسبني وتسب في اهلي وترسل رسايل زي وجهها تلعن وتدعي علي لييييش!!! ما ادري وش اذنبت تقولي انتي ما ربتك امـك الحمد لله شوفي تربيت بناتي وتربيتكم الله يجعل عينك تطلع ومن ذا الكلام الماااااصخ وانا ما تكلمت ولا قلت لاهلي شي عشان امي تعباانه الله يشفيها ما ابغى اجرحها او تشيل في يوم همـي كفايه اللي فيها مرت مــــــــــــــــــــــــده يمكن ثلاثه شهور ما اكلمهم ولا يكلموني لما دخل شهر رمضان رحنا انا و زوجي نبارك لهم بالشهر الفضيل ونبي نفتح معاهم صفحه جديده تخيلوا تركتنا في المجلس ولا دخلت لا هي ولا بناتها بس دخل عمي ابو زوجي وقعديتفلسف علي سألته وين عمتي والبنات قال ما يبغون يشوفونكم 
عاد انا شلت نفسي ونزلت طبعا انا ساكنه في شقه تحتهم اللي قهرني ان سبب الخلاف تافه كنا طالعين جميع نتمشي وحصل خلاف بين زوجي ووحده من خواته بسبب الحجاب لان زوجي غيوووووووور مررره لازم حجاب كااامل بعدين قال لابوه يمزح يبه ليش ما تتزوج وعمتي تقول ايو الله تزوج خلها تساعدني فيك و ضحكنا وبس بعد يومين تذكرت الاخت السالفه او احد حرشها الله العالم وقامت علي وعلى زوجي ولدها بكيفها تخاصمه زي ما تبغى بس انا لا وش سويت المهم تصالحنا يوم العيد مو حبا فينا بس لانو شهري خلاص بولد تخاف احد يلاحظ علينا ومن يوم ما ولدت وهي متعلقه بولدي بشكل غيير طبيعي جلسنا 7 شهور حبااايب ثم انخطبت وحده من بناتها ورحت لجده خصيصا علشان اشتري لي فستان واخيييرا لقيت فستان عجبني مرررره ولما رجعنا سالوني بناتها وش لونه وانا على نياتي قلت لؤلؤي قامت تخاصم وتقول نيتكم خبيثه ليش تاخذون ذا اللون تبغين تقلدين بنتي العروس واكيييد بتحطين مكياجك زيها اجل وش خليتي للعروس وهذا مو كلامها بس انا عارفه انو البنات هم اللي دخلو الفكره الغبيه في راسها اللي يسمعها يقول اني مفصله شرعه انا والله تعبت معها وتخاصمت مع زوجي عشانها مللليت شوفو لي حل تتحكم فيني هي وبناتها و زوجي معطيني الضؤ الاخضر ارد عليها بس ع قوله باحترام وفي الاونه الاخيره صار يعايرني فيهم يقول انهم يتحكمون فيك ويهينونك وانتي ضعيفه مو قاده تردعينهم بس انا اخاف منها والله اخاف منها تخوف وترفع صوتها وتهدد والله اذا شفت رقمها اذا اتصلت تصير عظامي ترررجف ما ادري ليش ياما وياما جاني منهاحسبي الله ونعم الوكيل
ارجوكم انصحوني وش الحل وش اسوي...