يعني المتزوجات والموظفات مرتاحات ؟!
ياختي لاتفكرين بهذه الطريقة ليش ماعندي وليش ماتزوجت
طوري نفسك واشغلي نفسك بالدراسة بالدورات بالرياضة


وكثررررري استغفار
وترا مافي شيء اسمه حظ في طموح والله حتى لو انتي بالبيت بين اربع جدران تقدرين تطورين نفسك وهذا النت عندك عالم ثاني
مووووووفقة

لاتفكرين بردود بعض الأخوات شوفي خطابه واحقني وانفخي هههههههه
شدعوا مو هالدرجة ترا الزواج مو حل ولا الحقن والنفخ
الحل بذااااااتك انتي فكري بعقلك وشوفي النعم اللي عندك وماعليك من كلام ونظرات الناس
عيشي حياتك وانا لك ناصحة

الله يرزقك عليك بالدعاء والاستغفار والصدقه والله مريم

كريم

يا قلبي التساؤلات اللي تجيك ما أحد فينا سلم منها
لو ترخين أذنك للناس وفكرتي فيهم وشغلتي بالك ب اللي قالوه ماراح تسعدين ولا ترتاحين بحياتك
ما فينا نغير المجتمع
فيهم اللي يسأل حباً بالشخص
وفيهم اللي يسأل لقافه
وفيهم اللي يسأل يملي الوقت بالسوالف الفضوليه
وفيهم اللي قصده يغثك
بكل الحالات لا تشغلين بالك بكلامهم وإيحائاتهم السلبيه
ماحصلتي وظيفه نص بنات البلد ماهم لاقين وظيفه تليق فيهم
مشكلتك مو خاصه فيك الكل يعاني
والزواج مابعد جاك نصيبك
أدعي ربك بالسخره والسعاده والرزق الوفير
واسعي بحياتك سوي أي شيء تحبينه
سجلي معهد لغات
روحي للتحفيظ كثير بنات يستغلون فراغهم بالتحفيظ والله ينبسطون وتتوسع دائرة معارفهم
ترا كسب معارف وصداقات جديده تجدد من نشاطنا وترفع معنوياتنا وتزيد راحتنا النفسيه
روحي وسجلي بنادي رياض
أملي وقتك بشيء مفيد ويرجع عليك بالفايده
حاولي تكوني متقبله لكلام المجتمع طالما ما وصل مرحلة للتجريح
اسمعي من أذن وطلعي من الأذن الثانيه
لا أنتي عايشه من خيرهم ولا أنتي قاعده فوق روسهم عشان تعطين كلامهم أهميه
الله يديم عز أهلك ويخليهم لك
والناس اللي تتجنبك مع ألف سلامه
بالنهايه الناس معادن فيهم الطيب وفيهم الردي
كلنا معرضين لكل شيء
أهم شيء أنتي لا تهتز ثقتك بربك خليك واثقه الرزق والزواج بيد الله قبل كل مخلوق
الله يوفقك ويرزقك بالسعاده التامه