مالي شهرين متزوجه ويقول اخطبيلي (شخصيته جنوبيه)

السلام عليكم حوائيات

كيف حالكم رجعت لكم بعد ماتزوجت .. لي موضوع قبل عن رائحه الانف وخوفي انها تأثر على زواجي ولله الحمد والفضل والمنه ابشركم الامور طيبه وماأثرت على حياتي بأي شي بالعكس عايشه بكل راحه مع زوجي..

الا موضوع واحد منغصني فيه ليل نهار يزن فوق راسي .. طبعا زوجي حنوبي حنووون جدا روووناااانسي جدا عااااطفي جدا حساااااس جدااا ينجرح من اي كلمه وزعول دايما ودقييييق لأبعد حد .. اكتشفت انه من النوع اللي يفصص الحريم يعني اي حرمه بالسوق يعرف حدود عمرها وشكلها وشخصيتها حتى لو متغطيه مدري شلون من النوع اللي يهتم لهن .. الحمدالله مابينه وبين الحريم اي علاقه ابدا يخاف الله وملتزم .. لكن يقول من نظره واحده آخذ صوره لها وتترسخ في بالي يقول غصب عني .. يعني بالحيييل يميل للنساء وهو يقول من قبل لايتزوج انا وحاط في بالي ثانيه وثالثه وحده ماتكفيني ....يقول ساعديني عشان مااطيح بالحرام انا موقادر اصبر..وانا يشهد الله مغرررقته بالحب وبالحيييل معاه بالعلاقه وانسجم معاه واشبعه من هالناحيه وجريئه بهالشي لأني اعرف الجنوبيين يموووتون بهالشي .. لكن إلى الآن يكرر علي كلمه انتي انسانه جافه انا ابي انسانه عاطفيه ويشهد الله اغليج واحبج ولاارضى عليج ولاعلى زعلج عشان كذا ابي الثانيه من اختيارك وبعطيك مهله سنه عشان تخطبيلي وابي الثانيه برضاك
واليوم كنت مخبيه له مفاجأه حلوه بس جا وناقشني بالثانيه ويحاول يقنعني فيها طبعا كنسلت كل شي ورميت اللي جهزته له

انا مريت بظروف الله العالم فيها خلتني انانيه بكل شي وانطوائيه وهمي نفسي بس وهو بعد العرس كان يتشكى من شخصيتي اللي ماتعجبه التالي الحمدالله تغيرت معاه وهو قال تغيرتي وصرتي احسن لكن لازال حاط في باله الثانيه


شلوووون اصير عاطفيه معاه ورومانسيه بزياده وشلون املي عينه والله انجرحت بمافيه الكفايه عروس مالي شهرين ماتهنيت من هالموضوع اللي يقلقني

وانا لاحظت كلما غرقته بالحب كلما زاد شوق للثانيه ... وشالحل معاه؟ هو طيب وحنون وكريم ولايقصر علي بشي وملتزم لكن مترسخ في باله الثانيه انا تعبت .. وشالحل؟