مالي غيركم أشكيلكم بعد الله

بنات لحقوني وربي كأني أشوف الموت بعيوني خلاص حاسه نفسي بأنفجر من الألم حاسه بطني بتنفجر من جهة المبايض انواع الانفجارات حاسه فيها دايم اخذ منشطات بس مايسيرلي كذا بس يمكن عشان تركت المنشطات ورجعت اخذتها والله اني تعبت يوم بالبيت ويوم بالمستشفى واقعد أسال نفسي ياترى بعد كل هالعذاب بيجيني الولد بار فيني وبأبوه تجيني لحظات اقول خلاص ماني ماخذه شي وامسك كيس الادويه وخلاص بأرميه بالزباله وارجع اتراجع واقول هانت بس لما يزيد معي الالم اقول ليش اسوي بنفسي كذا حتى اني اقول خلاص بكيفه حتى لو زوجي طلعت عينه بره ماهمني وأدري مايسويها.
كل شهر تجيني لحظات تفاؤل بس لما تجيني الدوره ربي ينزل علي قوه ميب طبيعيه ولا أزعل ابدا وهذا الشهر كلكم عارفين اني وقفت العلاج بالنص عشان ظهري ورجعت اختها لما الدكتور نصحني بس مو قادره اتحمل بالذات الابره الي تحت الجلد (السوبر فاكت) مسببتلي غثيان ودوخه ميب طبيعيه :09: والنوم ماذوق طعمه من الالم واقول بنفسي مستعده اتحمل كل ذا بس مابي اتطم بالنتيجه ادري انه ابتلاء واختبار من رب العالمين لاختبار قوة تحملنا بس مادري ليش احس هذا الشهر لو جاتني الدوره بأنهار واسأل الله الثبات ودي اكون قويه يومها بس خايفه خايفه تفشل العمليه الي اتقررت بيوم وليله من غير تخطيط واقول بنفسي يمكن خيره كل الس سار فيني هالشهر ويكون مكتوبلي احمل هالشهر:(

اخ خ خ يابنات مهما اوصف الالم ماراح تتخيلونه والله اني اكتب وانا ماسكه بطني بقوه وحاسه كأن جبل راح يطيح مني بأي لحظه واذا قمت او قعدت احس مثل المويه الله يكرمكم تنزل مني ولا هي افرازات بس مثل المويه وكل قومه وقعده ينزل

يارب ارحمني:(