السلام عليكم خواتي حوائيات
كيفكم ان شالله الكل بأحسن حال
اناراح ادخل بمشكلتي وماابي منكم الاالنصح اوالدعاء لي
انامتزوجه من 3 طبعاشهرين عندزوجي والشهرالثالث عنداهلي
زوجي اكبرمني ب10 سنوات وانا23 كنت اظن اني راح اتزوج شخص فاهم وغايته الاستقرار وراحة البال
لكن طلع العكس طلع تفكير مراهق لحين يعيش عزوبيته وماهدم حياتي ونغصها علي الا اخويااه وشلته الي يجالسهم
حسبي الله عليهم ونعم الوكيل والله ندمت ندمت اني تزوجت قبل كنت حياتي احلى مايكون الحين وربي كارهه حتى نفسي بمجردالتفكيربيوم زواجي اوايامي معه ابكي بحرقه
هويحبني ومومقصرعلي بشي وسفرني شهرعسل وعشت معه ايام حلوه لكن !!!مشكلتي مع اخوياه هم اللي ماعندهم احساس اواي احترام الواحد منهم يدق عليه بأخرالليل واذا طنشه ماردعليه يرسل رساله( تراني واقف عند الباب )وش هالحقاره وقلة الذوق وفوق كذا اكتشفت انه يستخدم حبوب كبتاجون والسبب؟؟***********
هويفتكرني بزر على وجهي مادري وش السالفه وراح اسكت اناتعبت نفسيا وطلعت من البيت وسافرت لأهلي
اكمل دراستي احسن من مقابل وجهه وماتركني راح يكلم اهله اني اردعليه ويكلمني صاريزعجني عالجوال
قلت انا ماراح ارجع وطلبت الطلاق هوجن جنونه وبعدهاقالي برساله انه راح يتزوج علي اسلوب تخويف
قلتله سواللي براسك وعساك عالقوه تزوج انامابي منك الا اطلقني وراحارجع لك كل شي اهم شي راحت بالي
هوراح كلم امه وقالهانهاطالبه الطلاق ؟مع انه وافق انه يطلقني بسراح يقول لأمه علشان تكلمني واتراجع عن الطلاق
هي كلمتني وقلتلهاانابصراحه انخدعت فيه اللي مثل عمره مايكون تفكيره تفكيرمراهق بعده ماتزوج .واناذا يبيني ارجع له يتكرك الشله الفاسده ويترك الكباتجون انابي رجال طبيعي اناموناقصه هي جلست تنصحني وتقول ان شالله بيتغير لاحسن
وراح تشوفين .,هوماعادصاريكلمني ولاحتى يرسل لانه ماعاديبيني اجيب طاري الطلاق
وقبل اسبوع استخرت ربي بالطلاق منه وحلمت حلم وفسره لي شيخ ثامرالعامر
اني راح يكون بيني وبين زوجي صلح وفرج قريب..
بس جدنفسيتي تعبانه واكابروابين اني سعيده لكن بداخلي علوووم الله العالم فيهاوتنومت بالمستشفى صلع عندي قولون عصبي وحالياادرس ومقبله على اختبارات اتمنى ان تصلح احوالي وان تيسر اموري واتوفق بدراستي واذا لي خيرمع هالرجال بتصلح اموري واذاكان لي معه شراله يبعده عني وارتاح منه
واعذروني يمكن يكون كلامي مومتناسق بس اهم شي اني كتبت لكم وفضفضت
ومابي منكم الانصيحه اودعووه بظهرالغيب.
sukra @sukra
عضوة نشيطة
يلزم عليك تسجيل الدخول أولًا لكتابة تعليق.
هلا بنت ابوي
•
الله يفرجها عليك ويكتبلك الخير باذن لله
الله يكون بعونك ويعطيك القوة ياختي انتم ليه ماسالتو عنه اول شي وثاني شي الاحسن اختي تكملي دارستك اهم شي والحمدالله ان ربي ماعطاك عيال لين انتي تفكرين صح وربي كلامك زينة العقل والحكمه ترى ماهو احرضك على النفصال بس اهتمي بادارستك زي ماقلت واذا الله كاتب بترجعين له ربي يكتبه بس خلي الطلاق اخر الحلول يمكن يتوب من الناس الفاسده ومن الحبوب ويرجع الى الله سبحانه اذا ارد شي يقول له كون فيكون ويارب يفرج همك ويسره
الصفحة الأخيرة