مالي غيركم عندي سؤال بخصوص الكلوميد بعد التمريخ والكي

حبيت استفسركم شوي بخصوص التمريخ والكي والكلوميد والله مالي غيركم اسأله
بصراحه انا صار لي اسبوع ما أقدر اجلس ولا اوقف وحتى النوم ما اتهنى فيه من الم ظهري و اليوم رحت عند ممرخه وقالت الالم اللي بظهري بسبب الرحم كان نازل والسبب لبس الكعب العالي وبعدها مرختني وبعدها كوتني وربطت بطني بقطعت قماش لمدة ثلاثة ايام واشرب ملعقة نشاء مع كوب ماء بارد
وطبعا الدوره كانت موعدها اليوم وبعد التمريخ رجعت البيت الا والدوره نازله وهالشهر كنت ناويه اشرب الكلوميد واخذ ابرة التفجير بس ماادري اذا ينفع مع التمريخ والا استنى الدوره الجايه
والحمد لله اربع دورات كانت منتظمه تجي كل اربعه وثلاثين يوم يعني كنت اروح للدكتوره بعد سبعة عشر يوم من الدوره طيب بعد التمريخ اروح نفس الشي بعد سبعه عشر يوم والا اقدم شوي
تكفون اللي عندها معلومه لاتبخل علي وعسى ربي مايحرمها اللي تتمنى واللي ماعندها علم ياليت لو دعوه بظهر الغيب