السلام عليكم ورحمة الله وبركاته
أولا أنا كنت ابي اضع هالموضوع في قسم ملاذ الروح ولكن يطلع لي تنبيه اداري بعدم الصلاحيه بنشاء موضوع ياريت المشرفات مشكورات ينقلونه
أخواتي الكريمات أنا مشكلتي شبيهه ببنات كثير احترت من اللي صاير لي وعجزت ألقى حل
مابطول عليكم وبقولكم قصتي
أنا عمري 28 سنة ومو متزوجة من بعد ماخلصت الثانويه انخطبت كثير وماكان يحصل نصيب لأسباب تافهه من جهة أهلي أو إنهم يتفقون معانا ومايرجعون
قبل حوالي 4 سنوات انخطبت لشخص دين ومواصفاته طيبه فيه بعض العيوب ولكن كان من الممكن التغاضي عنها وماكنت أبي أرفض لاسباب تافهه وافقت وأقنعت أهلي ووافقوا على مضض وتمت الملكة وبقيت مملكة حوالي 8 شهور ارتحت له وهو ارتاح لي وحبني وتحدد موعد العرس وجهزت نفسي واشتريت كل شي وصرفت ثلاثة أرباع المهر وقبل العرس باسبوعين حصل خلاف بين الأهل وأخوي أصر وركب راسه إنه مايتم العرس واننا خلاص مانبيهم وابوي واخواني كانوا موافقينه الرأي وقالوا إذا كان هذا أولها ينعاف تاليها توسطوا ناس لحل الخلاف بس أهلي كانوا مصرين كانت أيام عصيبه جداً علي خيروني أهلي واخترت رضاهم وتم الخلع .. الناس كانوا متوقعين إني منهاره وتعبانه بس الحمدلله إن ربي أنزل علي طمأنينه ومازعلت وقلت لعله خير لي بعدها بكم شهر قدمت على وظيفة وتوظفت والحمدلله أثبت جدارتي بعدها صار يجيني ألم في القلب شديد مع خفقان قوي وضيق في التنفس خاصة في الليل رحت للدكتور قال سليمه والقلب سليم مافيك شي رحت لشيخ قال عين واعطاني مويه مقري عليها وخلطة ابن الرومي اغتسل بها لمدة 7 أيام قبل الفجر وقال راجعوني بعد 7 أيام الحمدلله خف الخفقان والالم وصرت أحسن بكثير وماعاد رجعت للشيخ .. بعدها بفترة طويله رجع الخفقان وضيق التنفس بس على فترات متباعده بس ماهتميت
المهم كثير ناس كانوا حاسديني على الوظيفة وأغلب البنات اللي اعرفهم مو موظفات وكانوا يطلبون مني أتوسط لهم يتوظفون بس أنا ماكان بيدي شي كنت كل ماأشوفهم بس يسألوني عن شغلي ودوامي باهتمام
جاتني فترات كرهت فيها شغلي وكنت اروح بالغصب وأحس بضيق شديد برضه ماهتميت وواصلت
الحين أنا فقدت وظيفتي لأسباب ليست قويه مادري وش اللي حصل لاتقولون تقصير مني لا والله الكل يشهد بكفاءتي ولكن أتفاجأت انهم استغنوا عني بكل بساطه .. قلت هذا رزق من الله وإن شاء الله ربي يعوضني بوظيفة أحسن
والحين أنا جالسه بالبيت لاشغله ولامشغله حاسه إني مالي أي قيمه
قبل مده قلت بقرأ سورة البقرة وفعلا بصعوبه قرأتها لمدة اسبوع بعدها تقدم لي شخص طيب واتفق مع أهلي وحددوا يوم للنظرة الشرعيه وفي نفس اليوم المحدد شعرت بضيق شديد وعصبيه على كل اللي حولي مدري وش سببها وقبل الموعد بساعه اتصلوا وقالوا حصل لنا ظرف مانقدر نجي نأجلها ليوم ثاني وليومكم هذا مااتصلوا
قلت ياربي أنا وش فيني وش صايرلي كل أموري متعكسه
ولي فتره طويلة صايره ماأتحمل شي وبس اعصب واتنرفز من أقل شي واسيئ الظن كثيرين زعلوا مني خايفه اني اخسر كل اللي أحبهم ..
غير الأحلام الغريبه اللي أشوفها
يابنات أنا الحمدلله صلتي بربي متوسطه ماأقول قويه .. محافظه على صلاتي وباره بوالديني ولكن أحس بنفور شديد من قيام الليل وقراءة القراءن ودي اقرأ سورة البقره .. كل يوم أقول بكره ببدأ بس أحس ماني قادره حاسه بصدود ونفور شديد .. ينقضي الليل كله ويروح كل وقتي وأنا ما أسوي شي مفيد حتى ودي اهتم بنفسي وبشرتي واحط خلطات نزلت خلطات كثير من المنتدى واشتريت أشياءها بس ماسويت منها ولاشي واذا سويت يوم وعشره لأ حاولت اغصب نفسي أعدل حالي ماني قادره حتى الاستغفار أحاول انتظم عليه ماقدرت احس بشي يصرفني ويشغلني وينسيني اياه
مرات احاول أكون قريبه من ربي واغصب نفسي للتقرب منه والدعاء ولكن ألقى نفسي انتكس بقوه وارجع لحال أسوأ من قبل في البعد عن الله وأقعد أبكي وأبكي على حالي لدرجة استغفر الله حسيت ربي مو راضي عني ومايبيني اتقرب إليه
والله العظيم يابنات إني من زمان مادخلت الفرحه قلبي نطلع ونروح ونتمشى والكل مبسوط لكن أنا ماأشعر بفرحه ولاسعاده ودائماً مكتئبه ومعالم وجهي حزينه ماعاد فيه شي يفرحني أبداً مهما كان
سامحوني أطلت عليكم ولكن أملي ألقى عندكم النصيحه والحل ودعوه صادقة.. وجزاكم الله كل خير
يلزم عليك تسجيل الدخول أولًا لكتابة تعليق.
الله يشفيك اختي ويفرح قلبك..........
طبعا ...اللي حسيت من حاااالتك .........اصبح عندك ردة فعل نفسيه .....وسيطرت عليك ......وعلى شخصيتك وطبعك وكل شي بحياااتك حتى قرااااااءت القران الكريم مو قاااادره تقرينه ....كل هذا بسبب ردة الفعل .....والشيطاااااان ماقصر يحاول يصدك وبيعد عن القراءن .....ويثقل عليك ............
ولكني انصحك بالمقااااومه والمقااااومه .,........ومحااوله القراءه واذا قدرتي تروحين للشيخ افضل .......
والله يشفيتس يااااا اختي ...........ما بغيت ادخل ولا ارد عليتس
طبعا ...اللي حسيت من حاااالتك .........اصبح عندك ردة فعل نفسيه .....وسيطرت عليك ......وعلى شخصيتك وطبعك وكل شي بحياااتك حتى قرااااااءت القران الكريم مو قاااادره تقرينه ....كل هذا بسبب ردة الفعل .....والشيطاااااان ماقصر يحاول يصدك وبيعد عن القراءن .....ويثقل عليك ............
ولكني انصحك بالمقااااومه والمقااااومه .,........ومحااوله القراءه واذا قدرتي تروحين للشيخ افضل .......
والله يشفيتس يااااا اختي ...........ما بغيت ادخل ولا ارد عليتس
غدا أجمل
•
واضحه
فيك عين
لازم تجبرين نفسك وتداومين على الرقية الشرعية عند شيخ موثوق وماتنقطعين عنها الا اذا هو قال انك خلاااااص تشافيتي
الله يرفع عنك ويشفيك ويفرج عنك عاجلا غير اجل
فيك عين
لازم تجبرين نفسك وتداومين على الرقية الشرعية عند شيخ موثوق وماتنقطعين عنها الا اذا هو قال انك خلاااااص تشافيتي
الله يرفع عنك ويشفيك ويفرج عنك عاجلا غير اجل
الصفحة الأخيرة
والله انا نفس حالتك بالجزء الاخير من قصتك وعجزت ولكن ما قول غير اللهم ثبتنا على دينك واحسن خاتمتنا يارب