مالي قادرة صدق بنات ساعدوني انصحوني زوجي مسجون ويمكن اتطلق

تحية طيبة وبعد: كيفكم بنات انا كتير مشتاقة لكم مابعرف اذا تذكرتوني بس بتمنى من الكل انه يتفاعل معي او راجعو مواضيعي وبتعرفو قصتي هلأ مالح اكتب تفاصيل غير اني كنت متغربة بمصر زوجي الله يهديه طايش وعنده جنون العظمة وسع شغله كتير وصار عليه مبالغ كبيرة وووو:angry: اتهددت حياتنا للخطر خفنا وهربنا بعد عدة محاولات لاصلاح الخطأ بس فات الاوان اتعرض زوجي للضرب وهددوه بأولادنا المهم سافرنا لبلدنا :09: وبعد اسبوع واحد زوجي انقبض عليه وانسجن من تاريخ 14\5\2007 بسبب شيكات من غير رصيد والى الان مسجون الله يهديه ياما نصحته بس هو بيحب المظاهر وبدو يكبر مرة وحدة وكمان مبزر ضاع كل شئ لنا يادوب جبت معي ملابسنا وجلست عند اهلي لان ماعنا بيت ولاشي ابدا اهلي ضاجو من اولادي نزلت لعند اهل زوجي واه اه وضعي كتير صعب حتى مالي غرفة بنام مع حماتيكتير ناس قالولي اتركيه واتركي لاهله الاولاد لانه مو راكز مو عاقل بتصرفاته بس انا بصراحة بحبه وهو بيحبني وبعدين مابدي بيتي ينخرب واولادي يضيعو عندي بنت وولد لسا صغار:( ساعدوني شو اعمل بالنسبة لسجنه لسا مو باين على شو بدو ينتهى الموضوع ادعوله هو بيحاكيني بيقول انا اسف وبس اطلع لح عوضك ونبدا من جديد مابعرف محتارة انا مابدي شي بس حس بالامان والاستقرار وكمان هو يعقل وما يخبص يحط عقله براسه ويبدا خطوة خطوة صح طالبة منكم انكم تدعولي ان الله يعدي هالموضوع على خير ويلم شملي انا وزوجي عن قريب ويكون اتعلم هو درس ماينساه ويتربى من يلي صار ونعيش بسعادة يارب ادعولي بهي الايام وسامحوني طولت عليكم بس ماتطنشوني منتظرة نصيحتكم اختكم التائهة:icon33: