بسم الله الرحمن الرحيم
السلام عليكم ورحمه الله وبركاته
والله مدري من وين ابدى موضوعي بس اختكم بحاجتكم وتكفووون ارشدوني للصواب
احس اني دايخه وماني عارفه اتعامل مع اللي بتكلم عنها الحين ..}
ما بطول عليكم يا الغوالي بس حابه اقول لكم القصه من الى
وابي مشورتكم اخاف انا ظالمتها وبنفس الوقت والله تحزني
هالبنت :icon33:
اممممممممممم
والله مدري من وين ابدى بس ربي ييسر لي ووصل لكم اللي ابيكم تساعدوني فيه !!!
هذا يا طويلات العمر انا مسجله باحد المنتديات الاسلاميه وطبعا هالمنتدى مختلط بس من يوم ما سجلت فيه لي ما تركته
والله ما رديت على جنس ذكر فيه بالمواضيع يعني كل مواضيعي ردوها بناتي والعكس صحيح يعني كل من في المنتدى عارف اني ما ارد عليه فهم باحترامهم ما يردون على مواضيعي ابد يعني مجرد مرورا لكسب الفائده ..
مره ارسلت لي وحده من البنات رساله خاصه وكان فيها دعاء لاختي ان ربي يرزقها بالذريه الصالحه
وتقول ان لفت انتباها توقيعي وهي ترد على احد مواضيعي
وطبعا من الذوق ارد عليها واشكرها :26:
المهم بعدها البنت اختفت فتره ولا اهتميت لان مافي علاقه ابدا بيني وبينها
بس العام الي فات نزلت قصه واقعيه وشفت نفس البنت ارسلت لي وتقول الله يعوض صاحبتك خير وكلام كثير
استغربت مره وارسلت هم بعد وشكرتها
ارسلت لي صداقه وقبلتها مثل ما اقبل اي صداقه بالمنتدى يعني مجرد ضغطه زر
من بعدها البنت احس من بين فتره وفتره ترسل لي وتشكرني على مواضيعي سواء اللي اكتبها او انقلها
وترجع تختفي :huh:
وبصراحه ما اهتميت بامرها لان كان اكبر همي بلحظتها اني اضيع وقتي ما بين قراءه المواضيع والردود
بعد فتره تعرفت على وحده وصااااارت لي اقرب من صاحباتي بالواقع وتبادلنا الارقام والله ان اهلي يعدونها اخت لنا
من كثر ما حبيناها هالبنت على اخلاقها الطيبه
طبعا هذيك من شافت علاقتي مع العضوه مره وكلامنا عن بعض بالزوار والخاص شغال وطبعا هي تعرف لاني
ضفتها صديقه لي وبصراحه اشوفها بالساعات بملفي ولا اقدر اقول شيء يعني شقولها ليه تقرين كلامي
انا من الاول عارفه ان الزوار مكشوف لكل من قبلت صداقتهم فعشان كذا طنشت المهم اشوف البنت ترسل لي كلام
اعجاب تقريبا وثناء اني وقفت معاها وقفه ما توقفها الاخت مع اختها
حتى انا ما ادري شنو سبب الرساله لاني ما اذكر سويت لها شيء
سالتها شسويت لج بالضبط ما اذكر ذكريني او ان الرساله جتني بالغلط ؟؟
الا تقول يوم قلتي لي كيت وكيت تذكرت يوم كنت اصبرها على فراق صاحبتها وطبعا صاحبتها بالنت !!!
وكنت ابين لها ان العلاقه اللي بينهم كانت علاقه نت ومستحيل تكون غير علاقه نتيه ..
ومن يومها البنت باليوم ترسل لي من اربع الى خمس رسايل وطبعا مافيها غير احبك ومدري ايش
كنت اقول لها اني احبها في الله واوضح لها ان علاقتي فيها علاقه نت لا اقل ولا اكثر
يعني وضحت لها من الاول ان مستحيل اتمادى بعلاقتي فيها خارج النت
بس بيوم من الايام ارسلت لي وطلبت رقمي طبعا انا رفضت وقلت ان الوالده ما ترضى
ارسلت وقالت عطيتيه لفلانه والا انا ما تثقين فيني قلت ماهي سالفه ثقه بس مبدا اني وعدت الوالده ان من بعد فلانه ..
ما بعطي اي احد رقمي لو شنو صار وحتى فلانه مو انا اول من كلمها كلمتها الوالده الله يحفظها لانها خايفه علي
بعدها انا تركت المنتدى لاني يوم حطيت الايبي بتاعها طلع لي برقم ايبيها اسم ولد واسمها وبصراحه خفت مرررررره
وحطيت ايبي وحده من البنات وطلعت مسجله بنك نيم ثاني يوم سالتها صاحبتي اعترفت وقالت ايه صوح انا مسجله بس المشكله يوم واجهت هالبنت وحلفتها بالله احلفت انها مو ولد ولا تعرف احد من اهلها مسجل بهالمنتدى وطبعا انا تركت المنتدى لاني خفت بصراحه بس المشكله هي تدري اني مسجله بمنتدى ثاني عرفت اني بدخله وكل ما ادخله احصل لها والله من غير مبالغه 3 الى 9 مسجات
اخرتها قمت ادخل واطلع من غير لا ارد عليها لاني قلت لها اني مشغوله وما ابيها تتعلق فيني :icon33:
لاني بيوم من الايام دخلت اختي بالموضوع وخليتها تكلمها ان تخف من كلامها معاي لانه قوي شوي
وكلامها ما يدل على حب في الله ابدا :(
وقالت لي اختي ان البنت فاهمه الحب في الله غلط وحرام عليك خلاص خليج مع البنت ومدري ايش :icon33:
المهم قمت اراسلها من فتره لفتره ... والله اني ماني مرتاحه ابدا من تواصلي معاها بس رسايلها وربي تكسر قلبي
واسلوبها يحزززززن الواحد عليها
لي اليوم شفت لها رساله ان قلبها يوجعهاااااا ودايم تبكي قبل لا تنام بس اليوم من بعد الفجر لها ساعتين وهي بس تبكي وادخلت بس عشان تكتب لي هالرساله وطلعت والله اني خفت اني ظالمتها
ومدري ايش اسوي معاها
ادري كلامي ملخبط بس وربي مدري من اشكي له الحال غيركم
تكفووووون وجهوني واي سؤال انا حاظره بجاوبكم عليه
:26:
ضئ ريف الفرح @dy_ryf_alfrh
عضوة جديدة
يلزم عليك تسجيل الدخول أولًا لكتابة تعليق.
قريت كلامك واستنتجت شي !!
اتوقع والعلم عند الله انها ولد داخل بيوزر بناتي
لانك تقولين انا ما ارد على العيال ولا يردون علي فهي او هو دخل بيزر بناتي يراسلك بمسجات الحب والغزل بعدين يختفي لانه يرجع ليوزره الاصلي
مو تقولين تراسلني بعدين تختفي وااااضحه يا قلبي
وصراحه العقل يقول البنت ما تنشب بالبنت ما تعرفها وعلاقتها معها سطحيه ويكون مسجاب حب وغرام الا تكون ولد بيوزر بناتي او بنت مو طبيعيه
هذا تحليلي الشخصي بناء على موضوعك
نصيحتي بكلا الاحوال ابعدددددددددددددي عنها
لو كانت بنت وش بتبغين تتعلق فيك اكثر طيب وبعدين !!
ولو كانت ولد اقولك لا تورطين نفسك
لا تردين على رسايلها مره مرتين ليييييين تمل
اسال الله ان يدلك لطريق الصواب
اتوقع والعلم عند الله انها ولد داخل بيوزر بناتي
لانك تقولين انا ما ارد على العيال ولا يردون علي فهي او هو دخل بيزر بناتي يراسلك بمسجات الحب والغزل بعدين يختفي لانه يرجع ليوزره الاصلي
مو تقولين تراسلني بعدين تختفي وااااضحه يا قلبي
وصراحه العقل يقول البنت ما تنشب بالبنت ما تعرفها وعلاقتها معها سطحيه ويكون مسجاب حب وغرام الا تكون ولد بيوزر بناتي او بنت مو طبيعيه
هذا تحليلي الشخصي بناء على موضوعك
نصيحتي بكلا الاحوال ابعدددددددددددددي عنها
لو كانت بنت وش بتبغين تتعلق فيك اكثر طيب وبعدين !!
ولو كانت ولد اقولك لا تورطين نفسك
لا تردين على رسايلها مره مرتين ليييييين تمل
اسال الله ان يدلك لطريق الصواب
طـيوبهـ
•
طيب يالغاليه
سولفي معها من باب اخت لاختها بس بحذر نوعاً ما لكي تعرفي قصته
مكن تكون بمشكله بحاجه لمن يفتح لها قلبه ُ
بس احذري ان يكون ذئب مقنع
ربي يوفق ويكتب لكـ الي فيه خير
دمتي بحفظ الرحمن
سولفي معها من باب اخت لاختها بس بحذر نوعاً ما لكي تعرفي قصته
مكن تكون بمشكله بحاجه لمن يفتح لها قلبه ُ
بس احذري ان يكون ذئب مقنع
ربي يوفق ويكتب لكـ الي فيه خير
دمتي بحفظ الرحمن
الصفحة الأخيرة
والله اني ماادري وش اقولك
الله يرزقك الحل السليم والصحبه الصالحه يارب
ماشاء الله عليك تبارك الله ع اخلاقك واحساسك بالأخرين وخوفك ع حزنهم وزعلهم
الله يديم عليك هالنعمه يارب ويرزقك من حيث لا تحتسبين
انا حاسه فيك لكن مااقدر انفعك ماادري بصراحه والله اعلم هي بنت ولا ولد
بس ان شاء الله بنت مدري عندي احساس لأن الولد مااظنتي فاضي يدخل المنتديات
والله اعلم