مالي نفس اولد(فضفه)

استغفر الله ،، قولي الحمدلله اللي رزقك روحي لقسم تاخر الحمل وشوفي اللي يتمنون الضنا ،، شوفي الاجهاضات والامراض والمعاقين وقولي يارب لك الحمد
كتبه ربي رزق لك سبحانه لاتعترضين وربي بيساعدك
الله يهون علي وعليك وكل اخت ويرزقنا حسن الخلق والخلقه

احمدي ربك على النعمة المهم الخلقة التامة 
حلو الوحدة تجيب اللي في بالها بس الاحلى إرادة الله فوق كل شيئ والوحدة ماتملك الا انها تحمد ربها وتشكره على نعمته 
الله يتم نعمته عليك ويقومك بالسلامة

قولي الحمدلله والله غيرك يتمنى هالحمل اعرف ودك ببنوته وماشاء الله عندك اولاد بس هذي حكمة ربك وتأكدي انها خيره ان شاء الله بعد مايكبر تعرفي هالشي وتندمي ع هالكلام،، انا حملت ورى بعض صح زعلت وبكيت لكن في النهايه قلت الحمدلله حتى لايغضب علي الله وبالعكس مهتمه بحملي اكثر من حملي وانا بكريه ومتشوقه للولاده ابغى ارتاح من هم الحمل واشوف طفلي بصحه وعافيه،، 

إحمدي ربك و اشكريه و اطلبي منه العفو و العافيه !!

صح فاهمه انه خاطرك ببنوته و انك مكتفيه من الأولاد ,, بس ترى الولد و البنت من الله و أهم شي الصلاح و العافيه ..

أنا زيك ما كان لي نفس أولد ههههه بس أنا لأسباب أخرى ,, تعرفي شو صار معي..؟؟
رحت الإسعاف كنترول لأن معي طلق و أنا لسا باقي على ولادتي أسبوعين .. و حجزوني و قالولي انتي الليله لازم تولدي و ولدوني طلق صناعي لأن الماء العلوي كان نازل عن البيبي و انا مش منتبهه ..
من بعدها حرّمت ما يجيني نفس أولد ههههههه..

ترى غرضي أضحكك بس ، وسعي صدرك و تعوذي من الشيطان و الله يقومك بالسلامه

والله كلامك كبير كبير جدااا
وكله اعتراض على قدرك ومكتوبك وفي شهر مبارك
ربك اعطاك نعم كثير

اول شي تحملين ماشالله بدون تلقيح صناعي ولا خرابيط
ثاني شي عند 3 اطفال سليمين معافين ماشالله
ثالث شي وصلتي الشهر السابع وانتي طيبه مافيك شي ولامرض ولاسكر ولا تخثر
رابع شي جنينك سليم ومافيه تشوه ولا اعاقه ان شالله
خامس شي ادركتي رمضان وتقدرين تصومينه كله ان شالله وانتي حامل تعبانه اجرك يتضاعف
وووووووووو الخ
لوتعدين نعمه الله عليك ماتقدرين تعدينها

لكن اسالك بالله
هل انتي قمتي بحق الله
صليتي بخشوع في كل صلواتك
توضيتي اول ماياذن ومااخرتي الصلاه
صمتي زين بدون لاتغلطين بهذا وتعصبين على هذا
عصمتي لسانك عن الغيبه وعن النميمه الي تحرق حسناتك وتجيب لك سيئات الناس
قمتي صليتي الليل حتى تفطرت قدميك ؟
سامحتي الي يغلط عليك
قمتي بواجب المسلمه اطعمتي جائع وتصدقتي و ابتسمتي
وووالخ

بالله عليك
لو اختك بنت امك وابوك دمكم واحد حبيبتك
وجافيتك وانتي مشتاقتلها
ورحتي اشتريتلها هديه شي
واعطيتيها وخاصمتك وقالت لك وع انا مااحب هالشي اصلا ورمته في وجهك وعصبت وزاد جفاها لك
وصارت تعلم الناس انك شريتي لها هديه مو حلوه وتسب في الي جبتيه
اساله بالله استشعري الموقف وشوفي ايش شعورك

انتي تتعاملين مع ربك
الي خلقك الي مشي الدم بعروقك
الي قادر بلحظه تسخطك هاذي ان يجمد دمك وينزع روحك
انتي قاعده تزدرين عطيته
اعوووذ بالله

والله ان ربي كريم واعطاك رزقك
لكن بصراحه تامه انتي ماتستحقين
احمدي ربك واشكريه
في حريم يجيهم 7 بنات و8 بنات وهم صدق الي ظالمهم المجتمع ومبهذلينهم من زوجها لاهل زوجها
وصابرين وحامدين ربهم وانتي تتكبرين على نعمه الله

انا اسفه اذا زعلتك بس ابغى ارجعك لعقلك
لاتسلمين نفسك للاكتئاب
هالطفل مو ذنبه مايدري عن شي زيه زيك
جا لسبب ربي يعلمه يمكن انه خير للامه
استقبليه واحتفي فيه و اذبحيله وفرحي زوجك وعيالك بابتسامتك وفرحتك
على قد ماتفرحين هم يفرحون لاتنكدين عليهم وعيشي اللحظه
الاطفال نعمه بكلا الجنسين احمدي ربك الا اختارك بين الالاف النساء اللي ماينجبن
واختارك تنجبين وتتكاثر بك امه محمد صلى الله عليه وسلم

ارجوك توضي وراجعي كلامك واستغفري كثير و تصدقي
الله لايغضب عليك ويحل بغضبه عليك وينزع اطفالك منك
ترى الله رحيم لكنه بعد عزيز ذو انتقام لا تتكبرين على رزقه وهو قادر ينزعه منك