مالي نفس لا اطبخ ولا انظف

هلا خواتي
مدري وش اقول
انا كنت مررره حريصه على نظافة بيتي واللي يدخل بيتي يشهد
نظافة وبخور وعطور
وطبخي ولله الحمد الكل يمدح فيه
اللحين مالي نفس بالمرره
بيتي حوسه ووسخ
والله يابنات مدري شفيني مره صرت كسلانه رغم اني اعرف مو جاهله
بس وش اسوي
احس اني صرت مهمله بالقوه اشيل زبالة الحفاظات وانتم بكرامه
بالقوه اغسل المواعين
مالي نفس مالي نفس
والطبخ اسوي اي خربوطه وامشي الحال
تر والله اعرف اطبخ
تدرون ان الحريم يتناقلون وصفاتي لانها مظبوطه
يعني مو جاهله
بس احس كسلااانه مررره
واخاف احد يزورني واتفشل بيتي مايواجه ابد
اخاف اهل زوجي يجون واتفشل
واهلي يحسبوني مدبره اموري مايدرون
اصلا ماقدر اقولهم اخاف اتهزأ
والله ضايق صدري
شلون ارجع زي اول
من جد مقهوره على نفسي انا الشاطره صرت اكسل وحده وبيتي مره يفشل ووسخ
مرات احس انها عين بس مو معقوله حتى على النشاط الناس تحسد
ابغى تقولولي ايش اسوي
شلون ارجع زي اول