كل سنة وانتم بأتم صحة وعافية...
قبل زواجي ماما نصحتني بمجموعة نصايح.....ربي يخليهاليّا....ماقصرت معايا أبدا....
كتبت جزء منهابموضوع قديم....ولما طلبت مني الأخت ريم أكتب شي للمتزوجات.....قولت يللا أكتبلكم الجزء الثاني...
ماما كانت تقوللي أكثر الحريم أول مايتزوجوا...تدي لزوجها طرف الخيط...لمّا يمسكه....تزعل وتعصب...وتبدأ المشاكل...
ومن هذي المشاكل :
-تجي الوحدة ببداية زواجها....مسوية فيها طيبة وأبغى أريح زوجي........تقوللو حبيبي وديني السوق...طبعا الأخ مافيه يودي لسّا ماتعود...يقولها والله مافيا تعبااااااااااااااااااااااان....
أختنا في الله ع طووول مجهزة الحل الذهبي.....طيب حبيبي اش رايك أروح مع أخويا...أو سواق أهلي...أوبابا؟
عاد زوجها مايحسب جاته من السماء....ايوا حبيبتي عادي روحي....
يجي مشوار ثاني مثلا:تبغى تروح لأهلها أو معزومة أوموعدبالصالون أو أو أو.....................وكل ماتطلب وتلاقيه طفشان أو مالو مزاج...
تتصل ع واحد من أخوانها عشان مشوارها...............
وتمرررررررررررر السنوات الأولى......وبعد كذا يصير ذأه حالها...........
سيارة زوجها ماتعرفها......هي تسجل الأولاد بمدارسهم....هي تشتري أغراض البيت....وموبعيدة تسدد الفواتير.....تودي أولادها ع المستشفى...............يعني ماكأنها تزوجت..........بالعكس زادت حملها وهمها...
الحل
اذا عنده عذرحقيقي مو مشكلة أجلي مشوارك بكل رحابة صدر...انتي متزوجة شريك مو سواق...يعني راعي ضروفه...
واذا طلبتيه مشوار واتعذر بعذر بايخ قوليله خلاص حبيبي مو مشكلة توديني أول ماتقدر ( يعني المشوار فيك فيك ومافي أحد ينوب عنك)...
حتلاقيه بعد 5 دقايق يقولك يللا أوديكي...
وحيعرف انه اذا مو هو اللي وداك محد بيوديك غيره...
يجي الزوج لزوجته يقولها: يللا نروح ع الكورنيش......الزوجة:والله مصدعة وعلياالدورة....روح انتا....
أو يقولها: يللا ناخذ قهوتنا أو شاي ونروح البر العصرية......الزوجة: يوووووووه انتا تعرفني ماأحب البر.
أو يقولها: اش رايك نروح نسلم ع عمتي؟......الزوجة:يوووووووه اش ألبس؟مامداني أعمل ميك أب؟عمتك زماااااااان مازارتني ليه أروحلها؟؟؟
بعدسنوااااااااااات.....ذأه الحال.....
يسافر ويخرج ويسهر ويطلع ( البر) اللي ماكان عاجبك....كلو مع أصحابه...وانتي خليكي ببيتك...موانتي اللي طلعتيله بكل خرجة عقدة؟؟؟
طبعا راح يختار صاحبه لأنه أخف بالخرجة...لايتلكك ولايعك...ويوافقه ع كل خرجة...ومزاجهم واحد...
لكن جربي...كل مايقوللك يللا معايا قولي حاضر...والله عمره مايروح مكان الا وانتي معاه...أصلا ماتحلاله الخرجة بلاكي...
وتذكري...لاتكوني أنانية...حتى أولادك بعدين ينحرموا من الخرجة...ومين السبب؟...لالالاموزوجك وبس...انتي كمان تتحملي ذنبهم لأنك انتي اللي عودتيه...