سلام عليكم يا حلوات
كيفكم وكيف ايامكم وأوقاتكم مع هذي الأخبار الحزينه :(
الله لا يجيب الحزن لبيوتنا
حبيباتي قبل شوي بغى يطيح قلبي :eek:
دخلت دورة المياه أعزكم الله وقبل ما أدخل شفت ولدي منسدح في الصاله دايخ نوم وقلت يله إن شاءالله ما أخرج الا وهو نايم :42:
وأول ما دخلت الا ويدق بالباب طخ طع طخ طع :30:ما تلاحظون ما تجي سوالفهم الا وانتم في الحمام !!!! ظاهره متى تنتهي !!
المهم قال ماما ماما دخل في خشمي صرصار :eek:
قلت شكل الولد من الزكام حاس بوشوشه في خشمه ! وطنشت
ويروح ويجي ويدق مره ثانيه ماما الصرصار دخل في خشمي !!
قلت حبيبي روح خذ منديل ونظف خشمك زين وطلع الوصاخه كلها
والصدق اني خفت وقلت لا يكون وهو منسدح دخل بخشمه نمله ..لأن بيتي مليااان نمل
وأنقز وأخرج طيرااان وأسمي عليه وأستودعه الله طول الوقت
وأول ما شافني ياعمري ويرجع يعيد نفس العباره ! وفي يده منديل ويقول ماما ماخرج الصرصار ! الولد مصر ان في خشمه صرصار
انا بدأ قلبي طربق طربق طربق بس متأكده انو مو صرصار . لأن بصراحه مافيه صراصير عندنا وماقد شفناها ولله الحمد ولا يعرف ولدي شكل الصرصور ولا يدري شنهو الصرصور .
بس انا قلت أكيد هذي نمله وبديت اهوجس
وجلست اناظر في فتحات خشمه الا وأشوف شي زي حبة الحمص ولونه أحمر !!
ومعايه مناديل وأحاول فيه ويله طلع الي في خشمك
انقطع نفسه مسكين وهو افففففف اففففففف اففففففف وفي الأخير خرجت طاااايره الا وهي بالمنديل
تدرون وش طلع
صلصال :22:
ياعمري اتاري ولدي صادق بس مو عارف ينطق زين
بدل ما يقول صلصال , قال صرصار !!
انا استغربت وتعجبت اش عرف ولدي بالصرصار :o
طبعاَ الله يعزكم طلع معاه شوي دم بس الحمد لله جات سليمه :22:
وطبعاَ لا تستهينون بهذا الأمر والله وحده من قريباتي بنتها دخلت قطعة منديل صغييره بخشمها , ولا درت عنها وبعد فتره صار يطلع من خشمها ريحه كرييييهه
ويوم ودتها المستشفى شالوها وكان اللحم قد بنا ع المنديل !
وطلعت من المستشفى بنفس الوقت بس أعطوها مضاد لأن خشمها صار فيه جرح والتهاب .
ولا تنسووون أخواتي إذكار الصباح والمساء وتحصين انفسكم وأطفالكم له دوررر كبيييير في حفظهم , والله خير الحافظين ,
تحيااااااااااااااااتي :26:
*نوااامه* @noaaamh
محررة ماسية
يلزم عليك تسجيل الدخول أولًا لكتابة تعليق.
sadlove
•
سلامة ولدك والله لو انا يسير لولدي يدخل في خشمه صرصار عز الله تركته في خنفوره ههههههههه لاني اخاف موت من الصرصار...
الصفحة الأخيرة
الحمدلله على سلامته