ماما زعلت مني ................؟؟؟

السلام عليكم
راح ادخل الموضوع على طول
المهم يا حبيباتي ماما من النوع اللي ما تحب تتطلع من البيت حتى بيت اختها ما تروح الا في الاعياد << طبع فيها
المهم انا دحين متزوجه وليا 5 شهور وكل ما اطلع مكان تقعد تخاصمني يا تقولي اقعدي ببيت زوجك او تقولي تعالي عندي مع انها من النوع اللي ينام بدري وانا اروح عندهم الاربعاء الين الجمعه والايام اللي اكون عندهم لما تنام انا اروح عند صحباتي لانو عندنا عادي نزور بعض في الليل وكل ما اروح امسك حاجه في البيت عندهم وانظفها لانو ما عندهم شغاله واختي اللي باقيه تدرس
والله حتى قبل كم يوم طلبتني اجي انظف ورحت رغم اني تعبانه بس قلت عشان لا تزعل ونظت الشي اللي قالت لي عليه ونظفت اشياء تانيه واليوم بالليل روحت ازور بنت خالتي ولدت دقت تخاصمني وتقولي دحين ابغى ارسلك احد من اخوانك قمت قلتلها انا بروح بيتي ومني جيه بس لما ركبت السياره اخدت جوال زوجي ولقيت مكالمه منو لماما ومدتها نص ساعه وقلت له انتا كلمت ماما قاللي بس سلمت وبعدها كلمت اخوانك المهم انا اخدت الجوال وكلمت ماما وقلت لها وانا معصبه انا حره في طلعاتي وخرجاتي ولا احد يدخل فيني والله اني مقهوره ومو راضي يجيني نوم بس ابغى افهمها انو انا اتزوجت وانا حره اطلع الوقت اللي ريحيني وفي مره من المرات قعدت افهمها انو انا اطلع عند صحباتي عشان انا ماعندي الاغرفه وحده انا ساكنه مع اهل زوجي وما عندي الا غرفه وما اقدر استقبل احد كدا يصير انا اروح لهم وانا من يوم كنت بنت وانا اطلع واكتر شي بتخاصمني لما اروح بيت خالتي ودي اعرف اللي سويتو صح والا غلط وكيف افهمها انو انا ليا حياتي الخاصه