على فكرة مب اجباري العيال يصرفون على اهلهم اذا الاهل لهم مصروف يمشي لهم ومب محتاجين
امج عاشت حياتها لين شبعت وانتي دورج تأمنين مستقبلج وتجمعين حق نفسج عشان بكرة تقدرين تسافرين وتشترين سيارة وتشترين سكن وتستثمرين
اول شي ماله داعي يعرفون راتبج كم لانه جزء من خصوصياتج
ثاني شي قولي لها اكثر من هالمبلغ ماقدر ادفع ولا عاد تسمعين ولا تفتكرين لو شنو تقول
انتي ما طلبتي من امج تخلفج ووقعتي عقد تسددين قيمة كل شي سوته لج
كل الامور اللي قامت فيها كانت واجب عليها تجاهج وحق من حقوقج والحقوق عمرها ما كانت دين
انتي واجبج الرحمة والشفقة في وقت ضعفهم واكيد اجرج مضاعف لما تساعدينهم "واخفض لهما جناح الذل من الرحمة وقل ربي ارحمهما"
لكن مب تعيشين اسيرة رغباتها وتحت سيطرتها انتي انسان حر لنفسج عليج حق وانتي مسؤولة عن حياتج اللي بتعيشينها جدام فوفري لها
على فكرة مب اجباري العيال يصرفون على اهلهم اذا الاهل لهم مصروف يمشي لهم ومب محتاجين
امج عاشت...
حددي مبلغ مصروف شهري مثلاً هنا بالسعوديه الف ريال شهري للمساهمة بمصروف شهري.
٥٠٠ ريال لأمك خاص فيها
طبعاً المبلغ هذا كمثال لإني ما اعرف الجنيه المصري
مثلا راتبك نقول ٤٠٠٠ الف
منها الف للبيت ، و ٥٠٠ لأمك
ويتبقى عندك ٢٥٠٠ سبيها تهري من هنا لغاية الصبح، مانفع قولي لها هذا اللي عندي
هل تأثمين بالطبع لا. ليش؟ لإنك انسانه لك حقوق وواجبات ومامنعتي عنها شيء
والمصروف اللي انت مخصصته للبيت خليه معك معزول واشتري منه نواقص البيت، او اعطيها الألف وقولي هذا حق البيت لمدة شهر غيره ماعندي
اذا والله ماتحسن التصرف او الطمع بيعميها وتاخذ الألف لها..
خذيه انت واصرفي منه..
احسني لها وتحمليها وساعديها بأعمال البيت ولاترفعي صوتك عليها.. هذا هو البر
بس اني انظلم منها وتدوس رقبتي وماتفكر فيني واصبر واحقد وانهار واقول مايجوز انتفض لا معليش.