شوفي خليهم يقعدون الصبح الساعه
و9ما ينامون الظهر وبتلقينهم ما تجي الساعه سبع بعد العشاء الا وهم يبون ينامون
من التعب

الله يعينك يارب ...بجد هذي مشكله ..
شوفي حبيبتي انا عيالي نفس الحاله يكرهون النوم خاصه بنتي ...بس ماجابت الطبع من
احد غريب ... انا نفس الشي اقااااوم وماحب انام قبل 12 او 1 حتى لو تعبانه موووت
طبع شين <<<<<

تعرفين شتسوين لهم ... ( مع اني عجزت احيانا مع بنتي ) اول شي اغديهم
طبعا انا اروح الدوام وارجع قبلهم او معاهم غالبا ...
يتغدوون ويكتبون الواجب ...بس الله يعينج لان بعد الغداء يجبهم النوم ..
حاولي قد ماتقدرين انج تقعدينهم كلهم في الصاله معاج ...وتدرسينهم ..يعني انسي انك تنامين العصر ...ومره والله سويتها وكنت تعبانه موت بس والله قاووومت عشانهم بس ..

بعد ما يخلصون الواجبات ... تقريبا على المغرب بتخلصون ..خلاص خلي الشغاله تجهز العشا ويكون خفيف ..وبعدها يتعشوون ويرقدون طبعا حاولي انك ماتعودينهم انك ترقدين معاهم ...لان عيالي جنننوووني كل يوم ماما تعالي ارقدي معانا واذا رحت غرفتهم ارقد قبلهم والله ...

طبعا انا ولدي ينام من التعب احيانا بسرعه بس اخته الله يهديها تقعد تسوووولف عشان تضيع وقت النوم ... بس انا اقعد لهم قعده والله ماخليها تطلع من الغرفه واحيانا اقعد اهددها اني بحرمها من شغلات معينه ...وسالفه الحرمان تنفع والله ,,,لاني وايد دلعتهم ..

في شغله مهمه ...طبعا وانتي اتدرسينهم بتلقينهم مالهم خاطر يدرسون او تلقين احد منهم انسدح في الصاله ..لايكسر خاطرك ...قعديه على طوووول ...
ولو عيالج ينفع معاهم الوعود ...اوعديهم انه نهايه الاسبوع تودينهم مكان حلو اذا اعتدل نومهم ...

في طريقه صرت انا اسويها لعيالي ...والله نفعت معاهم ...
بس المشكله ماسويها دايما لاني مابي اعودهم عليها ...بس اسويها اذا ابي اطلع الساعه 7
لمكان ومافي وقت للتأجيل .... تعرفين وشهي ...
اقولهم اللي يرقد ...قبل بيحصل له تحت المخده الصبح الي خاطره فيه ...
مثلا بنتي تحب شوكولاته فليك ..ونوع من الحلاوى ماعرف اسمه ...
وولدي يحب بيضه سبررايز نسيت شسمها والله ...فأقولهم ترى الشغاله بتتصل فيني وبتقولي من الي مارقد منكم ... والي ما يرقد ترى ما يحصل له الي يبيه ...
والله الحركه بسيطه جدا اخذتها من ام زوجي الله يذكرها بالخير تقول انها كانت تسويلهم هالحركه عشان ينامون ...وبالفعل طبقتها ورقدوا وطبعا انا طلعت ولما رجعت حطيت لهم الشي تحت المخده ..,لما قعدوا الصبح مساكين ماتذكروا ...وقلت لهم شفتوا تحت المخده قااالوا لا
راحوا وساتانسووووووا وااااايد ... مع انهم والله شبعانين من الشوكولاته ..لاني احب الشوكولاته ودوم في البيت ...بس انها حركه حلووووه ...بس لاتكثرين لهم ..

شكلها هذرت وايد ...:42: سووويها وقوولي لنا على النتيجه ..
بس الاهم الاهم ...نوم العصر ..............> ممنـــــــــــوع

الله يعين اسمعي مني
1 نوم العصر ممننننننننننننوع
2 العشا الساعه 6
3 الذهاب الى السرير مباشره مندون تنازل اوتهاون
4 الاستيقاض اليوم التالى اذان الفجر يعني شغلي شريط فديو جديد قولي باباجابه وانتو نايمين وصحيهم بفرح ماهو بزعل وليوم الي بعده اعملي نفس البرنامج وصحيهم بحركه تخليهم يصحصحون مثل قولي واحد يدق على الباب
مندون تخويف وبعدين قولي يمكن جيرانا يصحونا للفجر مهم عارفين انه احنا دايم نصحا الفجر /وهكذا ينغرس فيهم انه يصحون بدري وينامو بدري :17: :17: :26:
الله يسامحك جاني نوم

بارك الله فيكم 0الحقيقة ان المشكلة الكبيرة فيني انا لاني مااحب اشوفهم زعلانين ابدا
رغم اني اتبعت كل اساليبكم من زمان وكان لها تاثير ممتاز لكن زي ماقلت اني بمجرد مااحسهم زعلانين ارجع واتركهم على راحتهم عشان مايزعلو 0 بعد كم يوم ارجع اشوفهم مرهقين من قلة النوم ثثثثثم ارجع اتبع معاهم اسلوب ينومهم وهكذا؟؟؟؟؟؟؟؟؟؟؟؟؟
نفسي اسير ام عادية ماهمني يبكون شوي ويرضون بعدها عشان خاطر مصلحتهم بس انا قلبي غير وشكلي راح اظرهم بهدا الشئ (بس في النوم )لاني من جد مااحب البيت يهدى من اصواتهم واكره الساعة الي اشوفهم كلهم نايمين فيها 0احساس غريب يجيني وقتها مدري حزن او خوف 00مدري
شكلي انا الي يبيلي علالالالالالالالالالالاج مو عيالي
ونفسي يسيرون مثل بقية العيال الي ينامون بعد يوم حافل ملئ بالتعب من حالهم وبدون خططي وافكاري """""""""""""" الله يسعدكم ويسخر لكم عيالكم ويجعل رجالكم مايشون غيييييييركم