مامعنى الحب في الحياة الزوجية

اخواتي الغاليات
هذي اول مره اكتب فيها بعض مايجول في خاطري
وابي رايكم في الموضوع بصرااااااااااااااحة
وتكفون لا احد يقصرعلي برايه




معنى الحب

ياكثر ماتسائلت ؟! ..
عن معنى الحب استفسرت ؟!..
للجواب ماحصلت..
لاني في الواقع بس دورت ..
الجفا والنكران هو اللي سمعت ..
وللتعب والمشاكل ياما شاهدت ..
وللحب والرومانسية مااستنتجت ..

مهب من راسي ألفت ..
ولا من خيالي استلهمت ..
من القصص اللي قريت ..
ومن الاهات اللي حسيت ..
ومن السوالف اللي لقيت ..

من صغري ـ من على الدنيا وعيت ..
وانا لراسي من هالسوالف عبيت ..
الين من الزواج تعقدت ..
ومن ذكر الرجال كرهت ..

وعلى هالحال استمريت ..
الين الحمدلله فهمت ..
ولاجناس الحريم عرفت ..

صارو للشين من حياتهم ينشرون ..
وللزين منها يخبون ..
قال ايش : من العين يخافون ..
والا من سبهم لرجالهم مايهابون ..
ومن معصيت ربهم مايستحون ..

الين صارو لعقولنا يعبون ..
بمشاكلهم وقرفهم يصيحون ..
ولمشاعرنا يا لبنات ما يراعون..
ولسننا ما يهتمون..
سن المراهقة اللي الكثير منه يحذرون..

فيه مشاعرنا متضاربة..
وقلوبنا فيه هايجه..
وعقولنا فيه حايره..
بين المسلسلات والأفلام تايهه ..
والروايات الرومانسيه ضايعه ..
وبين سوالف الحريم التافهة ..
اللي على سبهم لرجالهم قايمه..

وبحكم صغر سننا وفراغنا خلينا مشاعر الكره للرجال نامية..
ومن نذكر طاري الزواج نقلبها مناحة..

فرجائي يا لحريم خلو مشاكلكم مخفيه ..
وان كان ولابد فاجعلوها للفاهمين حصريه..
لا للبزارين والمراهقين جهريه

والى الآن جواب عن معنى الحب ما حصلت..
لأنه هذا هو الواقع اللي فيه دورت..




واذا كان اي احد فيكم عنده جواب عن سؤالي ياليت يرد علي
وطبعا انا هنا اقصد عن معنى الحب في الحياة الزوجيه