قال تعالى : (أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السؤ )

المضطر هنا هو انتي .. ادعي انتي لنفسك وربي ان شاء راح يكشف سؤك انتي المضطره والدعاء منك افضل واسرع في الاجابه من الله .. غير لمى يدعي لك شخص مو مضطر .. والايه واضحه " امن يجيب المضطر اذا دعاه " .. هذا الكلام سمعته اليوم في مقطع على اليوتيوب ... دايم نقول ادعوا لي بكذا او كذا او او مين يبغى هذا الشي أنا ولا هم أنا الي أبغاه مين يبغى يتزوج .. أنا ... مين يبغى ربي يشفيه .. أنا ... مين يبغى ربي يفرج عليه همه وضيق وكربته ويصلح حاله ويصبره على ما ابتلاه .. أنا ... اذا أنا المضطر أنا لازم ادعي ربي والكلام الي كتبتيه لنا قوليه نفسه في ركعتين صليها اللحين لربك وقولي له هالكلام في السجود وبنفس ألطريقه وبخشوع ويقين وربي بيستجيب لك بإذن الله ... والله اني سويت هالشي قبل م اعرفه في موضوع كان مضايقني وكنت اشكي لربي ابي ياخذ لي حقي وما كنت أبغى ادعي على هالشخص وكنت اشكي لربي واقوله الي صار وهو سبحانه عارف من غير م اقوله مطلع على جميع الامور بس كنت أتكلم واوقوله وكأني أتكلم مع صديقتي كأني اشتكي لها عن شي ماتعرفه كنت اشتكي لربي واوقول ياربي ما أبغى ادعي بس ابي تاخذ حقي وماكنت وقتها في صلاة كان وقت مغرب وبين وبين نفسي اشتكي وشوي وقمت أصيح من قهري وأذن المغرب وخفت على نفسي لايجيني شي وقت مساء والشياطين تتفلت .. بس يوم سمعت الأذان ارتحت ... المهم أسبوعين بس وصار شي ماتوقعته أبدا أبدا أبدا وقتها بس تذكرت حالي يومها وكيف كنت اشتكي لربي والله يا بنات جربوا هالطريقه وماراح تندمون وعلموها اهلكم واحبابكم

{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ )

الله يوفقك ويرزقك يارب ووضعك هذا مو بس انتي فيه كثير بنات مثلك وانا وحده منهم بس وش نصلح ولو تركض ركض الوحوش غير رزقك ماتحوش

اللهم ارزقها بالزوج الصالح الذي يخافك ويخشاك
وارزق جميع العازبات
اللهم اميييييين

الله يرزقك ويرزقني

الله يرزقك بزوج الصالح يارب

هلا يالغاليه ... اختي ياكثر خطابها بس والله تعب نفسي
لان مافي واحد منهم.كان نصيبها وهي للحين بنت
وكل ماجات خطبه نقول خلاص نصيبها ويصير عائق في الموضوع
الخطبات الكثيره تتعب النفسيه ... والله يرزقنا ازواج صالحين يارب