مانســــيت الـلي سووه

الله يفرج همك وييسر امرك

الله يعينك على غربتك

القصه
كان في ديرة اهل زوجي بنت معروفه انها تغازل ونعرفها الله يستر علينا اجمعين يوم من الأيام وصلنا خبر ان زوجي بالأسم دق عليها وغازلها وقال في اهلي كلام ماينقال تكلم في ابوي وسبه وتكلم في اخواني وسبهم وقال انا فلان الفلاني"اسم زوجي" زوج فلانه "انا"

لما وصلني هالخبر كان زوجي جنبي وقلتله وتفاجأ لأنه مايحب هالسوالف وانا واثقه فيه بس البنت قالت انا مسجله صوته وهو يسب
راحوا اخواني سمعوا الصوت وكان صوت يشبه صوت زوجي بس غير وبعد مازوجي فتش وسأل لأن كان وده يثبت لي انه مو هو
وفعلاً اكتشف بعد فتره ان اخوانه هم اللي اتصلوا بالبنت وانتحلوا شخصيته وسبوا اهلي

الحين كل مااتذكرها احسها خنجر في صدري ليه يبغون يهدمون حياتي مع اخوهم ليه مااقدر انسى وربي صعب اتعذب اذا رحت لأهل زوجي احس انهم يتمنون لي الشر والله اني طيبه واهلي طيبين ماقد شافوا منا شر مستغربه منهم ليه يكرهوني ويكرهون اهلي
انا عشان زوجي صابره حتى عمي ابو زوجي دري بالسالفه وخانقهم شوي بس للحين مقهوره منهم حسبي الله ونعم الوكيل فيهم مااعتذروا من ابوي تخيلوا
هذا ابوي اللي رباني ماارضى احد يسبه مجروحه من هالناس اعوذ بالله يبغون يفرقون بيني وبين اخوهم والله لو صدقت في زوجي كان الحين انا مطلقه لأن الكلام اللي قالوه كبير وربي

ادعولي الله يصبرني على هالحال

الله يكفيك شر من فيه شر حافظي على اذكارك وربي كريم ماراح ينسى حقك ،، حسبي الله على كل ظالم 

الله يصبرك ويعينك ع غربتك ويسعدك يارب

اللهم امين

اللهم صل وسلم على النبي محمد
اللهم صل وسلم على النبي محمد