كنت معلقتها وكسرنها رحت اشتريت لي وحده خليتها بالغرفه اللي تغلط اجيبها عندي واجلدها حتى الاعمال المنزليه صارت ما تهمهم مافي الا الجلد ايه انا اضرب ع الرجل فلكه وصرت حتى اللي ما اجلدها ادخلها الغرفه عشان تتعظ اول بس اهدد بالخيزرانه بالكلام ترى اجيب خيزرانه واجيب خيزرانه لما جبتها صحيح وصاروا يعرفوني لا مسكت الوحده احسهم خفوا شوي امي كانت تقولي من زمان

الحرمان علااااااااج فعااااال احرميها لو غلطت من الالعاب من الايباد اي شي تحبه وتحملى البكى والزعل لانو يفهم الطفل انو مو كل شي موجود لا في حدود تعقل تسمع الكلام ماما تلبي كل طلباتك وبكدا يفهمو الاخذ والعطاء انا اسوي كدا وفي حدود واحيانا عندى بناتى لو غلطت فيهم واحدة اخذ اللي مو غلطانه مشوار حتى لو البقاله يوديها ابوها ويرجع وهي عندى بالبيت واتركها تصيح ليش ما اروح ما تروحين لانك ما تسمعى الكلام وصوتك عالي مثلا والله جابت نتيجه الحمد لله جربوها وادعو لي واهم شي الحرمان بحدود

انتم من جدكم تعلقون الخيزرانه ؟؟ ليش انتم تتعاملون مع حيوانات ؟؟

تعليق الخيزرانه والتهديد بها بحد ذاته الم نفسي واسالو اي مختص نفسي
العقاب الحرمان احرموهم من الخروج او لعبه مفضله او من الايبود او البلاي ستيشن
يمكن يتادبون مع الخيزرانه بس تاكدو انه شي جواهم بينكسر وبتضعف شخصيته


امانه باعناقكم اطفالكم

الضرب ماينفع ولاعمره نفع فقط .. يزيد العناد عند الطفل بالذات البنت ..واذا استسلمت وسكتت تصير شخصيتها ضعيفه ومتزعزعه لانها ماعاشت بامان ولاحب كل شي تهديد .. ولا مقارنه وهذي تعد وسيله فاشله للعقاب .
انتي خوذي ورقه وقلم بوقت تكوني مو معصبه وفاضيه :-
اكتبي وش يزعجك فيهم والاخطاء اللي تتكرر وهل فعلا تستحق الضرب وشو حجم الخطاء ؟!
مثلا اذا مدت يدها عليك مو مثل اذا كبت العصير علي الارض ✌️فيه فرق
ضرب الام خط إحمر ماتتعداه خلي ابوها يكلمها وباسلوب هادي بس صارم بدون ضرب .
اما الفوضي لقيت افضل حل اني اجيب الفوطه والصابون فوق راسها لحد ماتخلص منضفه المكان وانا ابتسم
طبعا ممنوع بها الوقت تشغل التي في او تروح للالعاب خليها تاخذ وقتها ساعه ساعتين بالاخير تنظف وهي مقتنعه وراضيه وتحس انه فعلا اخطأت .
وخطاء ثاني المضاربات بين الاخوان انتي شوفي مين اللي مظلوم دايم وجيبي اللي يتعدي عليه بعد ماتكونين منبهته اقل شي 5مرات انه مايضرب اخوه وخليه مع ابوه يعطيه نظرات عتاب قويه بس موبحقد لا الاطفال يفهموا
انك تعاقبيهم لمجرد العقاب وانك معصبه وكذا تفشي فيهم الغضب ااو تعاقبيهم عشان تربيهم للاحسن وانهم اولادك وتحبيهم وتتمنين لهم الافضل .
الحل اللي قبل الاخير اذا مثلا رفضوا يسوون الاشياء اليوميه مثل تغيير الملابس وتفريش الاسنان وتسريح الشعر
وترتيب مكان النوم علي ابسريع احرمهم من اللي يحبونه او يلعبون فيه هذي اللحظه اقول يالله خلصوا واعطيكم وقت للعب تجلسوا تماطلوا ايضا انا اخليه عندي لوقت مااشوف انكم مستعدين تخلصون اللي وراكم
يبكوا يصارخوا كيفهم حطي في اذانك قطن ههههه مره مرتين ويتعودوا طبعا لاتكلفيهم بحاجه اكبر من عمرهم
يتعقدوا ويعقدوكي معاهم وخاصه عند المراهقه تظهر اثار التربيه اذا كنتي لاعبتيهم وصادقتيهم بيكونوا اصحابك واذا عنفتيهم علي الطالعه والنازله وضربتيهم بيكونوا اعداءك الا من رحم الله .
اخر عقاب ممكن اعاقب اولادي هو قرص الاذن بقوه بظفري وهذا متي اذا خلاص استنفذت كل الطرق
وكل الطرق المؤديه الي روما مغلقه 😂امزح
حينها اقرصهم واترك المكان اقول بعد 10دقائق ابجي والاقيكي جاهزه اسويها لبنتي تموتني ماتلبس ولاتخلص للطلعه واحيانا مااقولها انه فيه طلعه او بيجي ضيوف لا ارتب انا وياها غرفتها واجهزها وكاني العب معها ههههه،
تجلس تبكي ليش تخلي التي في والايباد 😓 ..
قد يناسب اطفالك وقد لايناسبهم بس الضرب نهي الرسول صلي الله عليه وسلم عنه الااذا ماصلت وهي فوق 10سنوات .

الجزاء من جنس العمل
هذي قاعدتي
اذا ضرب اخوه ينضرب بنفس الطريقه
اذا خرب او نثر شئ بالبيت يرجع يرتبه وينظفه زي ماخربه
اذا ظل يشاغب ويتحرك وينطط بشكل مزعج حبس بغرفته مدة معينه
اذا قال كلام مو طيب احطله فلفل بفمه
شغل البيت لا تزرعون بمخ عيالكم انه عقوبه بحيث اذا طلبتي
مساعدتهم بشئ يحس انه معاقب على شئ ما سواه
حاولي تزرعين فيهم ان اللي يساعد بشغل البيت بأي شئ ربي يعطيه اجر وحسنات
اذا شاغبوا وكنا خارج البيت بطلعه او في بيت اهلي احرمهم الطلعه مرة ويتوبون
وهذولي اطفال لازم يكررون نفس الاخطاء اللي يسوونها
وانتي واجبك انك توجهينهم صح وتصبرين عليهم
وانا عندي اخر الحلول لما يزيدونها اهددهم بابوهم لانه مره جاد وحمش
لكن مايضرب بس له هيبته وبس يصرخ عليهم او يكلمهم كانه جلدهم جلد
والله يعين لين يكبرون ويصلحهم لنا و يبلغنا فيهم
ملحوظه ( كنت اضرب كثير و ولدي الكبير هو اكثر واحد انضرب لاني بطبعي عصبيه
بس شفت مافيه فايدة غيرت اسلوبي وصرت استخدم اسلوب المربيه البريطانيه اللي تطلع
با mbc4 ولاحظت الفرق بسلوكهم وتحسن نفسياتهم وقربهم مني وطاعتهم لي )
حاولي دايم انك تشغلينهم بشئ مفيد لك ولهم عشان ترتاحين