موفقه يارب وان شاء الله تلقي من يساعدك

زهر الاقحوان يعطيك العافية حبيبتي .. حاولت بس للاسف ماضبطت

موكا مثلج ولجين.. الف شكر

مافي صورر

شوفي ياقمر انا كنت باعملهم زمان
وجبت واحده عاملاها والابره وصورت لك الشغل
شوفي في الاول انتي بتدخلي الابره من تحت الخيط العرضي اللي في اسفل المربع (اللي حاتشتغلي عليه)وخدي بالك يكون سلاح الابره الاسفل لورا زي الصوره كده




وتثني الخيط في ايدك بالنص بحيث تمسكي الطرفين بايدك التانيه



ودي صوره اوضح والاشاره السوداء بتشير للخيط العرضي



بتدخلي عقده الخيط في طرف الابره كده
الاشاره بالاسود بتشير للخيط وهو علي طرف الابره
والاشاره بالاصفر بتشير لسلاح الابره الاسفل وهو لسه في مكانه لاسفل


بتسحبي الخيط معاكي وانتي راجعه بالابره لغايه مايدخل معاكي تحت الخيط العرضي ويطلع من الناحيه التانيه وانتي محافظه علي اطرافه ماتدخلش معاكي
شوفي هنا في الصوره
الاصفر سلاح الابره السفلي
والازرق عقده الخيط وخدي بالك انها معديه مع الابره
الاسود الخيط العرضي
الفوشيا طرفي الخيط

ارجعي زقي الابره للامام بس المره دي من فوق الخيط العرضي بحيث ان سلاح الابره السفلي ييجي امام عقده الخيط
انا مشاوره علي السلاح السفلي باشاره سوداء وخدي بالك عقده الخيط خلفه


دخلي طرفي الخيط في طرف الابره كده
الاصفر طرفي الخيط وشوفي طريقه ادخالهم في الابره من الجانب
الاسود ده سلاح الابره السفلي
الازرق عقده الخيط مستقره علي الابره




شدي بقي الابره للخلف تاني بحيث ان سلاح الابره السفلي لما يوصل للعقده حايقلب للامام ويقفل علي طرفي الخيط ويكون حلقه مع طرف الابره والخيط جواها
الاسود طرفي الخيط جوه الحلقه المتكونه
الاصفر سلاح الابره السفلي لما طلع للامام وقفل علي طرف الابره
الازرق عقده الخيط


كملي شد الابره للخلف حاتلاقي الحلقه دي عدت من عقده الخيط اللي عندك وفيها طرفي الخيط
كملي شد الابره مخلصه طرفي الخيط وبايدك شدي طرفي الخيط لتثبيت العقده
وبس


وده شكل العقده او الغرزه لما خلصتيها
الاسود طرفي الخيط
والازرق عقده الخيط


دلوقت انتي عندك مساحات بالوان مختلفه بتكون المنظر
املئي بقي المساحات دي بعمل غرزه جنب غرزه بلون الخيط المحدد للمساحه دي
ارجو اني اكون قدرت افيدك
ولو لا يبقي الاجر والثواب عند الله ههههههه
تصبحي علي خير