ماني عارفة ايش المشكلة ؟؟؟؟

صباح الخير ...
طبعاً ترددت اكتب عن موضوعي بصراحه ...لعدة اسباب منها خصوصيته شوي
بس بما اني جديدة (او اتابع بصمت من سجلت هنا وقليل مااكتب مواضيع)
قريت ردود للعضوات غايه في الرقي والمفهومية ....والبعض الاخر نص ونص بس مانعممم
وبما اني بنزل الموضوع هنا ليت يردون علي المتزوجات ....البنات لو سمحتو شوي بما انكم ماجربتو ...
بدخل بالموضوع ع طول
انا متزوجه من 16سنه تقريباً عمري بنص الثلاثينات تزوجت زواج تقليدي .....علاقتي بزوجي فوق المثالية ولله الحمد مو ادعاء لذلك
عندي اسرة صغيرة والحمدالله امورنا الحياتية والمادية ممتازة
بتتسألون وين المشكلة
انا تقريباً من 6سنوات اصبت بمرض السكري ..كان بالبداية سكر حمل ومع الايام استمر وثبت معي
المشكلة هنا (كرهي للعلاقة الزوجية) وبنفس الوقت عدم رغبتي بها يمكن اقول ك رغبه في الشهرين مرة ......ماابالغ )))تقولون كيف متحمل ووشلون يصبر
مادري بس احيان اشبعة بامور اخرى من مداعبات وكذا ....
في قرارة نفسي ازعل واتضايق انه مايستاهل كل هذا مني ...
ونفسي اسعدة لاني متيقنه ان هالشي عن الرجل بالمقام الاول
ودايم اقول بيني وبين نفسي بكرة اعمل كذا ..افاجئة بهدية بسفرة نغير جو
الى ان جاااء ذاك اليوم تقريبا من 6 شهور صارحني حتى ماحب يحرجني بس قال (انا رجل وعندي احتياجات مو صنم احتاج لك واحتاج افرغ طاقتي) انا انصدمت
بررت انه الشغل والبيت والاطفال بس حسيتها شماعة اغطي فيها اهمالي لهالجانب ...
قلت له ابشر مايصير خاطرك الا طيب
صرت ابالغ باللبس وابالغ بالدلع مثل اول ايااام زواجنا ....حتى بالـ......... احاول اني اسايرة وادعي اني متلذذة وسعيدة
مع الوقت حسيته عاجبه بس بنفس الوقت يبيني ارجع زي اول انا اللي اجهز وانا اللي لي رغبة واجذبة ...
يقول انتي ماترغبيني زي اول .....
احيان اقول يمكن من زيادة وزني مع اني مو مرة دبه كان وزني 55 والان 87 وطولي 167......
او يمكن من مضاعفات السكر فقدان الرغبه
مادري ايش السبب؟؟
بس تخوفت اني استمر ع الاهمال من هذة الناحية واكون ظالمته معي
شورو ا علي وش اعمل ؟؟؟؟؟
تصدقون فكرت اسمح له بالزواج ع الاقل ماشيل ذنبه طول عمري