ماني عارفة كيف اتصرف !!

السلام عليكم اخواتي من عالم حواء
ما انكر انه هذه اول مشاركة ليا بالمنتدى لاني مسجله من نص ساعة و قاعده احوووس في المنتدى عسى و لعل الاقي حاجة تريحني
اخواتي .. انا قصتي باختصار اني اتزوجت من 6 شهور زواج تقليدي .. ملكت شهر 8 و تزوجت شهر 4 بعد معامله تمت بعد سنه و 8 شهور
هوا من نفس قبيلتنا بس مو سعودي و انا سعودية
المهم انه هذا الشخص اووول شخص في حياتي كرجل احبه كانت الحياة مفتوحه ليا و كنت اقدر اتعرف زي باقي البنات بس
انا فكري من انا صغيره انه اول شخص احبه في حياتي راح يكون زوجي ان شاء الله
و تعلقت فيهىجدا ايام الخطوبة رغم انه م كنا نكلم بعض بس كان يوصلني كلام هنا و هنا و كنت ارتبك كل ما اسمع اسمه
و ايام الملكه كنت سعيدة لابعد حد كنا نخرج و كان انسان جدا متفهم و احس بحبه ليا كبير او كان هذا الي يحسسني هوا
و كان وقتها يشجعني على اني اكمل دراستي و هدايا و دلع لابعد حد
المهم بعد الزواج كنت طايرة بس بنفس الوقت فكرت اني اخذ حبوب منع حمل عشان دراستي اولا ثانيا عشان عمله و ما نضغط نفسنا بالخلفة
ونأسس حياة مريحه مع بعض لانه انا صراحه مدلعه حبتين و اشيل هم الاطفال صراحه و حسيت يبغالي وقت
المهم انه بعد الفرح بثلاثة شهور كنت راقده بالكنب بالصالة وهو حط صينية العشا قدامي عشان كانت الدورة متعبتني وقتها و كان جواله بالارض
و تعرفه الايفون مزعج اذا جات رسايل عالواتس ورا بعض والله من غير قصد طالعت بالجوال لقيت حبيبي و حياتي و رد عليا
انا اتجاهلت الموضوع تمام و اعطيته الجوال و قلتله بيرن من اول
المهم اكلي صار جدا خفيف من وقتها رغم اني كنت ماابغى افكر في الموضوع و نزلت فوق 7 كيلو و جسمي صار هفتان و كل شويا تعبانه
بعد شهر قالي انه عنده اجتماع في الرياض و انا وقتها بادرس في معهد و ما قدرت اروح معاه كان وقتها يوم اثنين و راح يرجع الربوع و في نفس الوقت
اتفت معاه انه يوم الخميس بنسافر للمدينه (اهلي و اهله ساكنين هناك) عشان عندي مناسبة يومها
تخيلووو جاتني رساله عالفرسان اني مسافرة من جده عالرياض و طبعا انا مسدوحة بسريري جاني الشيطان و قالي دوري في شنطتك بطاقتك الشخصية
و رحت فعلا ما لقيتها الا اتصلت عليه و سالته على اساس بادورها من اول و ماني لاقيتها و دموووع الا قالي انها معاه لانه بيسجلني في التأأمينات
طبعا انا اكتملت عندي الصورة و فهمت الموضوع كله انهرت تماما و البكا م وقف النوم من عيني طار حتى في المعهد كان عندي اختبار و زي الزفت النتيجه
المهم قعدت افكر ايش اسوي كيف اتصرف منا لليل ارسل رساله للسناب و عرفت انه في شارع معين في الرياض و قالي انه هوا نازل مع الفرسان الباقيين
يعني الشركه حجزت لهم دووورت على كل الفنادق في داك الششارع الين عرفت هوا فين نزل بس رخيت السماعة الين عرفت انه طلع عالمطار و اتصلت بالفندق
و قالي انه دا الاستاذ خرج و معاه مرته
و انا طبعا كنت متأكده انه معاه وحده و مسفرها باسمي بس كل حاجه كانت تجيني تاكد زياده و انا انهار زياده طبعا لما جا سويت نفسي م ادري عن شي
و استقبلته بكل حب و حنان بس من كثر م كنت متقرفة من قربه قلت له عندي الدورة
المهم بعد م وصلت بيت اهلي كلمته و قلتله الموضوع كامل و طلبت منه لا يوريني وجهه و حضرته و حذفته من كل مكان
ازعج اختي اتالات و قالها (طبعا عشان م يكبر الموضوع) انه الموضوع هايف و زعلي مرا كبير عالموضوع
و ارسل هدايا على زاجل كلهذا خلال اسبوع بس
والي رجعني بيتي بعد اسبوع انه امه م تستاهل انه يكون دا الانسان ولدها ولامي تستاهل اني اتطلق و ارجع لها البيت بعد 4 شهووور بس
المهم كان ياخذ حقوقه بس م كنت اجلس معاه م اكل معاه م اتكلم معاه الا كلمه ورد غطاها
المهم قلت احاول انسى ولو شويا الي سواه بس طلبت منه تحاليل انه سليم قبل لا يلمسني ماني ناقصة مصايب
و فعلا بعد 5 ساعات من كلامي معاه جاب التحاليل و صحيح اني اتكلم معاه عادي و اقوم باموري عادي بس ماني قادرة انسى و كنت
ما ابغاه ينسى كمان و يمكن كل بعد اسبوعين او قبلها اتذكر الموضوع و ابكي بالساعات لاني فعلا حسيت اني رخيصة عنده
بس حسيت انه يعاندني في بعض الامور اول كنت اطلب منه ريال يعطيني عشرة فجأة بعد الزعل صار م عنده
و صار كل يومين يسوي لي عزيمه و اشخاص كثار 7 و 12 شخص خلال 10 ايام في رمضان
و اول كنا نخرج نروح مطاعم دحين بططططل حتى تمشية عالبحر م نروح
و كان يجلس في البيت و ما يساعدني زي اول و ما يروح يلعب كورة زي اول
و فجأة طلع لي مشاكل من ايام ما كان بيدرس و يقولي انا مضغوط و رئيسي متعبني
(اول شي قلي هوا المدير -بعدين صار له رئيس فجأة )و مع ذلك كل م طنت في راسه يغيب يغيب من العمل
يروح مرا 8 مرا 9 مرا 10 مرا 11 و يرجع 2 ونص او 3 (كيف دا رئيس عمله متعبه)
المهم مشكلتي دحيييين ماني قادره اطيقه ولا قادرة اصدق كلمه من كلماته
و قد ما اشوفو طيب .. اشوف اضعافها انه خبيث و منافق
ماني قادره ابلعه و دحين انا عند اهلي برجع بعد بكرا جده خلاص خلصت جازتي و شايله هم فوق م تتخيلو
صايرة ما ابغاه بس خايفة على امه من الجلطة .. وعلى امي و صحتها اخواتي عندهم مشاكل كثيرة
احد يقولي الحل ابكي عالسجادة بالساعات الين ياخذني النوم احيانا
و المشكله كل يوم قاعده اكرهه اكثر من الثاني
اختكم/كيموووو