هلا بكل اللي ردوا علي...

مثل ما قلت يا دكتوره.. المشكله بالكوب ما يشربه.. ما يبي غير الرضاعه.. و ما يبيها غير وقت النوم..

هل مو زين عليه يرضع و ينام وله ايش؟؟؟

و ما هو أقصى وقت نوم متواصل؟ مع العلم بأني ما اخليه ينام الظهر او العصر الا اذا بنطلع بالليل عشان ما ينام بدري و حنا بالخارج..

السلام عليكم
اخفى الرضاعة عنه
وحاولى معه بالكوب
وبالنسبة للرضاعة قبل النوم يجب غسل الاسنان حتى لا تؤثر الرضاعة عليه

هلا يا دكتوره

مشكوره على ردك و اعطائي من وقتك الثمين

ان شاء الله أحاول معه

وهل يا دكتوره اذا قطعت الرضعه عنه يتعدل نومه و ينام وقت أطول او لا؟؟

طيب ما قلتي لي ايش اقصى وقت نوم بالليل؟

وهل ضروري نوم الظهر او القيلوله ؟ و ما مدتها؟

ترا حرررررام تقطعينه من الرضاعه وهو عمره سنه وخمس شهور تراه مررره صغير مسكين اصلاً حتى في الشرع مدة الرضاعه حددها الله سبحانه وتعالي (حوليين كامليين ) يعني سنتيين بالضبط وهذا هي رضاعه طبيعيه يعني افيد من الصناعيه بمليوووون مررره فمابالك بالرضاعه الصناعيه عاد اقول بس لاتحرمينه وهو بهالسن تررراه مررره صغير وامي حبيبتي ربتنا ياربي لك الحمد احسن تربيه تقولي كنت اخليكم مع الرضاعه الى اربع سنوات تقريباً اسمه حليب بالاخير ومامنه مضره ان شاء الله لاتقوليين للي يخرب الاسنان وماادري ايش كلنا انا واخوني الحمد لله اسنانا مافيهم الا العافيه يالله لك الحمد وبعدين خليه يرضع حليب وهو نايم ترا الصغار بسرعه يجوعون يعني لاتقوليين رضعته قبل لاينام ترا ماتكفيه هذي الرضعه ولا راح ينام مضبوط ويرتاح في نومه الا لما يكون شبعاً وهذي طبعاً عن تجربه وعمري المويا ماراح تكفيه لما يكون جوعان يعني حطي نفسك مكانه وشوفي انتِ ياللكبيره لما تكوني جوعانه مارح تنامي وانتِ مرتاحه فمابالك بالمسكيين الصغير هذا اكيد طووول الليل راح يروح في بكاء وصياح ومارح يسكت وينام للغايه مايشبع صدقيني وماراح تندميين ..آسفه على الاطاله وموفقه يالغاليه...

السلام عليكم
نعم ان قطعتى الرضاعة ان شاء الله يتعدل نومه
المفروض ينام ليلا لمدة 6-8 ساعات بدون رضاعة
ان نام الظهر لا تزيدى له عن ساعة