كوبونات الراقية تسجيل الدخول

همســـااات

ماني عارفه ايش اسوي لمن اروح للدكتوره..

تأخر الحمل •

هلا حبيباتي كيفكم


انا لي 9 شهور من زواجي وبصراحه متلهفه مثلكم على النونو


ماني عارفه وين المشكله وايش الحل طقت براسي اروح للدكتوره واكشف بس مشكله زوجي مو راضي يقولي خليها

لمن ناخذ بطاقة التامين من الشركه ولمن اخذها ماقالي ولمن سالته قالي من شهر وهي بجيبي ولمن قلت يالله نروح قام يماطل يقولي خليها بعد سنه

حاولت اقنعه من3 شهور يعني بعد 6 شهور من زواجي الى الان اننا نكشف يقولي طيب ويسكت طفشت ومليت الين قلتله خلاص براحتك ماتبغى تروح انا بروح


انا عارفه انه هو حاس فيني بس مايبغى يشغل بالي يقولي خليها بعد سنه وان الحمل رزق من الله يحسبها اجراءات كبيره وان شي كبير لمن نروح نكشف


ياااربي ماني عارفه ليه ياخذني على قد عقلي مع انو هو متولع بالاطفال مثلي وهو اللي حمسني على الاطفال ويسالني متى ايام التبويض وبس


قولولي كيف اقنعه؟؟

ومتى اروح للدكتوره؟؟؟

والدوره حتخلص مني بكره.... وعند اي دكتوره تنصحوني اذا في احد من جده؟؟؟
15
1K

يلزم عليك تسجيل الدخول أولًا لكتابة تعليق.

تسجيل دخول

امــــاسي وونص
امــــاسي وونص •
حبيبتي تروحين للدكتوره اول يوم للدوره وهي تبلغك عن كل شي
بس دامك اخر يوم للدوره انتضري اليوم ال14 من بداية الدوره وشوفي التبويض عندك اذا كويس اولا
** وردة فاطمه **
** وردة فاطمه ** •
يااقلبي الله يهدي بالك

ويرزقك بالحمل الثابت التاااااااااام يارب يااكريم

حبيبتي انتي عادي روحة للدكتورة وهي راح تطلب منك شوية تحاليل

توسيتها من ثاني يوم للدورة (( طبعا الدورة الجايا)) .. علشان تشوف الهرمونات عندك

وراح تسويلك الترا ساوند لمتابعة التبويض عندك ... وراح تعطيك وشية نصائح عن افضل اوقات الجماع

والله يفرح قلبك ياااااااااارب العالمين ^_^
همســـااات
همســـااات •
امــــاسي وونص امــــاسي وونص :
حبيبتي تروحين للدكتوره اول يوم للدوره وهي تبلغك عن كل شي بس دامك اخر يوم للدوره انتضري اليوم ال14 من بداية الدوره وشوفي التبويض عندك اذا كويس اولا
حبيبتي تروحين للدكتوره اول يوم للدوره وهي تبلغك عن كل شي بس دامك اخر يوم للدوره انتضري اليوم...
كيف اعرف كويس او لا
همســـااات
همســـااات •
** وردة فاطمه ** ** وردة فاطمه ** :
يااقلبي الله يهدي بالك ويرزقك بالحمل الثابت التاااااااااام يارب يااكريم حبيبتي انتي عادي روحة للدكتورة وهي راح تطلب منك شوية تحاليل توسيتها من ثاني يوم للدورة (( طبعا الدورة الجايا)) .. علشان تشوف الهرمونات عندك وراح تسويلك الترا ساوند لمتابعة التبويض عندك ... وراح تعطيك وشية نصائح عن افضل اوقات الجماع والله يفرح قلبك ياااااااااارب العالمين ^_^
يااقلبي الله يهدي بالك ويرزقك بالحمل الثابت التاااااااااام يارب يااكريم حبيبتي انتي عادي...
اميييييين يااارب ولجميع البنات يارب ياكريم


يعني اصبر كمان شهر....

فين تنصحوني اروح

واللي عندها نصيحه لاتبخل عليا... من جد مالقيت احد افضفضله غيركم
شمس جده وقمرها
شمس جده وقمرها •
انصحك بالدكتوره نوال السناني بجده فهي مجربه وممتازه في مستشفى بخش