ي بنات انا مستغربه حركات امي معي
تخيلو دايم تذم جسمي وتقولي دووب واذا
ولا تقولي طحتي بالظافيير غيري تسريحتك هذي او لما البس عدسات تقولي تسمرك والحق ينقال انها روععه عليه وبيوم كانت تقول لبنات خالتي اشتري مثل عدسات بنتي روعه قلت بنفسي يوم جيت عندها ولبستها لها حطمتني .. ومره شريت تنوره قصيره مره روعه ولبستها ووريتها هي قالت لي ليش ماشريتي مثل حقت اختك الصغيره التنوره هذيك روعه قلت لها اختي طفله قالت لي في مقاسات كبار قلت لها هذي حلوه وبينت لي انها ماعجبتها تنورتي المهم بعدها بكمم يوم تجي تقولي بشتري مثل تنورتك انا قلت بنفسي هذي التنوره الي مي عاجبتك تعبت وربي ومره كنت جالسه وقالت لي اختك الصغيره مره جميله عيون وخشم وبشره قلت لها جمالها لنفسها ياربي ارحمني
دايم تقولي جسمك من تحت مليان خفي والحق ينقال جسمي ماشاءالله مره مناسب لطولي ومافي شي ومره كنت جالسه العب مع اخواني الصغار وارفع خشمهم بيدي واتريق معهم بعدها قالت اشوف خشمك مفطوس اكيد كنتي ترفعينه كذا يوم كنتي صغيره اتركي عيالي لاتعدمين خشومهم قلت لها ان كان مفطوس ولا سله سيف عاجبني خلقه ربي مو انا خلقته مع انو وربي مو مفطوس مثل الاندونسيات .. بس صغير وقايم من تحت مثل اي خشم سعودي ههههههه وسبحان الله ع كثر اني محطمه الا الي برا يشوفوني حلوه ومزيونه ودايم مايقلون لها الا وين بنتك الحلوه والله عمرها مازرعت الثقه بنفسي لدرجه جاتني فتره مره ماني واثقه بنفسي صرخه بوجهي صحبتي قالت لي وين اذا انتي مو حلوه مين الي حلوه اه ياربي وبالبيت محسسيني اني شينه وشغاله للكرف وعجوز
واذا جاء احد بيخطبني تطلع عيوب فيه وفي اهله وتقول هذول مره بدو ومدري كيف وبيسكنك بقريتهم ومدري وشو قلت لها الولد ساكن بالرياض مو بقريه وشغله بالرياض قامت تقول يوه لا صراحه انا مو داخلين مزاجي اصريت انا انو الخطبه تمشي لاني ارتحت للولد يوم شافوني صروفو النظر عني مع اني عجبتهم شكليا ومره سمعت انو بيجيني واحد حضري قامت تقول انا مو عاجبيني هذول قلت لها ليش قالت لي يطلقك ع طول البدوي احسن يتمسك بالحرمه قلت لها مو شرط يمكن يسعدني وصدفه كلمتني خالتي هي بنت مثلي تقولي ي مليحه اذا جوك الحضروافقي والله امي تمدحهم مممممره وخصوصا انو ولدهم دكتور والخ ويشيلون الحرمه شيل انكسر قلبي امي ذمتهم والمدح يجي من برا المهم
فجاءءه دق جوال امي والحرمه هي نفسها الحضريه امي اول مره ماردت كلمتني قالت تعالي ابوك يبيك ابوي قالي شوفي انا ماعرفهم والخ بس امك تقول انهم فالينها ومدري وشو طالعت بوجه امي يمه ي بنات مكتم وجهها وباين فيه زعل حسيت غصه بقلبي وقلت لابوي بكيفك الشور شورك ودقت الحرمه ثاني ورفضتهم انا لانو طلع بتخطبني لولدها المطلق مو الاعزب ي بنات تحيرت مع امي انا الي اكرف لها انا الي ابي ارضيها وفوق هذا احسها ماتحبني صح تختار معي ملابسي بس احس قلبها في شي عليه
مع انو اختي الكبيره ماتشيل الورقه من الارض بس تحبها اكثر مني ودايم تقول العرف يقول انو الكبيره هي تتزوج قبل قلت لها وش قصدك قلت لها يعني لو جاني احد الحين بتردونه عشان اختي قالت لي لا انتو كلكم كبار ومدري وشو قلت لها كفايه رديتو الانسان الي حبني عشانها ومراح اخليكم تكررون هالشي والحمدلله ابوي واقف بصفي بس ياخوفي من امي يابنات قولو لي وش تفسرون تصرفات امي وليش دايم تذمني وليش ماتمدح شكلي وجسمي وبياضي ليش دايم كذا وسرت الحين نوم واكل وشرب وشغل حتى جوالي اقدم جوال خاطري بجالكسي او ايفون او بلاك يوم اقول لابوي يقولي مشغول بمصاريف ثانيه اه ياربي رحمتك الي تعرف مندوبه تدلني عليها ابي اشتغل بالنت واصرف ع نفسي
اللهم صل وسلم على نبينا محمد دعواتكم لي اتزوج في هالسنه وزوجي يعوضني عن كل شي
مليحه العمر @mlyhh_alaamr
عضوة جديدة
يلزم عليك تسجيل الدخول أولًا لكتابة تعليق.
همي كبير
•
استغفر الله معقوله في ام تغار من بنتها ً؟ انا شفت امهات يقلدون بناتهم ويتشببون ً .. بس يمكن انتي اجمل واحلى من اخواتك وماتبغى اشكالكم تفرق عن بعض ماتحب وحده تتميز على الثانيه انا حسيت بكذا لانو عندي بنتين الفرق بينهم سنه ونص وحده حلوه والثانيه كمان حلوه بس الاولى متميزه بشعرها ونعومتو وبياضها عكس اختها ودايم اي احد يمدح بنتي قدام اختها ادخل بالعرض واحيان اختها تعاير الثانيه انا يحبوني يقولو احلى اطلع عيب فيها عشان مايكرهون بعض ولا يعيبون بعض ترى والله الام عندها الف افكار براسها بس واقفه مع الاقل وفي بالها انك مو محتاجه كلام حلو وبنفس الوقت ماتبغى تجرح اخواتك وتحسب انها تحل مشكله لازم تفهميها انك ماتحسي في طعم اي كلام حلو الا منها حتى لو كنتي مقتنعه بنفسك فهميها انتي بالطيب حتى مشكلتك هذي بتخليني اعيد افكر بتعاملي مع بناتي
والله هالشيي متعبني انا وانا عمري كبير
وفوق هذا كله امي ماتبيني اعرس قبل اختي
بناتك مو ذنبها اذا وحده احلا من الثانيه حسسيهم بالثقه ولاتنقصين بثقتهم بنفسهم
وفوق هذا كله امي ماتبيني اعرس قبل اختي
بناتك مو ذنبها اذا وحده احلا من الثانيه حسسيهم بالثقه ولاتنقصين بثقتهم بنفسهم
الصفحة الأخيرة
ومن ناحيةالكرف اللي ماعندهم شغاله اكيد بتنكرف لين يفرجها الله عندك انا عندي اختين مايسوو شي وانا بس اللي اكرف بس انا قبل كل شي ان نظفت فالبيت او سويت شي اقول يارب احتسبت هذا العمل لك وحدك وثاني شي عشان ارضي امي واصلا مالنا فضل
وغير هذا الامور احسها عاديه مو مشكله اذا امك اعطتك رايها في شي ماعجبها الناس اذواق انتي اووقات تشوفي شي مايعجبك بس يعجب غيرك وهذي الحياه الاذواق تختلف
من ناحية اللبس عادي او الجسم هي ماقالت جسمك مليان الا انها تبغاك تنحفي وتصيري احسن والتنوره يمكن بعد مالبستيها عجبتها عليك واخذت نفسها المهم انتي صفي النيه ولاتصيري حساسه من اتفه شي بالعكس تقربي منها وبوسي يدها وراسها احضنيها سولفي معاها واضحكي
وصدقيني بتتحسن المعامله للاحسن باذن الله