ماني عارفه شسوي امي وزوجي

السلام عليكم اخواتي 
ماني عارفه كيف ابتدي الموضوع احس راسي مشوش وانا مصدومه وماني عارفه اتصرف 
انا متزوجه لي 7 اشهر قبل لا املك علي زوجي تفدمو لي 3 وانا اخترت واحد فيهم وهو زوجي وكانت امي رافضته تقول بدو وناس ماهم اصل المهم انا اصريت عليه واخذته من ملكنا وهي تجلس معي وتقول ليه الحريم ياخذن رياجيل مراكز وانا رجلي طايح حظه ليه ليه الحريم الجياكر ياخذن رياجيل مزايين وانا ماخذتلي واحد لا وظيفه ولا زين !!!!! كل هذا التذمرات طلعت يومني ملكت علي زوجي ليه انه مركز ووجهه مقبول قلت يمه الله مقسم الارزاق وله حكمته امي واختها لهن حساب ديني بالانستقرام يضيفو الناس اللي يعرفونهم علي انهم حساب ديني وهم غرضهم يشوفون فلانه زوجه فلان وش جاب لها وفلان زوج فلانه وش حياته عن طريق هالبرنامج ! حنا اكتشفنا هالحساب يوم جت خالتي تضيف ازواج خواتي ! من حسابها الدعوي تتستر فيه بالدين وهي جايه تتطمش عرفو خواتي قالو لها ياخاله ليه دازه اضافه لزوجي تراه مايضيف حريم قامت تسب وتقول منزينهم ومدري ايش المهم طوفناها 
انا تزوجت وتميت عند زوجي كم شهر وجته دوره في دوامه وما اشوفه الا بشهر مره وماجا بيتنا الا مره في العيد ومرتين زياره يسلم هالمرتين امي جالسه تتميلح !!! وتحاول تلفت الانتباه ناحيتها له بتقولو تتوهمي اقول اتمني تجي تحط مكياج وترفع كمومها وتطلع ذرعانها وهو مو من عوايدها انا طنشت قلت عادي مثل ولدها المره الثانيه قالي زوجي بجي اسلم علي امك جيتها حاطه ملفعها ملكي وحاطه قذله كثيفه علي وجها !!!! وتمسك ملفعها مثل العروس وتمشي وتحاول تطيح الميانه معه مع العلم زوجي اهله مدينييين لاخر درجه وماعندهم الرجال يجلس مع الحريم علي عكس بيتنا الجلسه خلاطي عادي زوجي احسه عجبه الوضع وهي عاجبها الوضع ؟؟؟ انا حملت وانا الان في شهوري الاخيره قالي ان شاء الله بس تولدي ناوي اسفرك ثلاث دول وانا فرحت كثير وعطاني مبلغ وقدره لتجهيز البيبي رحت لامي اقولها زوجي فلان عطاني المبلغ هذا كله عشان اجهز فيه البيبي وهو مبلغ كبير قالت الله يجزاه خير ماقصر قلت اي وقالي بس تولدي بوديك ثلاث دول قامت تطالع وسكتت بعده بيوم جايه تقولي ماتسافرين وولدك ماني ماسكته لك قلت بس زوجي مايبغاه لان يكون صغير ومحنا مطولين مي راضيه وجلست تتحلطم الرياجيل مدلعين حريمهم وانا مالي حظ وانا وانا !!!!! سكت انا جا امس انا اتابع بالانستقرام مممثله جميله جدا ومحافظه علي شبابها واللي يشوفها يعطيها اصغر من عمرها قلت يمه شوفي مشالله شزينها علي انها كبيره قالت اي هذي تشبهني انا مثلها اهبل انا ازين منكم يابناتي قلت اي صادقه وهي صادقه انا ما انكر جيت بعده باسبوع ارسلت انا صور الممثله بالواتس اب لها وهي جالسه جنبي قالت ابي اسالك قلت اسالي قالت اذا زوجك حب له وحده مثلها بالضبط وعمرها بالخمسين مثلي انا تحترين منها ؟ قلت لا ما احتر منها احتر من زوجي لان ارخصني اما المره ليه احتر منها مثل النعال ماتهمني زوجي متواصل معاها واتس اب بس ايام الجمعه برسل ادعيه وهي جايه اليوم تطيح الميانه معه مرسله له مقطع مضحك لعسكرين وجايه توريني مثل اللي خايفه من تصرفاتها تقول شوفي ارسلت لزوجك عشان لي طلع يضحكك!! قلت اي طيب 
بنات لاتقولون لي انتي تتوهمي وامك طبيعيه هي تتميلح وتغير لبسها من تشوفه وزوجي احسه حاس هذاك اليوم رحت معاه استراحه اهله وجلسنا والجو عجيب ورومانسي قالي الله حنا لازم نعزم امك علي يوم هنا !!!!! طفح الكيل افيدوني الرجال طبيعي لكن هي لها نوايا مدري شالحل