ماني عارفه وش اسوي معاه

السلام عليكم
مره طفشانه واحس بقهر مو طبيعي
زوجي كل ماقام وقعد جاب طاري العرس ودايم اسكت واقوله هالموضوع لاتفتحه معي يزعلني وهو يقول امزح قلت له مزح فالموضوع ذا مابغاه
الى قبل كم يوم نتكلم عادي فالواتس وفتح الموضوع عصبت وقلت له اذا بتفتح الموضوع ذا برجع لهلي تعبت فوق انه مقصر والله مايمدحني بكلمه وحده وانا مقصرت معه فشي ولافخدمته حتى اني مو شينه فيني جمال شويه المهم هو فعرس واحد من اصحابه قمت ارسلت له فلان متى بتجي ونتكلم قال انا عريس عصبت ورديت عليه بكلامي اللي فوق
لما جاء قال انا قصدي اني لسى عريس وانتي لسى عروسه وهو كذاب ماقد قال هالكلام والله لو يشوفني لابسه ذهب مايمدح من جد يقهر
سكت مارديت عليه الى ثاني يوم طلع من البيت ودق علي يسالني عن شي قلت له مافكرت تطيب خاطري بكلمه زينه قال كانك زعلتي من الرساله اصقعي راسك بالجدار سكت وقفل وجلست ثلاث ساعات ابكي ياناس مافيه احترام والله ماغلطت بشي وجا نام ولا كلمني يعتذر ع كلامه مسوي نفسه زعلان واليوم نفس الشي دق يسال اش تبغون اغراض ابدا اتكلم يقفل فوجهي اذا خلص كلامه وارجع ادق ونفس الشي يخلص كلامه ويقفل فوجهي وهو متعمد انا عارفه يعني استفزاز لابعد درجه احس اني مظلومه وربي ماسويت شي وهو كل زعل كذا مايحترمني ابدا ابدا
وششششش الحل عيالي ماني قادره اهتم فيهم سد نفسي عن كل شي احس بس صاير فيني حزن