ماني عارفه وش حالتي هذي أنتم مثلي

السلام عليكم
بسألكم سؤال لأن تفكيري تعبان من هالسؤال الصعب اللي مالقيت له إجابه..
أنا أحب زوجي ولالا؟
والله أصعب سؤال مر علي بحياتي مو قادره أفهم شعوري أبدا من أخذته ماحسيت بلذه الحب
حتى ولو كان معي بأروق وأحلى حال
هو محسسني بحبه لي يعني حب قلبه لي فقط
أما طفه وهدايا ووو قليل جدا جدا الله يسخره لي يارب ويسخرني له

اما انا أبادله الحب وأحس ياناس أني أمثل عليه لما أقوله أحبك وأشتاق لك
يناس ما حس كلامي له طالع من قلبي

اليوم الصبح لما قمت قعد أشوف صورته بالصاله وأتأملها ما أحس بشي يتحرك جواتي له
أحسه شخص عادي ترى لنا فتره متزوجين
والله يابنات أحيانا لما أشوف صورته أقول والله أني منقهره أتمنى أحبه وأدعي ربي حول الكعبة أنه يملى
قلبي بحبه يروح ويجي كله واحد عندي
وأحيانا أقول مو شرط الحب في الحياة الزوجية أهم شي التعايش والإحترام
أحيانا أستغفر الله ياربي لما بس أتخيل اني راح أفتقده ويروح من عيني بسم الله عليه أحزن وأصيح !!
أستغرب من نفسي أقول انا أحبه أجل ولا هذا وشو

يناس أنتم مثلي ولا فيه أحد مثل حالتي
ووشوو الحب اللي تحسون فيه أبي أفهم انا فاهمة الحب خطأ ولا صح ترا بنجن من جد
اليوم الصبح فتحت على صورته قلت انا من اليوم ورايح راح أقنع نفسي بحبه
تعرفون المثل اللي يقول كذب الكذبه وصدقها هذي هي

بنات انا طبيعيه ولا لا وترى من تزوجته وهذي حالتي..
أدعو لي تكفون