غلا طارق @ghla_tark

عضوة جديدة

ماني فاهمة نفسي دلوني

مساء الخير من زمان وانا بحاجة لمن يفهم مايجول في خاطري من مواقف واحاسيس وعبارات ليقراءها يحللها ثم يقول لي هذا صائب وهذا خطا وذاك مبالغ فية والاخر لاحاجة لة سوف ابدا قصتي او روايتي او مدونتي ايما تشاؤون اطلقوه عليها
انا سيدة منزوجة اليوم اكملت 17 عام الحمدلله زوجي طيب وحنون ولكن انا انسانه رومنسية او انه يخيل لي اتفانى من اجلة ينبسط في لحظاتهت ثم ينسى احيانا لايعبر واذا عبر قد يؤلمني مثلا الاعياد الفطر والاضحى نادرا مايتذكر ويحضر هدية لدرجة انني اصبحت لاافرق بين اليوم العادي والعيد بل انني اتمنى ان اعود لمنزل اهلي فللعيد طقوس قبلة وبعده افتقدتها من زواجي عبارات رومنسية او رسائل شوق وحب ابدا بل انه يرسل لي ماتخطة يدي اوارسلة له اذا سافر ارسل له كثيرا واتصل علية مرارا واخبرة بشوقي له اما هو فاذا اتصل يكون هل انا في المنزل او خارجة كيف الاولاد حتى اتصالة على هاتف المنزل واتناسى ذلك في ذكرى الزواج احاول جاهدة ان افعل اي شيء يدخل السرور لة كل عام فكرة مختلفة واقول ربما هذا العام يسبقني وللاسف لاشيء قبل سنتين عملت حجوزات لاحدى الدول العربية واقامة في اوتيل ولبست فستان فرح وعملنا شهر عسل هذه السنه عملت حجوزات فى احدى الفنادق ولكنه رفض في بعض الايام افاجئه باي شيء اتمنى ان يفاجئني بشي يشعرني باهميتي لدية حتى عيد ميلادة اذكرة فية عيد الحب التواريخ لاتعني له شيء ابدا ولكنني اصبحت اشعر بالاحباط رومنسي وقت حاجتة للجنس هو غيور جدا ربما انني انا اخطات لانني افرطت في دلالة احيانا اقول له انني طفشانه لعلة يشعر فيني وياخذني لسهرة او خرجة نادر جدا ارغب احيانا ان يتركني بلا مسئولية الاولاد بان يذاكر لهم يهتم لامورهم حتى اغراض المدارس انا من يهتم بها لايسال عنها لانني اجهزها من بدري مثلا اغراض رمضان اوفرها من بداية شعبان ملابس العيد اي شيء عند اعد واخطط له من بدري لكن لايقول انت مشكورة يعتبرة من اساس وواجب علي القيام به حتى المصروف ثلاثة ارباعة من مالي الخاص فانا موظفة وانسانة لدي دخل ثاني غير الراتب من عقارات املكها سؤالي
هل هو استغلالي او اناني اوغير مبالي لانني احبه ولكن ارغب في تعديلة اوان اغير من احلامي الوردية ساعدوني :icon33::icon33::icon33:

يلزم عليك تسجيل الدخول أولًا لكتابة تعليق.

تسجيل دخول

عالم حوا وبس • 13 سنة

لا تكلفين نفسك فوق طاقتك اختي يعني دلعي نفسك ودلعيه بس بحدود واهم شي الاخلاق كثير منا الحريم ودنا نسوي مثلك بس احيانا الماده تمنعنا والله ودي اعزم زوجي بمطعم او اجيبله هديه لو بسيطه يعني الحال مثل بعض الرجال طبعهم واحد بس لو تستشيرين اخصائيه احسن لك تقبلي رائي واتمنى لك التوفيق

لمووو بنت أبوها • 13 سنة

مدري ياعمري وش اقولك بما اني صغيره مايتجاوز عمري 19 واكيد انتي اكثر خبره ومعرفه مني ..
بس 17 سنه وانتي تلاحقين وتتفانين بتدليله واسعاده وتوفير كل شي طبيعي زوجك بيكون مثل ماذكرتي ..
مفروض ياقلبي التفتي لنفسك وحاولتي تريحين عمرك موب تجلسين طول وقتك تتفانين باسعاد هالزوج ..
خذيها قاعده عندك المرأه اللي تحب نفسها وتدلل عمرها زوجها يدللها والعكس ..
والمرأه اللي مشغوله بنفسها ومو متمركزه حول الرجل هذي يلاحقها الرجال ويتمنى انها تلتفت له ..
انتي الحين مابيدك الا حل واحد انك تطلبين من زوجك انك تتفرغين لنفسك لمدة اسبوعين مثلا عند اهلك وتتركين الاولاد عنده وبتشوفين ان زوجك بيرجع لك ..
شي ثاني انشغلي بعمرك اطلعي وادخلي مع صديقاتك وخواتك واهلك ..
لاتدقين ابدا على زوجك ولا تراسلينه اقطعي عنه كل اساليب الدلع اللي متعود عليها والهدايا وبتشوفين كيف يحاول انه يكسب قلبك ..
خليه يروح لغرفة النوم واذا ناداك قولي انا مشغوله انا بتفرج على التي في او بقرا كتاب او اتصفح النت او اي شي ..
احب انبهك بعد لشي في العلاقه الخاصه تمنعي مو من اول مايقولك تجين قولي حبيبي احس ماودي اليوم ممكن ناجلها حتى لو كنتي تبين بيني له انك ماتبين ..
خصصي لك يوم بالاسبوع خاص فيك مع صديقاتك او حتى الحالك قولي اليوم هذا يوم الدلع حقي مابي ازعاج اطلعي روحي لمشغل تسوقي سوي اي شي تحبينه ..
لاعاد تعطينه من فلوسك قولي ابي اكافئ عمري واشتري لي اشياء احبها طقم الماس مثلا او اي شي نفسك فيه ..
بيني له انك تحبين نفسك كثير وبيني له انك تحبين تدلعين عمرك ..
الخلاصه من هذا كله :
بيني لزوجك انك مشغوله عنه + بيني له انك سعيده بدونه ..
وبتشوفين بعد هذا كله كيف يلاحقك ويسعى لرضاك ..

آهـ يا دنيا • 13 سنة

لانني افرطت في دلالة

هذي العبارة ذكرتيها وهي جواب ع سؤالك انتي فعلا افرطتي

مره سمعت دكتور او محلل نفسي
يقول كل شي لازم باعتدال الافراط بالدلال والحب نتايجه عكسيه

لازم تعرفي متى تعطي بوقت مايكون هو محتااج هالشي

حتى اذكر انه قال الافراط بالدلال والحب للزوج

مثل لما الشخص ياكل كثيييير فيحس بتخمه وخمووول !

ربي يسعدك ويحقق مرااااااادك

سندريلا الجميله • 13 سنة

يابنت الحلال انتي صايره ند مو زوجه حاسك واحد من الربع اصحابه تصرفين وتعطين اجل هو كيف يحس برجولته تبين الصدق والله مالومه لو يدور اانثى تحسسه انه رجل خلي فلوسك لك واتركي الهياط والرومانسيه اللي ماله داعي ياأختي كل شي باعتدال حلو مو احسن يحتجزين لنفسك وتدلعينها ترى الرجال مو كل الحياه احترميه قدريه بس خليه يقوم بواجباته يصرف على بيته وعياله وعليك وين يودي فلوسه لصرتي تسوين كل شي خفي على نفسك شوي حراااااااام اللي تسوينه اتصدقي اذا مره مطفشتك فلوسك ترى فيه ناس مو لاقيه تاكل وانتي تراكضين ورى هالرجال ماوراهم وانا اختك غير الغثاء