ماني فاهمة نفسي دلوني

عزيزتي ..
اولا: هناك رأي شرعي معتبر من ناحية أعياد الكفار (الميلاد - الحب ...)

ثانيا: لازلت اتذكر سائلة سألت بروفيسور نفسي نفس سؤالك :
فأجابها : بأنها لم تعط زوجها الفرصة الكافية لانه يراها مبادرة فيترك هذه المهمه لها لتتولاها بنفسها
لو رأى زوجك أن أبناءة بحاجة لتدخله في امور المشتروات وتوفيرها لهرع الى ذلك ولكن رأك قد سديتي الفراغ ولم يرد إزعاجك أو ربما اشغاله الهته عن ذلك
ثقي تماما ان زوجك مرتاح لما تفعلينه ولو كان الامر غير ذلك لتدخل مباشرة
هكذا الازواج يصمتون حينما يعجبون بالشيء ليسوا مثلنا ( اذا اعجبنا ثرثرنا)

اعانك الله وموفقه,,

يا عزيزتي أغلب أغلب الرجال مثل زوجك لازم تفهمين شئ إذا بترتاحين

الزوج طريقة تعبيره عن حبه هو توفير متطلبات البيت وطلباتك وطلبات أولادك

الرجل يا قلبي يختلف عن المرأه بأمور الرومنسيه أغلبهم مايعترفون فيها والهدايا بالذات

مثل ماقلت لك ماينتبهون لها ولاتجي فبالهم ويعتبر أكبر هديه يقدمها لك هو إنه ماينقص عليكم شئ

من طلبات وضروريات .. تقولين مايساعدك بتدريس الأطفال يا حبيبتي هاذي الشغله من تخصص الأم

لإنها أوسع بال من الأب وأعرف لطريقة التعامل مع أطفالها أكثر من الأب والرجل يطلع ويشتغل ويكرف

ويواجه مواقف مانحس فيها كله حتى يوفر لقمة العيش الرجل دايم باله وتفكيره يتركز على الأساسيات

والضروريات ماعندهم الطاقه إلي إحنا نملكها الحريم دايم طاقتهم أكبر من الرجال تقدر الحرمه تقوم بكذا

شغله بوقت واحد ممكن تدرس الأولاد وبعدها ترتب البيت وبعدها تطبخ وبعدها تفكر تفاجئ زوجها بهديه وتذكره

بموعد مهم لكن الرجل عكسها تماما مايقدر على هالشئ أبد طبيعتهم تختلف عنا ولا كان ماصارت الجنه بكبرها

تحت أقدامنا يالغاليه .. لا تصيرين حساسه وتدققين بكل شئ فوتي وتغاضي ولا تحطين سلبيات زوجك تحت المجهر

دايم تذكري إيجابياته وإحمدي ربك إنه زوجك قايم بواجباته الأساسيه معكم إحمدي ربك إنه مايقصر بدينه إحمدي ربك

إنه مو راعي خرابيط وبنات وخيانات دايم إدخلي هالقسم وإقري مشاكل العضوات الله يفرج همهن وبتشوفين وشلون

يهون عليك وضعك وبتحسين إنك بنعمه عند وضع غيرك ..

لا لا لا تنشدين الكماااااااااااااااااااال لإن الكما لله ومافيه زوج كامل ولا زوجه كامله إرضي بالي إنتي فيه وإشكري ربك

ربنا يقول ولإن شكرتم لأزيدنكم .. والله يسعدك ويريح بالك

شوفي بالنسبة لرومنسية والهدايا اظن اغلب الرجال كذا الا القليل منهم رومنسيين

اما شؤون البيت والدخل هذا خطا منك عودتية على شيء غلط من مسؤوليته

والله ماعندي خبره بالأشياء هذي
كان الله في عونك وسخره لك
أن شاء الله يفيدونك الأخوات

مدري ياعمري وش اقولك بما اني صغيره مايتجاوز عمري 19 واكيد انتي اكثر خبره ومعرفه مني ..
بس 17 سنه وانتي تلاحقين وتتفانين بتدليله واسعاده وتوفير كل شي طبيعي زوجك بيكون مثل ماذكرتي ..
مفروض ياقلبي التفتي لنفسك وحاولتي تريحين عمرك موب تجلسين طول وقتك تتفانين باسعاد هالزوج ..
خذيها قاعده عندك المرأه اللي تحب نفسها وتدلل عمرها زوجها يدللها والعكس ..
والمرأه اللي مشغوله بنفسها ومو متمركزه حول الرجل هذي يلاحقها الرجال ويتمنى انها تلتفت له ..
انتي الحين مابيدك الا حل واحد انك تطلبين من زوجك انك تتفرغين لنفسك لمدة اسبوعين مثلا عند اهلك وتتركين الاولاد عنده وبتشوفين ان زوجك بيرجع لك ..
شي ثاني انشغلي بعمرك اطلعي وادخلي مع صديقاتك وخواتك واهلك ..
لاتدقين ابدا على زوجك ولا تراسلينه اقطعي عنه كل اساليب الدلع اللي متعود عليها والهدايا وبتشوفين كيف يحاول انه يكسب قلبك ..
خليه يروح لغرفة النوم واذا ناداك قولي انا مشغوله انا بتفرج على التي في او بقرا كتاب او اتصفح النت او اي شي ..
احب انبهك بعد لشي في العلاقه الخاصه تمنعي مو من اول مايقولك تجين قولي حبيبي احس ماودي اليوم ممكن ناجلها حتى لو كنتي تبين بيني له انك ماتبين ..
خصصي لك يوم بالاسبوع خاص فيك مع صديقاتك او حتى الحالك قولي اليوم هذا يوم الدلع حقي مابي ازعاج اطلعي روحي لمشغل تسوقي سوي اي شي تحبينه ..
لاعاد تعطينه من فلوسك قولي ابي اكافئ عمري واشتري لي اشياء احبها طقم الماس مثلا او اي شي نفسك فيه ..
بيني له انك تحبين نفسك كثير وبيني له انك تحبين تدلعين عمرك ..
الخلاصه من هذا كله :
بيني لزوجك انك مشغوله عنه + بيني له انك سعيده بدونه ..
وبتشوفين بعد هذا كله كيف يلاحقك ويسعى لرضاك ..