ماني قادرة اتقبل زوجي والكلمة الحلوه ماتطلع الا بضيقة صدر

اختي . امس كانت تسألني كيف تتعامل مع زوجها او كيف تقدر تتقبله لين تتوظف ؟
زوجها بختصار ضربها كثيير ضرب مبرح حتى وهي حامل وخنقها واحيان الضرب لحد النزيف .
ومايهتم فيها ولا يعطيها مصروف اللهم ياكلها ويشربها
ويتفل عليها ويسبها ويخطي بحقها كثيير ويتسلط عليها بشكل مو طبيييعي ! لدرجة اذا قالت له لشيء لا يضربها ؟
ولا تسوين كذا ولا تفعلين كذا ولا تطلبين طلبات من برا ولا تطلعين ولا تخرجين الا ورجلي فوق رجلك ولا تلبسي عباية كذا ولا تطالعي هنا ولا تتفرجي ع ذا ولا تسمعي ذا
وهو لنفسه كل شيء حلال .
بختصار صار لما يقولها كلمة حلوه مالها نفس ترد عليه ولو ردت مثلا حياتي وقلبي قلبها يضيق حيييل
تقول ماهي قادرة تتقبله ولا هي قادرة تقوله كلمة وحده حلوه . وان من بعد اللي صار مستحيل علاقتهم ترجع كويسه ولا صارت مثل اول تشتاق له وتعبر له عن شوقها
تقول يعني اول كانت تطلبه يجلس معها يقول مشغول او الجلسه معك مضيعه للوقت . وايش بستفيد بالله ؟ وانه يستفيد من وقته بالقراءة افضل ! تقول كنت اتقبل واسكت واقول الحمدلله زوجي ع الاقل يقضي وقته بشيء حلو
في النهاية اكتشفت انه مرا قالها كذا وقفل ع نفسه وجالس ع الاباحيات ! وكل المقاطع الوصخه ؟
تقول والله ي اختي يجلس بالساعات ع مقاطع الممثلات و المقاطع الاباحيه ٦ ، ٧ ساعات وانا لما كنت اقوله اجلس معي ع الاقل نص ساعه يقولي كذا ؟ تقول حست بالاهانه حست انو هي ماتعني له شيء . تقول يمكن انا اطفش ؟ لانه مع اخته يجلس معها بالساعات ! الا هي
وغير كذا ماعمره جاب لها هديه الا ب اول الزواج بس حتى بولاداتها ماقد جاب لها هديه !
هذا ولا شيء طبعاً ؟ فيه اكثر بس اختصار للوقت هذا اللي بذكره .
وفوق ذا كله يطالبها بالحب ؟ وانه ترجع زي اول تشتاق له وتستقبله بحب وشوق مثل اول ؟
تحس خلاص ان كل شيء بداخلها له انكسر وم راح يتصلح !!
وتفكر تتطلق . برايكم من هنا لين تتوظف كيف تقدر تتحمله ؟