ماني قادرة انزل لزوجي من الاحراج

مشكلتي انا مثلا لما اكون اتناقش بموقف مع احد قبل ما اخذ غفوتي المفضلة من الساعة ٨ بالليل الين الساعة ١١ بالليل
الموقف او الموضوع يتم عالق بعقلي من كثر ما اتناقش فيه وما اسكت
اشوف حلم فيه بهالفترة + احكي فيه اول ما اصحى بهلوسة
وللاسف كان الموضوع حق اليوم عن الحرمة وحقوقها مع زوجها واذا تطلقت ومدري ايش وتناقشت مع سلفاتي كلهم بعد مافتحت الموضوع
المهم راحو على الساعة ٨ ونصف وطلعت لغرفتي اخذ الغفوة هذي
وطبعا احلامي ماتخيب شفت حلم مو ذاكرته عن هالموضوع وماصحيت الا وزوجي فوق راسي قاعد يحوس بالغرفة هو وابني ويهاوش فيه ويماسكه
لما صحيت قلت له وانا مغمضة عيوني لسا ومو بوعيي اصلا
ترا حضانة العيال لي تموت انت وماتاخذهم ياظالم من حضني فاهم وبعد ماسويت له دراما وانا مو عارفة ايش اتكلم عقلي هو لي يتكلم اصلا
وهو يقولي حاضر مثل ماتبين وابشري وبعدها يصفقني بيده على خدي يقولي يلا قومي بس لعنة الله على الدراما والمسلسلات لي قاعدة تشوفيها كل يوم
واول ماصحصحت يقولي اجل حضانة العيال ومدري ايش والله انتي لي يبغى لك حضانة مو عيالك قومي
المهم صارله ساعة وهو تحت بالمجلس وانا مالي وجه انزل له من الفشلة مافي الا اطالعه من المطبخ وهو يخز فيني من المجلس 🤣🤣🤣