ماني قادره أنام تكفون عطوني حل..الله ينولكم الجنه

السلام عليكم ورحمة الله وبركاته
هذه مشكلتي أضعها بين أيديكم ....وياريت ألقى اللي يشفي غليلي ويخليني أنام الليل
أنا تزوجت منذ 3 سنوات بالضبط
لم أطمح في شيء سوى رجل يخاف الله فيني
لم أطلب مال ولا جاه ولا منصب
رضيت أن أتزوج بعد أن توظف ب3 أشهر وكان موظف في وظيفه أهليه ((مؤسسه خيريه))
ملكتي كانت في بيت أهلي وأبي تكفل بكل شيء..بسبب أنهم من سكان الرياض ولا يعلمون عن منطقة الدمام أي شيء كانت عائليه أنا وأهلي وهو وأهله...ولم يشترط أهلي أن تكون لي ملكه في أستراحه أو غيره لكي أفرح أنا بأهلي وصديقاتي من حولي
علما بأن هو له أخ أكبر منه وهوأخوه الوحيد...كانت له حفله طويله عريضه في أستراحه
مهري كان 30 الف ريال فقط لاغير
زواجي كان في أستراحه لم تكلفهم حتى 15 الف ريال....هذا غير أني دفعت 5000 ريال من عندي لأتلافى التقصير الذي حدث
لكن زواج أخوه قيمة قصر الأفراح فقط 36الف ريال
اول ليله من زواجي قبلت أن أسكنها في شقه مفروشه ب200 ريال لليله
أما أخوه قضى 3 ليالي في شرتون الرياض مع زوجته
قبلت أن أسكن مع أهله في غرفه واحده مقاسها 4×4 في حي أسمه الوزارات في الرياض
بين الهنود والبنقاله...مع أني في بيت أهلي ولله الحمد كنت أسكن في منطقه من مناطق أرامكوا
وذلك إلى أن يجد وظيفه حكوميه في قطاع التدريس وبعدها نخرج في شقه
أو نجلس لمدة سنتين أو ثلاث مع أهله لو كانت وظيفته في الرياض ثم نشتري شقه صغيره
عشان أيش؟؟؟؟؟؟؟؟؟؟
عشان بدل مايدفع أجرات في هل سنتين يجمعها ونطلع في شي ملك على قدنا
لكن أخوه صار له متزوج 3 سنوات..........وهو في شقه هو مع زوجته
أول سنتين كان في منطقة تبوك بعد أن توظف مدرس فيها لمدة سنتين
في شقه أجارها 16 الف في السنه
هذا غير الأثاث واللي على كلام أهله أحسن الأثاث
ولما نقل إلى الرياض.........سكن في شقه من العماره اللي أحنا ساكنين فيها
"
"
الى هنا وماكان هذا الكلام اللي قلته يعني لي شي
ألى أن طفح الكيل فيني هذه الأيام
وماهي الأسباب؟؟؟؟؟؟؟؟
أول سنه عشتها مع زوجي في بيت أهله
ثاني سنه أصر علي زوجي أني أروح عند أهلي لأكمل آخر سنه من تعليمي الجامعي
لأن كليات الرياض لاتقبلني في سنه رابع...بل سنه 3 كليه لأن هذا النظام حسب المعادله
وبعد أصرار وأقناع منه....عشان تتوظفين عشان أنا أقدرأجمع خلال هل سنه ونطلع من هل حاره
ذهبت لأكمال السنه الأخيره من دراستي
في خلال هذه السنه رزقت بأن كتب الله لي أن أحمل
وبعد أن ولدت بنتي جائت الوظيفه المنتظره
مدرس في منطقه نائيه نوعا ما...تبعد عن المدينه قرابة ساعه ونصف
وهي في منطقه قريبه من الأحساء
وبعد أقناع منه ومن أهله...........أجبرت على أن أظل أنا عند أهله طول هذه السنه
إلىأن أصبت بحاله نفسيه لا يعلمها إلى الله
تخيلي نفسك مكاني
أهلك في الدمام
وزوجك في الأحساء
وأنتي ساكنه في الرياض
وليته أي مكان غير هذي الحاره
تخيلي
ماعندك جيران عرب لو طفشتي تسيرين عليهم
ماعندك سياره أو سواق يخليكي تروحين عند صديقاتك
أو محاضرات مثلا ...أو ندوات أو سوق
لازم تستنين زوجك لين يجي ويوديك هو
وليته لما يجيك يوم الأربعاء يفضالك
يروح عند ربعه
ولا يروح يغسل أموات في أحد المغاسل يطلع من صلاة الظهر
مايجيك الا على المغرب
يادوبك يخلص لك مشاويرك الخاصه
صيدليه أو سوبر ماركت على السريع
أمه تطلع من صلاة العصر وتروح نادي تسوي رياضه لين صلاة العشاء يعني على الساعه9
وساعات تروح عند بناتها وماتجي الا الساعه 11
وأبوه ساعات يروح النادي مع زوجته
أو يروح عند ربعه يوسع صدره
وأنا والشغاله جالسين نستناهم
حتى المستشفى إذا مرضت أنا أو بنتي لازم نستنى زوجي لين يودينا
ويمكن مره أو مرتين أبوه ودانا أنا وبنتي
وساعات أبوه يسافر بال3 اسابيع ويخلي البيت بدون رجال
ولا حتى سواق يخلص لنا أمورنا
وطبعا مين ممكن يخلصها وقت الضروره
أخوه اللي ساكن معانا في العماره
لا وأذكر مره أني بغيت لبنتي دواء وأمه قالت لي خليه لين يجي زوجك أحسن
بالله عليكم كل هذا فيه وحده تتحمله غيري
"
"
"
زبدة الموضوع
السنه الجايه عندي أحساس 1000 في ال100 أن زوجي ماراح ينقلوه الرياض
لو مانقلوه!!!!!!!!!!!!!!!!
أنا أبي أروح معاه حالي حال أي زوجه متزوجه تبي تستقر مع زوجها
ولو نقلوه!!!!!!!!!!!!!!!
أبي أطلع في شقه مستقله عن أهله
حالي حال حرمة أخوه اللي توفر لها هل أستقرار
لاتفكرون أني غيرانه منها!!!!!!!!!
لا والله
هي ممكن تكون غيرانه مني بس أنا لأ
والأسباب
أنا أحسن منها بكل شي
سواءا في العائله
أو التعليم هي معاها متوسط
وأشياء كثيره غيرها والكل يشهد بهذا الشي
حتىأهله مبسوطين من أهلي .........لكنهم ماهم مبسوطين من أهلها
لأنها من تزوجت وهم في مشاكل معاها ومع أهلها
لكن أنا
عمرهم ماسمعوا مني كلمة لأ
أو كلمه تزعلهم
صرت لهم أحسن من بناتهم
أقوم الفجر أسلم على راسهم.......وأسوي لعمي الفطور وأسولف معه وآخذ اللي بخاطره
أهلي يدقون عليهم ويسألون عنهم
لكن أيش فايدت الطيبه هذي؟؟؟؟؟؟؟؟؟؟؟؟؟
أحس أنها ضيعتني
وحقوقي قام الكل يطمع فيها على حسابي أنا وبنتي
تخيلوا
زوجي لما يسمع بنتي تصيح وتبكي
وهي عمرها 10 شهور
يسبها ويلعنها
ولما أناقشه
يقول أنتي لازم تعذريني عشان هي من لما أنولدت وأنا بعيد عنها
ومين السبب؟؟؟؟؟؟؟؟؟؟؟؟
أنا اللي تنازلت عن حقي وظلمت بنتي معاي
المشكله الحين
أن زوجي شرى بالفلوس اللي جمعناها أرض هو وخوه
وطبعا مخطط البيت ما أنأخذ رايي فيه ولا حتى راي زوجي
بسبب عدم وجود زوجي في الرياض
فستغل أخوه الوضع وسواه على مزاجه هو وزوجته
وأقنع أهله فيه وهم وقفوا في صفه
ولما ناقشت عمتي
قالت لي حسب التصويت
طبعا صوتي أنا وزوجي ضد 4 أصوات.........لأنهم فلتين دبلكس
يعني تضحياتي هذي طلعت بالفشوش
ولو طلبت شقه الحين ......سواء في عمارة أبوه ...........أو غيرها
أحتمال يطلعون لي عذر انه قاعد يبني
وأنا بصراحه البيت هذا كرهته لأنه ماجا على مزاجي
والحين أبوه اللي ماسك البنا
حتى المكيفات مايبينا نحط أسبلت فيها
يبيها مكيفات عاديه
وزوجي ماقال شي
وللمعلوميه
أهله أخذوا غرفتين في هل بيت كل وحده مقاسها 5×5 يعني 5×10
وماعندي مجلس حريم
بس مجلس رجال
والصاله مكشوفه من فوق
وأبوه يبي غرفه في الدور الثاني لبناته لما يجون عندنا
شرايكم؟؟؟؟؟؟؟
وليت أبوه مثلا بيساعده ويعطيه فلوس
على الأقل قيمة الشقه اللي ماسكناها لمدة 3 سنوات
وهو ياخذأجارها ويحطه في جيبه
يقول خليه يصير رجال يعتمد على نفسه
يعني تورطنا ببيت كبير
يالله 4 او 5 سنوات لين نخلصه
والمشكله أن عمي بيسكن معانا
إذا الأبو ماهم متنازل ولاهو مساعد عياله
وهو من واجبه يساعدهم
أنا الزوجه يبوني أتنازل
"
"
"
وين الغلط؟؟؟؟؟؟؟؟
أيش حقوقي؟؟؟؟؟؟؟؟؟؟
أيش أسوي؟؟؟؟؟؟؟؟؟؟؟
لا وأزيدكم من الشعر بيت
حامل بعد في الشهر الرابع
يعني حتى لو فكرت أني أنفصل عنه أفكر باللي عندي في رقبتي
طيب لو قلت لهم طلباتي
وهم اللي قاموا يهددون
لأنها أحتمال تكبر السالفه وأبوي يدخل
وياخذني عنده لو ما سكنت مع زوجي
بنات دلوني
أنا النوم عيا يجيني
ماأقدرأنام الليل