ماني قادره اتجاوز اللي صار 💔 😭😭😭😭

السلام عليكم
بنات قبل سنه تقريباً صار بيني انا وامي
نقاش وانا عاندت بالكلام شوي على سالفه
وتقوم امي تضربني ضرب بالعلاقه تبع الملابس والنعال وتجيب عصا القويه هذيك
ارتعت يوم شفتها وانا اصيح وتقول اسكتي ولا اضربك فيها بغت تكسر مفصل يدي فيها من الخوف هجيت من عندها ومسكتني من شعري وسحبتني ودفتني للـغرفه وقفلت الباب وراحت
المهم وتصرخ وتنافخ علي كأني قتلت احد وتوقعت تنام وتقوم ندمانه كالعاده
لكن للاسف قعدت فتره كل كم يوم ترجع تضربني وتصرخ وتنافخ علي باسلوب يزعج ماانكر اني استفزيتها بس مايستاااااهل هذا كله ابد ابد
وصرت اعاند واطنشها بالكلام من القهر عشان أقهرها زياده وعشان كذا استمرت تضرب بعد
المهم ويوم شافت وزني كيف نزل ونفسيتي زباله قامت حست وتقول قومي اوديك الدكتور باسلوب لطيف عاد يوم شفت اسلوبها حن قلبي وقمت رديت عليها وخلاص من بعدها رجعت اكلمها عادي
بالعاده لو بس ارفع صوتي عليها او اسوي تصرف يزعلها اعتذر لها وابوس راسها لكن هالمره رجعت اكلمها بدون اي اعتذار
احس قلبي كاااااااااااش منها وفي قلبي كسر وحقد عليها
لدرجه قعدت فتره كل مااتذكر ادعي عليها بقلبي استغفرالله
يابنات مو قادره ارجع زي قبل كنت طول الوقت احضنها وابوسها وماانام الا واضمها وابوسها واخدمها من قلبي وارحمها ومااخليها تشيل قرطاسه لكن الحين
خلاص قلبي مكسسسسسور منها وكل ماتذكر ابكي قهر واحس بطعنه وألم بصدري اذا جيت رفعت يدي وادعي خاصه
والله ماحد يخدمها ويرحمها كثري وهي تحبني بعد بس صدمتني ردة فعلها من شي تافه مايسوى حسيت سويت مصيبه كلمت شاب ولا طلعت استراحه شباب ولا فضيحه
ورجعت تكلمني هي عادي بس ماحسيت اي ندم في حركاتها ماكأنها سوت شي احس قلبي مليان مليان عليها.
قسم بالله ماجرحني شي كثر انها ضربتني ضرب وانا بهالعمر
ماني طفله ولا مراهقه يوم تضربني كذا
موظفه واللي مثلي بعيالهم بعد
ضربتني زمان يوم كنت بالثانوي اشد من كذا بس ماا
زعلت ابد ورحت اعتذرت لها نفس الوقت وماشلت بقلبي
لكن هالمره ماقدرت
لدرجه افكر بالعيد ماابوس راسها بس سلام عادي
وطبعاً هديه مستحيل اقول في نفسي ماتستاهل اضيع فلوسي عليها
يابنات ساعدوني كيف ارجع مثل قبل احضنها وابوسها واخدمها طبعاً كانت تسميني يدي اليمين بس خلاص القلب انكسر 💔💔💔💔💔💔💔
تخيلوا صرت مااحب اجلس بالمكان اللي هي فيه واذا جلست اقوم منه مااحب افتح اللاب توب وهي عندي اقوم واروح غرفتي قلبي كاااش منها ولا احب اجلس لحالي انا وهي بس
ساعدوني والله مو عاجبني الوضع بس فعلاً قلبي انجرح
وكل ماذكر ينقلب مودي وتنزل دموعي واحقد عليها 😔😔😔😔😔😔😔😔