رتبي يومك شغل الصباح وبعد الغداء. ارتاحي جهزي قهوتك وانتي ترتبين الغداء واذا فيه حديقة اطلعي لها مع عيالك او افرشي في الحوش او السطح وحطي الشاي وتقهوي وهم يلعبون. نوميهم قبلك بساعتين هذا وقتك لك صلحي الي تبغين لاترتبين وتنظفين اقري او. ارقصي او صلي. صلحي اي شي لك انتي فقط
شوي شوي يكبرون العيال وتصيرين تبين تجلسين معهم وهم يتهربون منك. وتذكرين هذي الايام وتقولين ياحلوها

ياقلبي الله يفرج همك
استغلي الوقت وعلميهم حروف وارقام ولغات وخليهم يرسمون ويستانسون بس قبل هذا اشتغلي ع نفسك وعدلي نفسيتك
اقراي القران يومياً اهتمي بنفسك صلي الضحى حطي لك جدول يومي تمشين عليه خلي حياتك منظمه ويتنظم البيت لان الام اساس المنزل والتربية
لاتقولين ظروف مادية ومدري ايش حاولي تتاقلمين مع الوضع وحطي الشي اللي يناسب ماديتك ووضعك احسن من الحسره والتفكير بالظروف

حاولي زوجك يساعدك فيهم شوي اطلعوا تمشوا حديقه مول بر اي مكان
تعرفي على جيران
حاولي تقنعي زوجك تخرجون على الاقل مره ف الاسبوع اذا مره وقته مايسمح
او ضبطوا وضعكم سافروا لااهلكم اسبوع اسبوعين وارجعوا
جبي لعيالك دفاتر تلوين خليهم يساعدونك في اشغال البيت البسيطه هذا اللي قدرت افيدك فيه الله يفرجها عليك يارب بس تري اغلب العيال كذا احيانا حتى وعندهم كل وسائل الترفيه وكل شي يشغلهم عن امهم الا انهم كذا حنانين زنانين الله يعينا عليهم يارب