ماني مصدقة اللي صارلي للحين،الحممممدلله علي كل حال

السلام عليكم بنات ومبارك عليكم الشهر،عسي ربي يتقبل صيامكم وقيامكم ودعائكم يارب العالمين .
بنات انا بقول لكم وش صار معي سبحان الله والله اني للحين ماني مصدقة اللي صار بس ارجع
واقول سسسبحان الله انه علـــــي كل شي قـــــــــدير .


انا تقريبا من فترة آحاول احمل طبيعي وكلوميد و و ولكن للاسف ماصار حمل، وصار عندي لخبطه بالدورة لدرجة
تجيني مرتين بالشهر واحيانا ما اشوفها ٣ او ٤ شهور ، ف راجعت دكتورة نسائيه الله يجزاها خير ، المهم طلبت مني
اسوي فحوصات وسويتها ويوم طلعت النتيجه رحت لها وصدمتني صراحه بالآشياء اللي طلعلتي ، آول شي طلعلي
والحمدلله هو " كسل في الغدة" وهو كان السبب في تلخبط الدورة معي وعدم الحمل ، ثاني شي طلع عندي تكيسات،
وطلع عندي بعد ارتفااااع في الاجسام المضادة ، وحمدت ربي وشكرته ، حولتني علي دكتور غدة وطبعا فهمني وش معني
كسل ، قال بهالرقم ما راح تحملين ابدا الا اذا انتظمت الغدة ، المهم قالي ماراح يعطيني علاج قال لي تعالي بعد شهر
نعيد الفحص، واذا ثبت بتاخذين حبه الثايروكسين ، المهم بنات قريت عن فوايد القسط الهندي وضغطت علي نفسي
واستعملته مده شهر ، ورجعت له لقا النسبه نزلت شوي بس صرفلي الحبه واخذتها الحين لي ٢٠ يوم تقريبا ،
المهم طبعا الدوره ما شفتها من شهرين ، ويوم خبرت الدكتور قال عاااادي بسبب الغدة ، المهم كملت حياتي
وسويت فحص حمل بعد تاخرها بشهر طلع سلبي ، المهم قلت آنا مستحيل احمل باخذ حبوب دافستون لمدة ١٠ ايام
تنزل لي الدوره لاني تعبت ، المهم خذتها بس مانزلت وكلمت الدكتوره قالت سوي فحص حمل اليوم وتعالي لي بكره
قلتلها دكتوووره انا مو حامل سويته طلع سلبي، قالت لا لااازم تسوينه قلت زين .
المهم بنات سويته وطلعلي " خطييييييييييين " يمه كيف ومتي حملت ؟ جربت ثلاث انواع فحص كلهم " آيجااااابي "
قعدت آبكي مصدومه كيف حملت ومتي ؟ وخفت لان فيني الغدة قعدت ابكي و زوجي يهدي فيني .
اللي بكاني هالحمل ما حسسسسيت فيه آبدا ، ف حملي ببنتي من اول يوم تاخرت الدوره كنت اتعب وعلامات حمل كثيره
منها الم الصدر والظهر واللوعه والبول الله يكرمكم كان لونه غااااااامق ، بس هالحمل عكككس ما احس بشي ابدا
بس الم في الظهر خفيف ،البول لونه فااااااتح فسفوري ، انا خايفه البيبي يكون فيه شي .
رحت للدكتوره اليوم قالت مبين من بطانه الرحم الحمل لكن الكيس توه ما بان وطلبت مني تحليل هرمون الحمل اليوم
وبعد ٤٨ ساعه ، سويته اليوم طلع هرمون الحمل عندي ٢٢٦.٩ ، وباقي يوم السبت، ف بنات وش معني هالرقم طمنوني دخيلكم.








المهم بنات انا حملت فالوقت اللي كنت اخذ فيه القسط الهندي هذي تجربتي بنات والله علي ما اقول شهيد حبيت افيدكم
بنات وعسي ربي يرزق كل محرومه وكل وحدة باللي تتمناه يااااااااارب