فرناز @frnaz
عضوة شرف في عالم حواء
ماني مصدقه اني شفت ......؟؟ ولا توقعتها ابد ابدا ؟؟
( المقطع في نهاية موضوعي )
ايوه يالغاليات مقطع ماتوقعت اني اقدر افتحه واشوفه كامل ... عارفين ليش ؟؟؟
لاني كلي ذنوب ،، مااستعديت لهذي اللحظه ،،
بس قلت لمتى نكون لاهين ؟؟ صلاتنا الله يعلم بحالها ،، اذا الصلاة عماد الدين نصليها بسرعه وبالنا مشغول ؟؟؟
هذا غير المعاصي ،، لمتى نغتاب ونسمع ونشجع على الغيبه ؟؟
الى متى الاستهزاء والسخريه بالغير ؟؟
ضامنين متى نموت ؟؟ يمكن اليوم ويمكن بعد سنين ؟؟
بس مصيرنا حفره وبنتحاسب على كل كبيره وصغيره ،،
تخيلي اذا زوجك كان زعلان ،، صح يجلس لك على الصغيره والكبيره ؟؟
ولو تغلطين على طول يلقطها ،، بالله الفتره هذي مو نصير حريصات ،،
وندقق بكل كلمه وكل تصرف عشان نفتك ،،
طيب تخيلي من بلوغنا الى اليوم والملكين جالسه تسجل كل كلمه وكل تصرف :44:
اللي جالسه مبسوطه على مسلسل ترى في تسجيل اول بأول ،،
لو احد يسألنا كم من اثم ارتكبتيه اليوم ؟؟
الاكيد ماندري ولا نقدر نحسب ؟؟ لكن الملكين يسجلون ولا يلهون ابدا ..
اسبوع واحد كم سمعتي فيه اغنيه ؟؟
الاغاني يالغاليات صارت شي عادي ؟؟ الكبير والصغير يسمعها ؟؟
حتى الاطفال سنتين وثلاثه يشجعونهم ويخلونهم يغنون ويرقصون رقص ؟؟؟؟؟؟
وبكل فخر ينزلونه مقطع عشان الناس تشوف الموهبه ؟؟؟
اي فخر واي تعليم هذا ؟؟
ترى البعض وصل لمرحله انه يسوي المعاصي ويشوف انه على خير ؟؟
وترى ماجبت شي من راسي ربي منزله في كتابه الكريم ..
قال تعالى ( أَفَمَنْ زُيِّنَ لَهُ سُوءُ عَمَلِهِ فَرَآهُ حَسَنًا )
والله الايه هذي تخوف ،، اسأل الله ان لايزيغ قلوبنا ،، عشان كذا نشوف العجب في المواقع الثانيه ..
كنت مره ابحث ولقيت شاب ( الحمد الله الذي عافانا مما ابتلاه به ...)
موضوعه كله مقاطع للاغنيه الفلانيه ،، والكلب الفلاني وووو شي يخوف..
واللي اثر علي زياده انه منزل الموضوع ويبشر الاعضاء بشفاءه من السرطان ،،
ويحكي رحلة علاجه ،، وبرضوا يهديهم المقاطع ..
والله الواحد يالله بذنوبه ،، لو بس يجلس يفكر تعب من كثرها ،،
كيف عاد يكون عندي نسخ عديده من معاصي وذنوب الناس اللي ارتكبوها:44:
لاني ببساطه اكون انا اللي دعيت لها بأي اسلوب كان ،،
الحمد الله موقعنا هذا ملزم الجميع بتعاليم الدين ،، بس فيه مواقع ثانيه لا ..
احرصي على نفسك وعلى ابناءك من موضوع من توقيع او صوره رمزيه ممكن
تكون سبب للهلاك والشقاء ،، لاتضعي اي حرام اي شبهه بتوقيعك ،،
كوني حريصه .. وعي اطفالك بخطوره هذا الشي ،، والله مايدري الواحد
هو يرجع يفتح الموقع مره ثانيه والا لا ؟؟
بتوقيع ممكن اكسب ملايين السيئات ،، كل من قرأ او شاهد الصوره المحرمه
لي نسخه من معصيته لاني انا السبب ،،
ثبت في صحيح مسلم عن رسول الله صلى الله عليه وسلم قال :
((من دعا إلى هدى كان له من الأجر مثل أجور من تبعه لاينقص
ذلك من أجورهم شيئاً، ومن دعا إلى ضلالة كان عليه من الإثم
مثل آثام من تبعه لا ينقص ذلك من آثامهم شيئاً))
الحمد الله عندنا مجال نكسب فيه حسنات عظيمه واحنا جالسين والا نايمين ،،
بس حطي بتوقيعك " لااله الا الله " كل من قرأها بميزان حسناتك ..
وفي نقطه مهمه يالغاليات ،، كثرة المعاصي وانتشارها
هذا لا يعني سهولة وبساطة المعصيه ،، لا لا
الان الكل يسمع اغاني والكل يلبس ضيق وشفاف ويكشف العوره
الا من رحم ربي ،، الان كثير اللي ينمصون ،، هذي من الكبائر وصاحبتها ملعونه ،،
يالله عشان شعرتين اُطرد من رحمة الله ..؟؟
عشان شعرتين اشيلها اهلك نفسي ،، كيف وضعي بيكون بالقبر ؟؟
اذا مارحمني ربي كيف حالي وانا وحيده لاام ولا اب ولا قريب ولابعيد ،،
طيب اذا سمعنا ان الله شديد العقاب ،،انه يمهل ولا يهمل ،،
اذا قرأنا آيات العذاب والنار والحساب ، اكيد نخاف ،،
طيب وش يهدي خوفنا هذا ؟؟
اكيد آيات الرحمه ،، واذا تذكرنا ان الله ارحم من الام على جنينها ،،
وانه يفرح بتوبة العبد ،
طيب واللي تنمص وش يطمن قلبها ؟؟وش شعورها وفي حديث صريح بوضعها ،
قال رسول الله صلى الله عليه وسلم :
( لعن الله الواشمات و المستوشمات ، والواصلات ، و النامصات و المتنمصات ،
و المفلجات للحسن ، المغيرات خلق الله )
حديث صحيح
ترى قيامتنا تقوم بموتنا ،، يعني خلاص لازم نترك المعاصي ،،
لمتى ماننتبه لحجابنا ،، العبايه لازم تكون ساتره وسيعه لاتصف ،،
ياختي ليش النقاب الوسيع ليش الكحل امام الرجال ؟؟
تتوقعين انك بتتحملين العقاب والنار ؟؟
راجعي نفسك يالغاليه واسأليها ليش تطلعين بهذا المنظر؟؟
رغم انك عارفه انه حرام ؟؟ رغم انك عارفه ممكن تموتين بأي لحظه ؟؟
ياخوات الدنيا تخوف ،، من حولنا فتن ،، والله يانجاهد هذي النفس والا بنهلك ؟؟
لا يغرك انتشار المعاصي انتبهي تضعفين وتحسين انها امور عاديه ؟؟
يالغاليات طولة عليكم خلاص بنهي موضوعي ،،
بس الان لازم نتوب عن كل معصيه ،،
اليوم اتركي الاغاني واتلفي كل اللي عندك من مقاطع واشرطه ،، اليوم كوني قويه امام القنوات ،،
اكيد البدايه بتكون صعبه بس استمري ،، وامشي على هذا الطريق حاسبي نفسك اول بأول ..
الان مع المقطع اللي والله اني ماني مصدقه اني فتحته وشفته ؟؟؟
بس قلت مافي الا اني اشوف مصيري عشان اخاف و اتوب واحاسب نفسي صح ،،
هو مقطع للشيخ نبيل العوضي يتكلم وهو في مغسلة الاموات ،،
ومن خلفه يغسلون ميت وقرايبه حوله ،، يالله تشوفين المغسل يقلب بالرجال
يمين شمال وهو مستسلم ،، وفيه شايب متأثر يمكن ابوه ،، ومدة المقطع 5 دقايق ...
وترى الشيخ نبيل اسلوبه جدا رائع هادي و صوته واطي وتقدرين تسمعين اي شي يقوله
موت قبر حساب عقاب نار ،، اسلوبه ماشاء الله تبارك الله مميز ..
تراني خوافه مره ورغم هذا شفت المقطع ،، حاولوا تشوفونه يمكن تكون بداية خير وتوبه لك ..
WIDTH=400 HEIGHT=350
150
12K
يلزم عليك تسجيل الدخول أولًا لكتابة تعليق.
الصفحة الأخيرة
الصراحه ماقدرت اشوف المقطع خواااافه مره
جزاك الله خيراا اختي وجعله الله في ميزان حساناتك