ماهر صيدم !!

السلام عليكم
أخباركم يا بنات

المهم أنا أعاني من عدة أمراض نفسية والأمراض تعبتني كثيير
قلق مخاوف وتوتر شديد ...جد تعبت وما أبالغ ان قلت انها بدأت تعيقني عن الحياة الطبيعية ...ولا أقدر أستمتع بأي شيء حتى لو كان خبر أو شيء مفرح يصير لي ...وحتى لو فرحت تنتابني نوبة هلع شديدة ان هالفرحة هذي مو خير لي
يعني أنا باختصار شديد "متوقفة عن الحياة "...عايشة وماني عايشة
وأحس اني طول الوقت قاعدة على ناااار وخصوصا اذا صار عندي شغل ما أقدر أنجزه أبدااا
والخوف وما أدراكم مالخوف ..أخاف من أشياء كثييرة كثييرة
وأي خطوة جديدة أقوم فيها "حتى لو كانت عادية" أخااف منها ...وأتوتر منها وأظل طوول اليوم متوترة

وهذا الحال استمر سنوات ..وكلما له يزود ...وأحسه فعلا بدأ يعيقني ..حتى الناس قمت أرتاب منهم

تصدقون يابنات اني حمدت ربي حمدا كثييرا على اني تخرجت من الجامعة على خيير ...لأني كنت أعاني أيام الاختبارات معاناة ما يعلم بها الا الله ...أذكر اخر سنة عجزت أحل ...عجزت تعرفون وشلون عجزت مع اني مذاكرة زيين وحافظة المنهج حفظ ...وكنت خايفة خوف مو طبيعي ...أذكر في اختبار كنت على وشك أفقد أعصابي كنت أصرخ على المراقبة بدون ما أحس كنت أرتجف كنت خايفة ....مع اني طول عمري أجيب امتياز ...وخفت أخفق بالسنة الأخيرة بس الحمدلله الله سخر دكتورات كانوا يعرفوني من السنوات الأولى ويعرفون اني متفوقه ومنضبطة ...دايم أحمد ربي على ان السنة الأخيرة عدت على خير
وبعد ما تخرجت من الكلية سجلت بالقدرات وتخيلوا يا بنات جبت درجات جدااا قليلة وما تؤهلني لشيء ...لأني كنت خايفة وانا أحل وكنت متوترة ...وعجزت أحل عجزت ..عجزت أركز عجزت وبعد ماطلعت من الاختبار قعدت أسترجع الأسئلة وفيه أسئله كثثير أعرف جوابهن زين بس من التوتر ما قدرت أختار الاختيار الصح


المهم انا رافضة فكرة الطب النفسي ..لسببين أولهم الأودية أخاف ان تأثيرها مؤقت وتساعد على الأدمان وبعدين ما أقدر أستغني عنها

...والسبب الثاني أخاف أطيح بدكتور ما يخاف الله يكثر لي الجرعة ولا ينقصها ولا يعطيني علاج ما يناسب حالي والأعظم اذا كان ما يعرف يشخص

أنا رحت لدكتورة نفسية وقالت عندي اكتئاب
ودكتور ثاني قال عندك قلق المخاوف الوسواسية

شفتوا
كل واحد عنده رأي ...وكل واحد شخص تشخيص يختلف عن الثاني اختلافا باتا
أخاف يلعبون فيني ويعطوني أدوية تدمرني ...لأن الأدوية النفسية خطيرة ولازم تكون تحت متابعة طبيب ولازم تكون الجرعة دقيقة

المهم ما أطول عليكم
أنا سمعت بالدكتور ماهر صيدم وكثيرر يمدحونه وانهم تشافوا على يده بعد مشيئة الله

وعنده شهادة بالطب الصيني وبالتحديد الابر الصينية ..وأنا صراحة ارتحت لهالنوع من العلاج ..وودي أروح له يمكن الله يشفيني على ايدينه

بس اللي ودي أتأكد منه هل يعالج الأمراض النفسية ؟

فأنا أطلب منكم يا بنات أي وحده عندها تجربة مع هالدكتور أو تعرف أحد تعالج عنده وتشافى تقولنا عنه مشكورة

واللي عندها فكرة عن مكانه بالضبط ومتى يكون متواجد وكيف الحجز عنده ...والتكاليف ... ياليت تقولنا

واللي ما عندها فكرة عن الموضوع ياليت ترفع الموضوع الله لا يهينها

وشكرا جزيلا