ماهمني الا راتبي ذا الشهر طار

الملتقى العام

معاناة 85%من الشعب السعودي



(((((ماهمني الا راتبي ذا الشهر طار))))




مانـي متابع للسيـاسة والأخبــار


ولا همـني أوباما ولافوز ماكـــيـن

ولا همني وش قال حسني وبشار


وما همني لو زادوا الهند والصين

وما همني لو سوق الأموال منهار


وماهمني لو كان خسروا ملايـين

ماهمني الا راتبي ذا الشهر طــار


كله صرفته يوم خمسة وعشرين

بعثرت مدخولي على يمين ويسـار


وقعدت وعيالـي نصفّـق بـكفــين

1300 عـلـى طـــول فــ إيــجــــار


و400 مصروف جوال في زين

و 1150 في شــركـــة إعـــمــار


قرض ٍ أخذته وشفطـوه الشياطين

و1100 تجديد وأتعـاب سـمــسار


عندي استمارة مطوفة حول عامين

و400 فــاتــورة المــاء والأنـوار


حـتـى ولـو كـنّـا للأنــوار مـطـفـيـن

وأمــا 800 بـســوي بها الــكــار


سـيارة ٍ جـربـا ثــلاث وثــمـانـيــن

لا شـمـة الراتـب يجـيها كـما الزار


تنـفض مكيـنتها كما نـفض بوكليـــن

وام العيال تـصـيح يا زوجي البار


هذا الشهر عندي في القصر عرسين

احتاج انا فستان من عشرة امتـار


وأفصـله يا فـالح الـراي بـألفــــيـــن

وأخر مئة بتروح في جيب كومار


الحارس الهندي عسى فـاله الشـيـن

ويقـول ما تـكفـيـه للفـلفـل الحــار


زعلان يبغى فوقها زود خـمســـيــن

وزادت معانـاتـي مع زود الأسـعار


أصبح مثل ما قيل طاق ٍ بطاقـيــــن

أزمة مسـويها مــداهن وتــجـــــار


وراحوا ضحيتها الضعوف المساكين

منـحاش من نـار ٍ وطـبيـت في نار


ويا ويل حـظ اللي وقــع بيـن نـاريـن

وإن الجمل صابر على الضيم صبّار


وان طاح تكثر في جنوبه سكاكـين

أبديت ما في الصدر من هم واسرار


بأقولها واخلي الخافي يــبـيــــن

يا شيوخنا لا لا تغضون الأبصار


صار المواطن يشكي العسر والدين


وانتم به ادرى ياطويلين الأعمار


بالله عليكم شوفوا الوضع بالعين
3
615

يلزم عليك تسجيل الدخول أولًا لكتابة تعليق.

تسجيل دخول

عــااابــره
عــااابــره
ياربييييييييييييييييي

جتني الصييييييحه,,

الله يرزقنا من واسع فضله,,
[ ماكنتوش ]
[ ماكنتوش ]
اممممممممممممم طلع راتبه 5150 ريال
زين نعمه
اجل اللي رواتبهم 2500 ويصرفون على عيالهم كيف بتطير ،، شكلها مع اول ساعه

الله يكون بعون هالضعوف

بس بصراحه ،، القصيده جزله
"تاج الغلا"
اممممممممممممم طلع راتبه 5150 ريال زين نعمه اجل اللي رواتبهم 2500 ويصرفون على عيالهم كيف بتطير ،، شكلها مع اول ساعه الله يكون بعون هالضعوف بس بصراحه ،، القصيده جزله
اممممممممممممم طلع راتبه 5150 ريال زين نعمه اجل اللي رواتبهم 2500 ويصرفون على عيالهم كيف...
والله الحين الي رواتبهم عشرة واحدعشر معاد تسوي شي في هالوقت وشكرا لمن ردت علي